Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Эшләй генә күр…
Эшләй генә күр… Иҡтисади көрсөк еҫе аңҡый башлағас, бизнес өлкәһендә тир түккәндәр һағайып ҡалғайны. Хәүефләнеү юҡҡа булманы, күптәр эштәрен ябырға, ҡыҫырға йә булмаһа икенсе йүнәлешкә күсерергә мәжбүр булды.

Уның ҡарауы, санкциялар арҡа­һында, киреһенсә, сит илдәрҙәге коллегалары менән конкурентлыҡ юҡҡа сыҡҡас, бәғзе берәүҙәр ватандаштары араһында күберәк һатып алыусы тапты һәм уңыш ҡаҙанды. Был бигерәк тә ауыл хужалығы өлкәһенә ҡағылды. Шуныһы ҡыуаныслы: ҡайһы бер яңы­лыҡтарҙы иҫәпкә алмағанда, үҙҙә­рен тапҡандарға ла, икеләнгәндәргә лә дәүләт берҙәм ярҙам ҡулы һуҙа башланы, йүнселдәргә етди ташламалар барлыҡҡа килде – нәҡ ошондай уңай­лыҡтар һәм ҡаҙаныштар, етешһеҙ­лектәр хаҡында ла Стәрлетамаҡ ҡалаһы хакимиәтендә белергә мөмкин булды.
Башҡортостандың Милли рейтингта инвестиция өлкәһендәге хәлен яҡ­шыр­тыуға йүнәлеш тотҡан Проект офисы эшләп килә төбәктә. Хакимиәттә нәҡ шул офистың күсмә ултырышы булды. Йүнселдәр өсөн мөһим сара Стәрле­тамаҡтың бәләкәй эшҡыуарҙарын ғына түгел, күрше муниципалитеттарҙың да йүнселдәрен һәм уларҙың эшмәкәр­ле­генә бәйле урындағы власть вәкил­дәрен йыйҙы. Бындай алым, әлбиттә, фекер алышыуҙы, ҡыҙыҡһыныуҙы көсәйтте генә.
– Бөгөнгө һөйләшеүҙән кәңәшмәлә ҡатнашҡан һәр кем үҙенә ниндәй ҙә булһа яңылыҡ алыр тигән өмөттә ҡалам, – тип билдәләне осрашыуҙың башында уҡ ҡала башлығы Владимир Куликов.
Был сараның нәҡ Стәрлетамаҡта үтеүе осраҡлы түгел – ул эшҡыуарлыҡ үҫеше өсөн уңайлы мөхит тыуҙырған ҡала булараҡ билдәле. Сауҙа өлкәһе, башҡа төрлө, шул иҫәптән үҙенсәлекле хеҙмәттәр күрһәтеү киң үҫешкән. Ҡала хакимиәтенең йүнселлек бүлеге начальнигы Светлана Жаркова белдере­үенсә, бында 9,5 мең эшҡыуар бар.
Тик ыңғай тәьҫораттар, яңылыҡ алыу өсөн, һис шикһеҙ, иғтибарҙы йә­леп итерлек мәғлүмәттәр талап ителә. Залда ултырған эшҡыуарҙарҙы үҙенең сығышы башында уҡ Башҡорт­остандың иҡтисади үҫеш министры Сергей Новиков:
– Милли рейтинг – төбәктәрҙең тын алышы күрһәткесе, беҙҙең республика был исемлектә, 2014 йыл менән са­ғыштырғанда, 40-сынан 13-сө баҫҡысҡа күтәрелде, – тип ҡыуандырҙы. Был ҡаҙаныш, әлбиттә, дөйөм хеҙмәт емеше, шул иҫәптән кәңәшмәлә ҡатнашҡан һәр йүнселдең эш билдәһе. Шуға килтерелгән дәлил дәрт өҫтәмәй ҡалмай.
Әйткәндәй, рейтинг йәмғеһе 45 күр­һәткестән тора. Шуныһы үҙенсәлекле: бында үҙәк власть вәкил­дә­ренең эшен дә, урындағы чиновник­тар­ҙың мөнә­сәбәт кимәлен дә эш­ҡыуар­ҙар үҙҙәре билдәләй.
Сергей Владимирович йүнселдәргә шулай уҡ банктар менән хеҙмәттәшлек, атап әйткәндә, ҡайһы бер йүнәлеш өсөн бирелгән кредит ставкаларының түбәнәйеүе, һалым түләү системаһын­дағы ташламалар, властың бизнес өлкәһенә социаль объекттарҙа киңерәк эшләргә мөмкинлек биреүе тураһында ла һөйләне. Һүҙ ҙә юҡ, төрлө ташламалар эшҡыуарҙы дәртләндермәй ҡалмай, тик Рәсәйҙә “бюрократ кәртә­ләре” тигән күңелһеҙ күренеш тә бар бит әле. Был тәңгәлдә, министрҙың һүҙ­ҙәренә ҡарағанда, йүнселдең әүҙем­леге кәрәк, төрлө инстанцияларға мөрәжәғәт итеү фарыз.
– Мәҫәлән, социаль селтәрҙәр ярҙамында миңә тура мөрәжәғәт итергә мөмкин, – тип тамамланы һүҙен Сергей Новиков.
Һөйләгәндәрҙең ғәмәлдәге хәлдәр менән тап килеүенә өмөтләнергә ҡала.
“Бюрократ кәртәләре”н йырып сығыу ғына түгел, уларҙан алдан уҡ ҡурҡ­ҡандар ҙа юҡ түгел эшҡыуарҙар ара­һында. Мәҫәлән, “Эй улар бит (чиновниктарҙы күҙ уңында тоталар – авт.) исем өсөн генә аукцион үткәрә”, – тип зарланғандар осрап тора. Бәләкәй эшҡыуарҙарҙың ҡайһы берҙәре дәүләт һәм муниципаль күпләп һатып алыуҙа ҡатнашырға ашығып бармай. Баҡтиһәң, иҡтисади үҫеш министрының беренсе урынбаҫары Валерий Исхаҡов бел­дереүенсә, бәләкәй эшҡыуарҙарға ғына был өлкәлә айырым иғтибар ҡаралған – дәүләт йәки муниципаль заказдарҙың 15 процентын нәҡ уларға үҙенә алырға мөмкин, шулай уҡ ҡалған 85 процентҡа ла дәғүә итә ала. Ғөмүмән, кәңәшмәнән һуң шундай фекер тыуҙы: эшҡыуар эш­ләй генә күрһен, дәүләт уңайлы шарттар тыуҙырырға әҙер.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Информация о принятом Законе Республики Башкортостан от 5 июня 2019 года № 107-з «Об исполнении бюджета Республики Башкортостан за 2018 год»
Орлоҡ эшкәртергә, ашлама етештерергә...

Орлоҡ эшкәртергә, ашлама етештерергә... 29.03.2019 // Иҡтисад

Шишмә районы хакимиәтендә “Инвестиция сәғәте” тәртибендә эшҡыуарҙар менән осрашыу булды. Унда ике...

Тотош уҡырға 239

Һабантуйға килегеҙ!

Һабантуйға килегеҙ! 29.03.2019 // Иҡтисад

Башҡортостан Башлығы вазифаһын ваҡытлыса башҡарыусы Радий Хәбиров 14 – 15 июндә “Урал аръяғы-2019”...

Тотош уҡырға 182

"Файҙаһы ҙур буласаҡ"

"Файҙаһы ҙур буласаҡ" 28.03.2019 // Иҡтисад

Был сараның файҙаһы, һис шикһеҙ, ҙур буласаҡ. Шундай фекергә килде тәүге “Инвестиция сәғәте”ндә үк...

Тотош уҡырға 205

Баҡалылар ниндәй маҡсат менән яна?

Баҡалылар ниндәй маҡсат менән яна? 28.03.2019 // Иҡтисад

Баҡалы районында үткән “Инвестиция сәғәте”ндә ауыл хужалығына бәйле проекттар ҡаралды....

Тотош уҡырға 183

Тәү сиратта – урман мәсьәләһе

Тәү сиратта – урман мәсьәләһе 28.03.2019 // Иҡтисад

Йылайырҙа ла “Инвестиция сәғәте” үтте. Унда район хакимиәте башлығы Илгиз Фәтҡуллин, Эшҡыуарлыҡ һәм...

Тотош уҡырға 213

Кәңәшле эш тарҡалмаҫ

Кәңәшле эш тарҡалмаҫ 28.03.2019 // Иҡтисад

Бәләкәй һәм урта эшҡыуарлыҡ менән шөғөлләнгәндәр, үҙ кәсебенә яңы тотонғандар, ситтән килгән...

Тотош уҡырға 215

Һәр яҡлап ярҙам күрһәтеләсәк

Һәр яҡлап ярҙам күрһәтеләсәк 28.03.2019 // Иҡтисад

Бөгөн Учалы районы хакимиәтендә муниципаль "Инвестиция сәғәте" үтте....

Тотош уҡырға 261

Сибайҙа - “Инвестиция сәғәте”

Сибайҙа - “Инвестиция сәғәте” 28.03.2019 // Иҡтисад

Билдәле булыуынса, республика Башлығы вазифаһын ваҡытлыса башҡарыусы Радий Хәбиров ҡала һәм район...

Тотош уҡырға 204

Аныҡ һөҙөмтә күренә башланы

Аныҡ һөҙөмтә күренә башланы 28.03.2019 // Иҡтисад

Бөгөн Кушнаренкола өсөнсө тапҡыр “Инвестиция сәғәте” ултырышы үтте....

Тотош уҡырға 192

Яҡшы шарттар тыуҙырылған

Яҡшы шарттар тыуҙырылған 27.03.2019 // Иҡтисад

“Башҡортостанда уңайлы инвестиция шарттары тыуҙырылған. Республикағыҙ Австрия компаниялары һәм...

Тотош уҡырға 153

Черниковка кварталдары яңырырмы?

Черниковка кварталдары яңырырмы? 25.03.2019 // Иҡтисад

Бөгөн Башҡортостан Башлығы вазифаһын ваҡытлыса башҡарыусы Радий Хәбиров етәкселегендә үткән...

Тотош уҡырға 263