Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » ... Арбаңды ҡыш әҙерлә
... Арбаңды ҡыш әҙерләАуыл эшсәндәре тынғы белмәй, республикала ауыл хужалығы техникаһын киләһе сәсеүгә әҙерләү осоро башланды.
Һәлкәүләнергә ярамай. Буласаҡ уңышҡа нигеҙҙе бөгөн үк һалырға кәрәк. Дүртөйлө районында ауыл хужалығы техникаһын һаҡлау һәм йүнәтеү мәсьәләләре буйынса республика семинар-кәңәшмәһендә Башҡортостандың ауыл хужалығы министры Николай Коваленко ошо турала һөйләне.
— Республика Хөкүмәте техниканың төп төрҙәрен йүнәтеү буйынса ҡәтғи график билдәләне. Барлыҡ сәскестәр һәм сәсеү комплекстары 1 апрелгә әҙер булырға тейеш. Ошо талаптың үтәлешен ныҡлы тикшерәсәкбеҙ, — тине ул. — Юғиһә беҙ бөгөн эшләй торғанды иртәгәгә ҡалдырырға күнеккәнбеҙ. Райондарҙағы ауыл хужалығы идаралыҡтары министрлыҡҡа яҡшы күрһәткестәр тураһында отчет бирә, асылда иһә, техниканы йүнәтеү буйынса республика Хөкүмәтенең бойороҡтары йылдан-йыл үтәлмәй ҡала. Ҡайһы бер предприятиелар ҡар ирей башлағас ҡына сәсеүгә әҙерләнә башлай ине. Артабан бындай хәлгә юл ҡуйылмаясаҡ…
Министр эште оҙаҡҡа һуҙмайынса, ауыл хужалығы машиналарын баҫыу эштәренә әүҙем әҙерләү талабын ҡуйҙы. Республикала 8 200 тракторҙы, 1 780 иген, 560 мал аҙығы, 130 сөгөлдөр йыйыу комбайнын, 3 500 йөк машинаһын йүнәтергә кәрәк.
— Эш, ысынлап та, бик күп, — тине Николай Коваленко. — Әлеге семинарҙы сәсеүгә әҙерлектең башланғысы тип иҫәпләйек.
Ауыл хужалығы техникаһын сафҡа индереү өсөн етештереү ҡеүәте һәм белгестәр етерме һуң? Башҡортостандағы 54 райондың 18-ендә генә ремонт предприятиелары һаҡланып ҡалған бит. “Башсельхозтехника”ның Шишмә филиалы, Стәрлетамаҡтың “Агротехсерсис”ы кеүек ҡеүәтле һәм яҡшы йыһазландырылған предприятиеларҙы бармаҡ менән генә һанарлыҡ хәҙер. Әммә ремонт базаларына бәйле хәлде насар тип әйтеп булмай. Миҫалға Дүртөйлө районын килтерергә мөмкин. Сәсеү агрегаттарын яңы йылға тиклем йүнәтеп ҡуйыу игенселәр өсөн күптән инде ҡағиҙәгә әүерелгән. Барлыҡ хужалыҡтар ҙа ошоно теүәл үтәй.
Әйткәндәй, районда ярайһы уҡ ҡеүәтле ремонт базаһын һаҡлап ҡалғандар. Элекке район РТП-һы, мәҫәлән, “Үҙәк” МТС-ының заманса ремонт-техник оҫтаханаһына әүерелгән. “Уңыш” тоҡомсолоҡ заводы оҫтаханаларында ла ауыл хужалығы техникаһын ҡыш һаҡларға өйрәнергә мөмкин. Машина һәм агрегаттарҙы ремонтлау ҙа әүҙем бара.
Һыуыҡҡул ауылында урынлашҡан Өфөнөң “ПодшипникМаш” предприятиеһы халыҡта ҙур ҡыҙыҡһыныу тыуҙыра. Ул “Добрыня-1500” комбайндарын етештерә, ғәмәлдән сыҡҡан иҫкеләрен төҙәтә. Ҡыҫҡаһы, “ПодшипникМаш”-ҡа металлолом тапшыраһың да буяуы ла кибеп бөтмәгән өр-яңы техника алаһың. Ремонт эштәре бында етештереүсе заводтарҙың технологик карталарына ярашлы тормошҡа ашырыла. Тимәк, комбайн тағы ла кәмендә биш йыл хеҙмәт итәсәк.
“Иҫке-моҫҡоно йыйғансы яңы комбайн йәки трактор һатып алыу ҡулайыраҡ түгелме?” — тип әйтер ҡайһы берәүҙәр.
Билдәле булыуынса, Европала, Америкала бындай хеҙмәт күптән күрһәтелә, сөнки ул отошло. Мәҫәлән, өр-яңы “Добрыня-1500” комбайнының хаҡы — 3,4 миллион һум. “ПодшипникМаш”-та ул 1,8 — 2 миллион һумға төшә. Айырма бармы?
Әле Башҡортостанда дүрт йөҙгә яҡын комбайнды йүнәтеү бурысы тора. Тимәк, предприятиеға эш етерлек.
Ваҡыт бик тиҙ үтә… Яҙ ҙа етер. “Санаңды — йәй, арбаңды ҡыш әҙерлә” тип юҡҡа ғына әйтмәгән боронғолар. Шуға күрә һуңлап ҡалмаҫ өсөн ашығырға кәрәк. Сөнки буласаҡ уңыштың яҙмышы әле хәл ителә.
В. МӘХМҮТОВ.
Дүртөйлө районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Информация о принятом Законе Республики Башкортостан от 5 июня 2019 года № 107-з «Об исполнении бюджета Республики Башкортостан за 2018 год»
Орлоҡ эшкәртергә, ашлама етештерергә...

Орлоҡ эшкәртергә, ашлама етештерергә... 29.03.2019 // Иҡтисад

Шишмә районы хакимиәтендә “Инвестиция сәғәте” тәртибендә эшҡыуарҙар менән осрашыу булды. Унда ике...

Тотош уҡырға 91

Һабантуйға килегеҙ!

Һабантуйға килегеҙ! 29.03.2019 // Иҡтисад

Башҡортостан Башлығы вазифаһын ваҡытлыса башҡарыусы Радий Хәбиров 14 – 15 июндә “Урал аръяғы-2019”...

Тотош уҡырға 117

"Файҙаһы ҙур буласаҡ"

"Файҙаһы ҙур буласаҡ" 28.03.2019 // Иҡтисад

Был сараның файҙаһы, һис шикһеҙ, ҙур буласаҡ. Шундай фекергә килде тәүге “Инвестиция сәғәте”ндә үк...

Тотош уҡырға 143

Баҡалылар ниндәй маҡсат менән яна?

Баҡалылар ниндәй маҡсат менән яна? 28.03.2019 // Иҡтисад

Баҡалы районында үткән “Инвестиция сәғәте”ндә ауыл хужалығына бәйле проекттар ҡаралды....

Тотош уҡырға 123

Тәү сиратта – урман мәсьәләһе

Тәү сиратта – урман мәсьәләһе 28.03.2019 // Иҡтисад

Йылайырҙа ла “Инвестиция сәғәте” үтте. Унда район хакимиәте башлығы Илгиз Фәтҡуллин, Эшҡыуарлыҡ һәм...

Тотош уҡырға 146

Кәңәшле эш тарҡалмаҫ

Кәңәшле эш тарҡалмаҫ 28.03.2019 // Иҡтисад

Бәләкәй һәм урта эшҡыуарлыҡ менән шөғөлләнгәндәр, үҙ кәсебенә яңы тотонғандар, ситтән килгән...

Тотош уҡырға 122

Һәр яҡлап ярҙам күрһәтеләсәк

Һәр яҡлап ярҙам күрһәтеләсәк 28.03.2019 // Иҡтисад

Бөгөн Учалы районы хакимиәтендә муниципаль "Инвестиция сәғәте" үтте....

Тотош уҡырға 115

Сибайҙа - “Инвестиция сәғәте”

Сибайҙа - “Инвестиция сәғәте” 28.03.2019 // Иҡтисад

Билдәле булыуынса, республика Башлығы вазифаһын ваҡытлыса башҡарыусы Радий Хәбиров ҡала һәм район...

Тотош уҡырға 136

Аныҡ һөҙөмтә күренә башланы

Аныҡ һөҙөмтә күренә башланы 28.03.2019 // Иҡтисад

Бөгөн Кушнаренкола өсөнсө тапҡыр “Инвестиция сәғәте” ултырышы үтте....

Тотош уҡырға 126

Яҡшы шарттар тыуҙырылған

Яҡшы шарттар тыуҙырылған 27.03.2019 // Иҡтисад

“Башҡортостанда уңайлы инвестиция шарттары тыуҙырылған. Республикағыҙ Австрия компаниялары һәм...

Тотош уҡырға 90

Черниковка кварталдары яңырырмы?

Черниковка кварталдары яңырырмы? 25.03.2019 // Иҡтисад

Бөгөн Башҡортостан Башлығы вазифаһын ваҡытлыса башҡарыусы Радий Хәбиров етәкселегендә үткән...

Тотош уҡырға 116