Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ағыла ла ағыла моң...
Ағыла ла  ағыла моң... Октябрҙең hуңғы йонсоу көндәре Башҡортостан музыканттарына илhам нурҙары, ә тыңлаусыларға бөтмәҫ-төкәнмәҫ hоҡланыу hәм ләззәтләнеү тойғоһо килтерҙе. Өс көнгә Өфө Халыҡ-ара хәҙерге заман музыкаhы фестивале үҙәгенә әйләнде. Был көндәрҙә баш ҡалабыҙҙың бөтә концерт залдарында ла төрлө ил композиторҙарының заманса әҫәрҙәре яңғыраны.
Фестивалде асыу тантанаhы Х. Әхмәтов исемендәге Башҡорт дәүләт филармонияhында булды hәм унда Башҡортостан Республикаhының Алһыу Хисбуллина етәкселегендәге Дәүләт академия хор капеллаhы башҡарыуында Көньяҡ Корея, Япония, Венгрия, Эстония, Бөйөк Британия, Аргентина, Германия hәм Рәсәй авторҙарының әҫәрҙәре яңғыраны. Концерт юғары һөнәри кимәлдә үтте, фестивалгә лайыҡлы старт бирҙе.
Сәнғәт училищеhындағы ҡыҙыҡлы симфоник концертта Раушан Яҡупов етәкселегендә Башҡортостан Милли симфоник оркестры ҙур оҫталыҡ менән Ҡытай композиторы Ц.Ч. Гуаньдең “Йылға аға” балетынан “Ут бейеүен”, Ҡаҙағстандан Артыҡ Туҡһанбайҙың “Коркыт-ата китабы” (“Ҡорҡыт ҡартатайымдың китабы”) исемле камера симфонияhын, Рәсәй Композиторҙар союзы рәйесе Рәшит Кәлимуллиндың “Симфоник фрескалар”ын башҡарҙы.
Үҙебеҙҙең ижадсылар бик лайыҡлы сығыш яhаны. Композитор hәм ошо фестивалде ойоштороусы Ләйлә Исмәғилеваның “Арҡайым” балетынан икенсе шаршауҙың башында яңғыраған “Мантралар” тип исемләнгән ир-егеттәр хорында сәхнәлә күрhәтелгән драма күренеше (ике боронғо ырыуҙың яуға әҙерләнеүе) сағылдырылды. Ҡыҫҡа ғына hүҙбәйләнештәрҙең “ҡоро” hамаҡ­ланыуынан торған көсөргәнешле хор партияhы тотош динамик үҫештә күрhәтелә hәм был сығыш, hис шикhеҙ, концерттарҙа үҙаллы музыкаль өҙөк булып йәшәй ала. Рөстәм Сабитов та үҙенең беренсегә яңғыраған 5-се симфонияhында лирик hәм драматик образдарҙы бик оҫта үреп, әҫәрҙең төп ыңғай концепцияhын раҫлай. Тамашасы тарафынан симфония бик йылы ҡабул ителде.
Санкт-Петербургтан билдәле композитор Борис Тищенконың арфа hәм симфоник оркестр өсөн ижад ителгән киң билдәле концерты тамашаның йөҙөк ҡашына әүерелде. Уны композиторҙың ҡатыны, Рәсәйҙең атҡаҙанған артисы, Римский-Корсаков исемендәге Санкт-Петербург консерваторияhы профессоры Ирина Донская Өфөлә беренсе тапҡыр башҡарып, был экзотик ҡоралдың бөтә техник мөмкинлектәрен hәм төрлө яңғыраштарын күрhәтеп, ҙур уңышҡа өлгәште.
Фестивалдең hуңғы көнө уның ысын мәғәнәhендә кульминацияhына әүерелде, сөнки Башҡорт дәүләт филармонияhында әле модаға инеп барған мультимедиа проекты ғәмәлгә ашырылды. Сәхнәлә дан ҡаҙанған “Марк Пекарскийҙың hуҡма ҡоралдар театры” уйнаhа, мониторҙа яңғыраған музыкаға ауаздаш видеопроекция күрhәтелде. Программаға күберәк Рәсәй hәм Франция, шулай уҡ Бразилия музыканттарының әҫәрҙәре индерелгән, ә инде Мәскәүҙән билдәле композиторҙар Игорь Кефалиди менән яҡташыбыҙ Николай Поповтың килеүе концертҡа ла, музыканттар тормошона ла йәм өҫтәне. Был фестиваль республикабыҙҙың Композиторҙар союзының быйылғы ин ҙур проекттарының береhе булды hәм академик пландағы заманса яҙылған музыканың мәҙәни тормошобоҙҙа уңышлы урын алып, йәшәүгә хаҡы барлығын раҫлаған бер күренешкә әйләнде.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840