Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Башҡортҡа сәй көнө кәрәкме?
Күҙемә гәзиттә бер анекдот салынды: “Эсеүҙе ташлайым ғына тигәйнем, Нептун көнө еткән икән!” Эскесе түгелмен, шөкөр. Көләмәс геройы кеүек, эсер өсөн сәбәп тә эҙләмәйем. Әммә календарҙы йәлләйем, уға кем хужа икән? Көн дә тиҫтәгә яҡын эреле-ваҡлы иҫтәлекле көндө үҙ эсенә һыйҙыра ул.

Рәсми байрамдарҙан тыш, бихисап халыҡ-ара, бөтә донъя ни­мә­нелер хәтергә төшөрөү, ни­мә­гәлер табыныу көндәре бар. Октябрҙе генә алайыҡ. Мәҫәлән, 1-ен. Бер­ҙән – Халыҡ-ара оло йәштә­геләр көнө. Икенсенән – Ха­лыҡ-ара музыка көнө. Өсөн­сөнән – Рәсәйҙең Ҡоро ер ғәскәрҙәре көнө. Көт, бының менән генә бөттө ти! 1 октябрь быйылдан тағы ла Ҡәһүә ғәли йәнәптәре көнө лә икән! Был тәҡдимде ҡеүәтләп, “Рәсәй­сәйҡәһүә” ассоциацияһы­ның генераль директоры Рамаз Чантурия: “Халыҡ-ара Ҡәһүә көнө ошо эсемлекте яратыу­сыларға уға һөйөүен белде­рер­гә мөмкин­лек бирә”, – тигән. Әлләсе, бының өсөн йы­лына бер генә көн етәме икән һуң... Көлкө бит. Мәҫә­лән, башҡортҡа көн дә – сәй көнө!
Йәнә бер үк һөнәр кешелә­ре­нең йылына бер нисә һөнә­ри байрамы булыуы аң­ла­шыл­май. Үҙе­беҙҙе, журна­листарҙы ғына, алайыҡ. 13 ғинуар – Рәсәй мат­буғаты көнө. 7 май – Радио көнө. Ул арала элеккесә матбуғат көнөн – 5 майҙы ла ҡайһы бер хеҙмәт­тәш­тәр һаман бил­дә­ләп үтә. 14 июн­дә иһә – Баш­ҡортостан мат­буғаты көнө, 8 сентябрь – Халыҡ-ара журна­листарҙың теләктәшлек көнө, 21 ноябрь – Бөтә донъя телевидение көнө... Ялҡма­нығыҙ­мы әле?..
Табиптар ҙа ҡалышмай. Улар беҙҙән кәмме ни?! Июндең өсөнсө йәкшәмбеһен­дә бөтә медицина хеҙмәткәр­ҙәре байрам итһә, ок­тябрҙең тәүге дүшәмбеһендә – тик табип һөнәренә эйә булған­дар. Ә анестезиологтарға бер аҙ түҙергә тура килә, сөнки уларға сират 16 октябрҙә генә етә.
Шулай ҙа иң оҡшамағаны – яһал­ма Әсә көнөн уйлап табыу­ҙары. Ғүмер буйы иң яҡын кеше­ләребеҙҙе 8 Март байрамында ҡотлап өйрән­гәйнек. Шул көндө, бү­ләктәр әҙерләп, йыл буйы тү­ҙем­һеҙ­лек менән көтә инек. Бер үк ризыҡты һирәкләп кенә аша­һаң, танһыҡ ул. Ә хәҙер Әсә көнө ноябрҙең һуңғы йәкшәм­беһендә, имеш. Ошо көндә ҡотлау килһә, һаман да аптырап ҡалам, күңел быны ҡабул итмәй.
Дөрөҫөн әйткәндә, халыҡҡа бай­рам ни хәтлем күберәк булһа, шул тиклем яҡшыраҡ. Әммә бө­төн­ләй туҙға яҙмаған­дары ла бар календарҙа. Ярай инде, Халыҡ-ара рәхмәт көнө кәрәктер, бәлки. Бары­быҙға ла шәфҡәтлерәк, итә­ғәт­лерәк булырға икәнлеген хә­тер­гә төшөрөп торор өсөн. Ә 17 февраль – Ҡапыл ғына изгелек эшләү көнөн нисек аңларға? Мин яҡшылыҡты гел көтмәгәндә ҡы­лам. Шунан әйтелгеһеҙ ҡәнә­ғәт­лек кисе­рәм. Ҡайһы берҙә үҙ-үҙе­мә һоҡланып, хайран ҡа­лам. Хат­та аҙаҡтан, уйлап эш­лә­һәм, мин ҡаты күңел былай итмәҫ инем, тигән фекергә килгән осраҡ­тар ҙа була. Бәхеткә, изгелек ҡы­лынған. Шуныһы менән ҡиммәтле түгелме был төшөнсә?!
Яңы иртә тыуыу менән электрон почтаңа, теле­фоны­ңа, социаль селтәрҙәге шәх­сән битеңә бихисап теге йәки был дата тура­һында хәтергә төшөргән яҙыуҙар, һәр төрлө ҡотлауҙар килә башлай. Үҙең дә ихтирам йөҙөнән яуап ебәрергә тырышаһың. Өҫтә­үенә яҡындарыңдың, туғанда­рыңдың тыуған көнөн, юби­ле­йын, туй кө­нөн дә оно­торға ярамай. Былары, ярай, кәрәк. Шулай ҙа ни хәтлем тырышһам да, “пи” һаны, кеше алдында бәйләү, пираттарға оҡшар­ға тырышыу, светофор, ҡырлы ста­кан, йомортҡа, ҡара бесәй­ҙәр­ҙе һаҡлау, ҡата көн­дәрен аңым ҡа­бул итмәй. Бәҙрәф көнө генә етешмәй, вәт, бәхетле булыр инек!.. Тфү, уныһы ла бар икән! Белеп ҡуйығыҙ – 19 ноябрҙә. Күп ваҡыт ҡалмаған, йәмәғәт.






Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 237

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 970

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 161

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 268

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 085

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 276

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 062

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 349

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 372

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 309

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 319

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 263