Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Даны йыраҡтарға таралыр әле...”
“Даны йыраҡтарға таралыр әле...”Әле төбәк ауыл хужалығы предприятиелары, крәҫтиән (фермер) хужалыҡтары ҡышҡылыҡҡа мал аҙығы әҙерләүгә ҙур ойошҡанлыҡ менән төштө. Һәр ерҙә – ҡыҙыу осор, ялан-баҫыуҙарҙа иртә таңдан ҡара төнгә ҡәҙәр трактор тауышы тынмай. Шөкөр, шифалы ямғырҙарҙан һуң болондарҙа үләндәр күпереп үҫкән, сабылған бесәндең хуш еҫе әллә ҡайҙарға аңҡый.


“Урожай” яуаплылығы сикләнгән йәмғиәте хеҙмәтсәндәре лә ҡыҙыу кампания осоронда ҡышҡы миҙгелгә етерлек күләмдә мал аҙығы хәстәрләү маҡсаты менән йәшәй. “Йыл һайын мал аҙығы мул булһын өсөн бар көсөбөҙҙө һалырға ғәҙәтләнгәнбеҙ, былай ихатала былтырҙан ҡалған бесән-һалам да һаҡлана. Силос соҡор­ҙары ла тулы, әммә илке-һалҡылыҡ күрһәтмәй, бөгөн дә баҫыуҙарҙа тырышабыҙ”, — ти йәмғиәт етәксеһе Илдар Рим улы Ғәскәров.
Хужалыҡ районда алдынғылар иҫәбендә, бында малсылыҡ менән бер рәттән үҫемлекселек тармағы ла ныҡлы үҫешкән. Күп кенә күрһәткестәр буйынса “Урожай” башҡаларға үрнәк тә. Ауыл хужалығы ерҙәре өс мең гектар булһа, шуның 2800-өн һөрөнтө ерҙәр тәшкил итә. Яҙғы баҫыу эштәрен ҡыҫҡа ваҡытта һәм тотҡарлыҡһыҙ башҡарып сыҡҡандар. Техниканың төҙөк һәм яңы булыуы ла быға булышлыҡ иткән.
Әйткәндәй, техника яңыртыуға аҡса йәлләмәйҙәр икән, мәҫәлән, һуңғы өс йылда ғына 100 миллион һумлыҡ яңы техника һәм ауыл хужалығы ҡорамалы һатып алыуға өлгәшкәндәр. Яңы технологиялар индереп, шуға таянып эш итәләр, хужалыҡҡа былтыр биш миллион һумлыҡ биогаз ҡоролмаһы урынлаштырғандар, бындай ҡоролма – республикала тәүгеһе. Был ҡоролма ярҙамында тиҙәк эшкәртелеп, уның газы менән төрлө биналар йылытыла, иген киптергестәр эшләй.
Төҙөлөш һис туҡтағаны юҡ, мал­дарҙың заманса йыһазландырылған йәйге йәйләүҙә булыуынан файҙала­нып, әле һөтсөлөк фермаларында ремонт эштәре башлағандар. “500 ферма” республика маҡсатлы программа­һына ярашлы, дүрт һөтсөлөк фермаһы ҡеүәтле, заманса ҡорамал менән йыһазландырылған, хәҙер элекке кеүек ҡул көсө ҡулланылмай, барлыҡ эштәрҙе механизацияланған ауыл хужалығы техникаһы башҡара. Тиҙҙән бишенсе ферма сафҡа инәсәк, сөнки ишле малды тотоу өсөн иркен биналар талап ителә.
“Даны йыраҡтарға таралыр әле...”500-ҙән ашыу һыйыр малы аҫрала, 200-өн һауып, көн һайын дүрт мең тоннаға яҡын һөттө Стәрлетамаҡ ҡалаһының “Аллат” һөт комбинатына тапшыралар. Көтөүҙе яңы тоҡомло таналар менән тулыландыралар, 100 процент яһалма ҡасырыу юлы ҡулланылғас, һыйырҙар йыл әйләнәһенә быҙаулай.
Бөгөн мал аҙығы әҙерләү менән бер рәттән сәсеүлектәрҙе химик утау бара, рәт араларын да утайҙар, пай ерҙәрен эшкәртәләр.
Бөгөн йәмғиәттә 35 кеше эшләй, яҙғы-көҙгө баҫыу эштәре осоронда иһә уларҙың һаны 50-гә етә. Ололарға алмашҡа йәштәр етерлек, белемле кадрҙарға ла ҡытлыҡ юҡ. “Беҙгә эш һорап мөрәжәғәт итеүселәр бик күп, әлбиттә, мөмкинлеккә ҡарап, һәр бере­һенең үтенесен үтәргә тырышабыҙ”, — ти етәкселек. Уртаса хеҙмәт хаҡы 17 меңдән ашыу, ваҡытында түләнә, социаль яҡлауҙар, премиялар ҡарал­ған. Тағы ла хеҙмәткәрҙәр өс тапҡыр бушлай ашатыла, баҫыуҙа тир түккән­дәргә тамаҡ алып барыла. Яңы йорт һалып инеүселәргә бушлай техникаһы бүленә, аҡсалата ярҙам да күрһәтелә икән. “Етәкселек тарафынан иғтибар һәм ихтирам булғас, ауылды ташлап китергә лә баҙнат итмәйбеҙ. Башҡа ерҙә беҙҙе кем көтә, ә бында һәр яҡлап таяныс һәм яҡлау тоябыҙ”, — ти ауыл хеҙмәтсәндәре.
“Урожай” йәмғиәте етәкселеге алдынғылар – Владимир Петров, Айнур Ғәскәров, Наталья Ким, Лира Антонова, Надежда Ивановаларҙы маҡтап, “уларҙың тырыш хеҙмәте һөҙөмтәһендә киләсәктә йәмғиәттең даны йыраҡтарға таралыр әле” тип билдәләне.
Ысынлап та, уңған, тырыш һәм эшһөйәр халҡы булғас, хужалыҡтың киләсәге лә өмөтлө, эшмәкәрлеге лә күптәргә өлгө.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 210

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 399

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 507

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 219

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 201

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 508

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 702

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 741

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 487

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 520