Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Теләктәре – халыҡ рәхәт йәшәһен
Теләктәре – халыҡ рәхәт йәшәһен
Ҙур ҡалаларҙа ғына түгел, бәләкәйҙәрендә лә төҙөлөш йәки яңыртыу эштәре йыл әйләнәһенә туҡтамай. Йорттарға газ һәм һыу индереү ҙә йылдам бара.

Көньяҡ Уралда ла төҙөлөш алып барған предприятиелар һанап бөткөһөҙ, ҡапыл ғына уларҙың исемдәрен атап сығыу мөмкин дә түгел. Ә бына "Универсал" йәмғиәтен был төбәктә яҡшы беләләр. Ул электән үк иң уңышлы эшләгән фирмаларҙың береһе һаналды, һәм әле лә үҙенә күрһәтелгән ышанысты аҡлап килә. "Универсал"дар, атамаһынан уҡ аңлашылып тороуынса, ниндәй генә төр эшкә тотонһа ла, һыр бирмәй: проектлау менән дә шөғөлләнәләр, ремонт хеҙмәтен дә атҡаралар, йорт та төҙөйҙәр. Тәүҙәрәк торлаҡ йорттарға һәм ойошмаларға газ һуҙыуҙы проектлау һәм төҙөү буйынса махсуслашһалар, хәҙер эшмәкәрлектәре киңәйҙе. Сибай ҡалаһындағы, Хәйбулла районының Татыр-Үҙәк һәм Подольск ауылдарындағы ике ҡатлы өйҙәргә газ уларҙың проекты буйынса индерелгән.
Хәҙер ремонт һәм электр линияларын монтажлау, электр уты менән тәьмин итеү, канализация һәм һыу үткәргес системаларын йүнәтеү кеүек бихисап эш атҡаралар.
Тәүге көндәрҙән үк торлаҡ йорттарҙа, белем биреү учреждениеларында, дөйөм ятаҡтарҙа капиталь ремонт үткәреүҙе уларға ышанып тапшыралар.
Әлбиттә, предприятие һәр саҡ камиллашыу юлында. Сибай ҡалаһының Куйбышев һәм Горький урамдарындағы бер нисә йорттоң подъезында ут ҡабыҙыуҙы һәм һүндереүҙе көйләүҙә энергия һаҡлаусы яңы технология ҡулланалар. Был өйҙәрҙә йылылыҡты иҫәпләгән заманса узелдар ҙа яңыртылған.
– Алда тағы ла ҙурыраҡ эштәр көтһә лә, былтырғы һөҙөмтәләр менән ҡәнәғәтбеҙ. Мәҫәлән, Сибайҙа торлаҡ-коммуналь хужалыҡ линияһы буйынса капиталь ремонт яһаныҡ. Уҡытыусылар йәшәгән дөйөм ятаҡты ла тулыһынса яңырттыҡ. Арҡайым һәм Сармат ҡасабаларына биш километр самаһы оҙонлоҡта газ торбалары һуҙҙыҡ. Бынан тыш, предприятие хеҙмәткәрҙәре ҡалалағы шәхси йорттарҙа йәшәгәндәрҙе, Баймаҡ районының Комсомол һәм Хәсән ауылдары халҡын газлы итте, – ти "Универсал" йәмғиәтенең генераль директоры Ишкилде Ғафаров.
Күсей, Оло Басай, Октябрь бүлексәһе ауылдары халҡын газлы итеү буйынса тендер яулауҙары ла уларҙың һәр төрлө эште сифатлы атҡарыуына һәм килешелгән ваҡытҡа тамамлауына бәйле. Әйткәндәй, Күсей, Семеновск ауылдарында газ үткәреүҙе теүәлләгәндәр. Тотороҡлолоҡҡа өлгәшеүгә һәм төҙөлөш баҙарында үҙ урынын һаҡлауға "Универсал"дың матди-техник базаһының ныҡлы булыуы ла ярҙам итә. Нигеҙҙә заманса техникалар ҡулланалар. Фирма полиэтилен торбаларҙы иретеп йәбештереү өсөн яңы аппаратлы булған.
Шулай ҙа иң мөһиме — коллективтың үҙ эшен яҡшы үҙләштергән һөнәр эйәләренән тупланыуы. Хеҙмәткәрҙәре хаҡында һүҙ сыҡҡанда, Ишкилде Фәйзулла улы һәр саҡ ғорурланып, уларҙың бай тәжрибәгә эйә булыуын, заманса ҡорамалдар менән оҫта эш итеүен билдәләй. Хәйер, И. Ғафаровтың үҙенә ҡарата ла ошондай уҡ йылы һүҙҙәрҙе әйтергә ваҡыт, беҙҙеңсә. Көньяҡ Уралда барлыҡ бюджет ойошмаларына ҡараған биналарҙың ҡышҡы миҙгелде аварияһыҙ, бәлә-ҡазаһыҙ үткәреүе күп осраҡта уларға бәйле. Шуға күрә "Универсал" предприятиеһы етәксеһен маҡтаулы исемгә тәҡдим итеү — өлгөрөп еткән мәсьәлә.
Ошо урында директор урынбаҫары Илнур Ғафаровтың, баш инженер Игорь Лямцевтың, мастер Самат Кинйәбаевтың бурыстарын берҙәй яуаплылыҡ тойоп, уртаҡ маҡсат ҡуйып атҡарыуын да әйтеп китеү урынлы булыр.
Ә Ишкилде Ғафаровтың хеҙмәт биографияһында бер ҡыҙыҡлы ғына боролошо иғтибарҙы йәлеп итә. Баймаҡ районының Йәнйегет ауылында тыуып үҫкән егет мәктәптән һуң Сибай педагогия училищеһына юл тота. Был уҡыу йортон тамамлағас, армияла хеҙмәт итеп, ир-егетлек бурысын да үтәп ҡайта. Техника менән ҡыҙыҡһыныуын, тимер-томор эшен яҡшы белеүен күреп, уға техник һөнәр алырға кәңәш итәләр. Һөҙөмтәлә ул Сибай тау-байыҡтырыу техникумына уҡырға инә. Маҡсат ҡуйып, шуға ынтыла белгән Ишкилде Фәйзулла улы артабан юғары белем дә ала — Магнитогорск дәүләт техник университетын тамамлай. Генераль директор вазифаһына күтәрелгәнгә ҡәҙәр слесарь, мастер, участка начальнигы булып эшләп, бай тәжрибә туплай. Әйткәндәй, тормош һынауҙарын үтергә лә үҙендә көс таба ул. Бөгөн инде Йәнйегет ауылы халҡы үҙ улы менән хаҡлы ғорурлана, уға таяна. Булдыҡлы эшҡыуар, мәктәпкә һәр саҡ ярҙам итеп, башҡаларға ла матур үрнәк күрһәтә.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 712

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 723

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 845

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 012

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 854

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 811

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 835

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 094

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 140

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 246

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 215

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 204