Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йүнселлек нимәнән башлана?
Йүнселлек тарихында йәштән капитал туплаған, ҙур уңыштарына үҫмер сағынан нигеҙ һалған шәхестәр тураһында ишетеп беләбеҙ. Ҡарайған ауылы егете Заһир ӨМӨТБАЕВтың эшҡыуарлыҡ юлы ла, уйлай китһәк, нәҡ мәктәп йылдарында башлана.


Юғары кластарҙа уҡыған “танау­ға еҫ кергән” осорҙа алдағы тормо­шоңдан бигерәк бөгөнгөһө мөһим һәм ҡыҙыҡ. Ҡыҙҙарға күҙ атыу, “тимер ат”ҡа атланып һыу төшөргә ел­дереү, ҡысҡыртып музыка тың­лау һәм башҡа шуҡлыҡтар, әл­биттә, әңгәмәсемде лә урап үтмә­гәндер. Уның ҡарауы, тиҫтерҙә­ренән айырмалы рәүештә, үҫмер киләсәге хаҡында етди уйлана. Туғыҙынсыны тамамлау менән комбайнсы ярҙамсыһы булып эшкә урынлаша, был шөғөлөн һәр йәй ҡулына өлгөргәнлек аттес­таты алғансы дауам итә.
Тик шуныһы: ул саҡта бөлөп барған колхозда эш хаҡын Заһир бесәнләтә һәм игенләтә алырға мәжбүр була. Әммә файҙаһын күрә белгән кешегә быныһы ла капитал – егет һарыҡ үрсетергә тотона, машина ала. Бигерәк тә шуныһы иғтибарға лайыҡ: әле мәктәптә уҡыған көйө (!) Заһир өй һала башлай. Аҙаҡ ситкә уҡырға сығып киткәс, ҙур мәшәҡәтен яйлап ослап ҡуя. Бына ҡайҙа ята ул бөгөнгө тормошоноң нигеҙе. Әлбиттә, етемлек, әсәй кешенең дөрөҫ тәрбиәһе — барыһы ла булышлыҡ иткәндер үҫмерҙең шундай етди аҙым яһауына. Өҫтәүенә Заһир:
— Стәрлетамаҡ ауыл хужалығы техникумында фермерлыҡ эшен ойоштороу серҙәренә төшөнгәндә, Стәрлетамаҡ физик культура инс­титутында белем алғанда туплаған һабаҡтар ныҡышмалы­лыҡҡа, тәртипкә өйрәтте, — ти.
Тимәк, шәхес тәрбиәләүҙә өйҙәге мөхит тә, тормош үҙе лә, белем алыу ҙа мөһим.
Заһир ҡалала ҡалһа, бәлки, уҡытыусы булып эшләр йә берәй бизнесҡа ылығып китер ине. Әммә ул алдына башҡа маҡсат ҡуя – тыуған ауылына ҡайтып өй һалырға, ғаилә ҡорорға һәм яратҡан эш менән шөғөлләнергә.
Бөгөн уның барлыҡ маҡсаттары ла тормошҡа ашҡан – ҡатыны Нәзирә менән Нияз исемле ул һәм Миләүшә исемле ҡыҙ үҫтерәләр, икенсегә ҙур йорт һалып сыҡҡандар (тәүге өйөн ул әсәһенә тип һала), яратҡан шөғөлө бар. Бер генә баштан үрсегән, “эш хаҡын” ашап ишәйгән һарыҡтар һаны ла хәҙер алты тиҫтәгә яҡынлашҡан инде.
— Ауылда спорт менән шөғөлләнеү мал артынан ҡыуыуға ҡайтып ҡала бит, балаларға ла, үҙебеҙгә лә физкультура, шуға һарыҡ тотам, — тип шаярта Заһир.
Һәр хәлдә Миләүшә менән Нияздың эш тәрбиәһендә үҫеүҙәре насар түгел.
Һарыҡтар ишәйһә лә, был шөғөл менән генә сикләнмәй ғаилә башлығы. Башҡалар кредитҡа булһа ла еңел автомобиль һатып алырға хыялланғанда, ул ихатаһына йөк машинаһы килтереп ултырта һәм, иҫке генә “тимер ат”ын ремонтлап, кешегә бесән-утын ташый. Трактор алып, “ЮМЗ”-һы менән аҡса эшләргә тотона. Капитал йыйылһа ла, йәнә яңы автомобиль урынына таҡта ярыу цехы асып, ағас эшкәртеүгә тотона. Урман ташырға техникаһы бар, йөк машинаһында ҡорамал урынлаштырып, ағасты бер үҙе тейәп ташый, ауылдаштарын яллап, таҡта ярып һата. Шулай яйлап эштәре алға бара йүнсел Өмөтбаевтың. Киләсәктә магазин да асырға хыяллана әле, өйөн төҙөкләндерә.
Әлбиттә, тырышлығы, маһир­лығы, ихтыяр көсө менән уңыштарға ҡаҙана Заһир. Шул уҡ ваҡытта дәүләт ярҙамы хаҡында ла әйтеп китергә кәрәктер: тыуған ауылында бушлай ер участкаһы алған, әсәлек капиталы менән өй һалған сығымдарҙы ҡаплатҡан. Бер ҙә насар түгел.
Заһир менән аралашҡанда, бер яҡтан, уның ябайлығына һоҡлан­һам, икенсенән, бизнес, төҙөлөш өлкәһендә, техника донъяһында ҡатмарлы мәсьәләләрҙә лә ябай итеп төплө яуап табыуына, үҙ фекере булыуына таң ҡалдым. Йүнселлек, бәлки, ошондай ябайлыҡтан һәм белемдән дә башланалыр. Һәр хәлдә, Заһирҙың бөтә башланғыстары ла ныҡлы, артабан да уларҙы ҡулланып, үҫешеүен теләргә генә ҡала.

Ишембай районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 1 277

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 1 509

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 1 415

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 1 176

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 1 022

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 1 404

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 1 740

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 1 758

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 2 393

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 1 585