Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Маҡсатына тоғро ҡалды
Маҡсатына тоғро ҡалды
Бынан илле дүрт йыл элек Түбә-2 башҡорт урта мәктәбенең “Б” класын 18 егет һәм ҡыҙ тамамлағайныҡ. Класташтар араһында сослоғо, булдыҡлылығы, уҡыуға отҡорлоғо менән башҡаларҙан айырылып торҙо Камил. Яҙлы-көҙлө үҙебеҙҙең кескәй генә “тимер ат”тарҙа беҙҙән ун ике саҡрым аралыҡта ятҡан Түбә ҡасабаһына йөрөп уҡыныҡ. Аттестат алып, төрлөбөҙ төрлө яҡҡа таралаштыҡ. Ҡайһыларыбыҙ тыуған төйәктәрендә ҡалды, күптәр урта, юғары белем алыуға ниәт ҡылып, уҡыу йорттарына юлланды.


Өлгөргәнлек аттестаты тапшырған ваҡытта мәктәбебеҙ директоры, РСФСР-ҙың атҡаҙанған уҡытыусыһы, К. Ушинский исемендәге миҙал кавалеры, 112-се Башҡорт кавалерия дивизияһының элекке эскадрон командиры Бәҙри Мөжәүир улы Мәмбәтҡолов былай тигәйне:
– Хөрмәтле уҡыусылар! Бына һеҙ мәктәбебеҙҙең егерменсе сығарылыш уҡыусылары булып тарихҡа инеп ҡалаһығыҙ. Бөгөнгө сығарылыш башҡа йылдар менән сағыштырғанда өлгөлө уҡыуы һәм тәртипле булыуы менән айырылып тора. Киләсәктә лә маҡсаттарығыҙға ирешерһегеҙ, мәктәбебеҙҙең мәртәбәһен күтәрерһегеҙ тигән изге теләктә ҡалабыҙ.
Ысынлап та, абруйлы мәктәп директорының һүҙен елгә осорманыҡ.
Класташым Камил Ғәниев, хәрби бурысын үтәп ҡайтҡандан һуң, һис тотҡарлыҡһыҙ ауыл хужалығы институтына уҡырға инде һәм, уны уңышлы тамамлағандан һуң, райондың Салауат исемендәге колхозына баш инженер итеп тәғәйенләнде. Институтта алған теоретик белемен практикала ҡулланыу өсөн йәш инженер эшкә сума. Белмәгәндәрен өлкән быуын вәкилдәренән һис тартынмай һорай.
– Миңә һәр саҡ ярҙам ҡулы һуҙырға әҙер торған трактор бригадаһы бригадиры, БАССР-ҙың атҡаҙанған механизаторы Мөбәрәк ағай Мөхәмәтйәнов бар яҡтан да өлгө булып торҙо. Уның кәңәштәрен, атайҙарса хәстәрле ҡарашын мин һаман да күңел төбөндә йөрөтәм һәм уға оло рәхмәт әйтәм, – тине Камил Йәмил улы.
Колхозда биш йыл хеҙмәт осоронда ул байтаҡ тәжрибә туплай, фермалағы элекке ҡул көсө менән башҡарылған эштәр механизациялана, яҙғы баҫыу, бесән эштәре осоронда ла күп кенә еңеллек индерелә. Бына шулай ең һыҙғанып эшләп йөрөгәндә, уны КПСС район комитетының фарманы менән “Дружба” совхозына баш инженер итеп күсерәләр. Был совхозда ике йыл эшләп тә өлгөрмәй, район комитетының күрһәтмәһе менән “Һәүәнәк” совхозына баш инженер итеп тәғәйенләйҙәр. Унда бар йәһәттән дә үҙен өлгөргән белгес, оҫта етәксе итеп таныта. Тап ул эшләгән осорҙа хужалыҡ бар тармаҡтар буйынса күтәрелеш осорон кисерә. Игенселектә лә, малсылыҡта ла алдынғылар рәтенә сыға, күсмә Ҡыҙыл байраҡ менән бүләкләнә.
Төп эшенән тыш тынғыһыҙ белгес ҡыш, Баймаҡ СПТУ-һы менән килешеп, совхоз үҙәге Темәстә йәш механизаторҙар өсөн киске уҡыу бүлеген аса һәм уға тиҫтә йылдан ашыу уңышлы етәкселек итә. Хаҡлы ялға киткәнгә тиклем ул “Һәүәнәк” совхозының баш инженеры, гараж мөдире була.
Ергә ереккән оҫта белгес, хаҡлы ялға китеүенә ҡарамаҫтан, үҙ-үҙенә бикләнеп ятыуҙы үҙһенмәне. Темәс ауыл биләмәһенең төрлө сараларында әүҙем ҡатнашты, бишенсе йыл инде аҡһаҡалдар советы рәйесе вазифаһын үтәй. Ветерандар советы менән берлектә төрлө быуын вәкилдәренең көнитмешендә, хәленән килгәнсә ярҙам итеүҙе кәрәкле һанай.
Көньяҡ Урал аҡһаҡалдар ҡоро рәйесе, иҡтисад фәндәре кандидаты Зәки Хамматов идараның рәхмәт хатын тапшырғанда былай тигәйне:
– Камил Йәмил улы һәр эшкә ихлас күңелдән тотонор һәм башҡарып сығыр ине. Аҡһаҡалдар ҡоро рәйесе вазифаһында ла ул үҙен элекке һымаҡ өлгөр, изгелек ҡылырға әҙер торған оло йөрәкле кеше булараҡ иҫбатланы.
Изгелек ерҙә ятып ҡалмай, тигән бик тапҡыр халыҡ әйтеме бар. Бар булмышы менән үҙ халҡына һәр саҡ яҡшылыҡ ҡылырға өйрәнгән Камил Йәмил улы бына дүрт тиҫтә йылдан ашыу дин юлын үҙ иткән хажиә Мәғәфиә Мотаһар ҡыҙы менән биш улды аяҡҡа баҫтырып, һоҡланғыс ғүмер кисерәләр. Үкенескә ҡаршы, икенсе улдары көтмәгәндә вафат булып, уларҙы тәрән ҡайғыға һалды. Шулай ҙа юғалып ҡалманылар – үҙҙәрендә көс табып, ейән-ейәнсәрҙәрен үҙ ҡосаҡтарына алып, аҙ булһа ла ҡайғыларын баҫа алдылар.
Темәстә төпләнеп, икеһе лә ауылдаштарына өлгө булып һоҡланғыс, матур ғүмер көҙө кисерә хеҙмәт ветерандары Мәғәфиә менән Камил Ғәниевтәр.

Салауат МӨХӘМӘТШИН,
“Башҡортостан”дың
штаттан тыш хәбәрсеһе.





Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 508

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 211

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 494

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 588

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 397

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 593

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 293

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 643

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 533

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 473

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 561

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 426