Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Гәүһәр туйыбыҙ ҙа еттеме ни?”
“Гәүһәр туйыбыҙ ҙа еттеме ни?”Районыбыҙҙың Ҡыҙылбай ауылында күптән түгел дан ғаиләләрҙең береһе – Рәйсә менән Риза Насретдиновтар гәүһәр туйын билдәләне.

Бына уларҙың күркәм йорто. Беҙҙе Риза бабай ихлас ҡаршы­ла­ны. Ниндәй йомош менән йөрөгәнде әйткәс, күршеләренә ингән Рәйсә инәйҙе саҡырып ҡайтарҙы. Урамдан йәнәш атлап, көлөшә-көлөшә килгән өлкәндәрҙе 60 йыл бергә йәшәгән пар тип уйламаҫһың да. Йәштәрме ни! Бер-береһенә ҡарата йылы хистәрен һаҡлай алыуҙары төҫ-ҡиәфәттәренән, нурлы йөҙҙәренән сағылып тора.
– Ҡартайыу тураһында уйлаған да юҡ әле ул! – тип егеттәрсә шаяртыу ҡатыш һүҙ башланы бабай. – Гәүһәр туйыбыҙ ҙа килеп еттеме ни? Бындай бәхеттең сере ниҙә, тиһегеҙме? Иң мөһиме – бер-береңде аңлап, тыңлап, кәңәшләшеп йәшәргә кәрәк.
Туҡһанды ваҡлауҙарына ҡара­маҫ­тан, инәй-бабайҙың хәтере шәп, зиһене салт. Район, республика яңы­лыҡтары менән дә даими ҡыҙыҡ­һынып баралар. Үҙҙәре ошо ауылдан.
– Туйыбыҙ бөгөнгөләй иҫтә, – тип йылмайып хәтергә алды өлкән­дәр. – Ҡыңғыраулы аттар егеп, ауыл буйлап гармун уйнап йөрөнөк. Их, ул саҡтар... Хәҙер иһә йәштәр машинаға инеп ултыра ла, кем өйләнешкәнен күрмәй ҙә ҡалаһың...
Насретдиновтар ғүмер буйы колхозда бил бөккән. Икеһе лә – хеҙмәт ветераны. Рәйсә инәй тәүҙә хужалыҡта төрлө эш башҡарған, унан 25 йылдан ашыу һауынсы булған. Ә Риза бабай – 43 йыллыҡ хеҙмәт стажына эйә тракторсы. Бихисап маҡтау грамотаһына, “Сиҙәм ерҙәрҙе үҙләштергән өсөн” миҙа­лына, “Коммунистик хеҙмәт ударнигы” билдәһенә лайыҡ булған ул.
Насретдиновтар өс балаға ғүмер биреп, уҡытып, үҙаллы тормош юлына аяҡ баҫтырған. Хәҙер инде алты ейән-ейәнсәрен, биш бүлә-бүләсәрен һөйөү бәхетенә эйә улар.
– Балаларыбыҙ, Аллаға шөкөр, шул ҡәҙәр хәстәрлекле, иғтибарлы, иманлы, – тип һөйөнә өлкәндәр. – Һәр ваҡыт уларҙың ярҙамына таянып, ҡәҙер-хөрмәтенән көс алып йәшәйбеҙ.
Рәйсә инәй менән Риза бабай ғүмер буйы күпләп мал-тыуар, ҡош-ҡорт аҫраған. Хәҙер ҙә, өлкән йәштә булыуҙарына ҡарамаҫтан, баҡса­ларында йәшелсә-емеш үҫтереп, донъяларын гөлгә күмеп йәшәй улар. Күҙҙәре яҡшы күргән инәй һаман да бәйләм бәйләй. Йәш сағында төндәрен, колхоз эшенән бушағас, ауылдаштарына күлдәк тегеүен дә иҫкә алып китте ул.
– Эйе, төрлөһөн кисерҙек, әммә, татыу булғас, тормош ауырлығы әллә ни һиҙелмәне, – ти өлкәндәр. – Йәшәү нигеҙе – өҙлөкһөҙ хеҙмәт, бер-береңә, шулай уҡ башҡаларға ҡарата ихтирам-хөрмәт, күңел таҙалығы. Беҙ ҡулыбыҙҙан килгән­дең барыһын да эшләргә, балала­рыбыҙға үҙ өлгөбөҙҙә яҡшы тәрбиә бирергә тырыштыҡ. Ауылдашта­рыбыҙ менән һәр саҡ татыу йәшәнек, шатлыҡ-ҡыуаныстарҙы ла, ҡайғы­ларҙы ла бергә кисерҙек, яман уйҙа булманыҡ, көнләшмәнек, бер-бере­беҙгә аяҡ салманыҡ, һүҙ йөрөтмәнек. Ауыл бит – үҙе бер дәүләт. Уның һәр яҡлап именлегенә һәр беребеҙ өлөш индерергә бурыслы. Һөҙөм­тәлә, Аллаһ Тәғәләнең рәхмәте менән, үҙеңдең тормошоңда ла бәрәкәт, нур, иман артыр.

Мәсетле районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 275

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 721

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 369

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 327

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 599