Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Гүйә, ожмахтың үҙе
Гүйә, ожмахтың үҙеҺуңғы йылдарҙа крәҫтиән (фермер) хужалыҡтарында ла, шәхси секторҙа ла үҫемлекселек тармағына иғтибар көсәйҙе. Был аңлашыла. Беренсенән, үҙең үҫтергән йәшелсә, емеш-еләк экологик йәһәттән дә, сифаты буйынса ла мең артыҡ. Унан һуң ете диңгеҙ аръяғынан килтерелгән ризыҡтың ниндәй шарттарҙа үҫтерелеүен кем күргән дә, кем белгән. Ә бында
үҙ ерең, үҙ һыуың тигәндәй.
“Башҡортостандың йәшел ожмахы” яуаплылығы сикләнгән йәмғиәте биләмәһендә лә бына нисәмә йылдар инде йәшелсәселек менән шөғөлләнәләр. Дүрт мең квадрат метр майҙанды биләгән теплицалар, яҡынса 200 гектарҙа үҫтерелгән кишер, кәбеҫтә, сөгөлдөр, һуған, ҡабаҡ һәм башҡа йәшелсә баҫыуҙары... Әйткәндәй, йәмғиәт быға тиклем башлыса салат һәм кәбеҫтә үҫтереү менән генә шөғөлләнгән булған. Әлбиттә, был йәшелсәләрҙең ниндәйен генә сәсеп ҡарамаған улар. Салаттың ғына ла әллә нисәмә сорты — Айсберг, Романо, Фриссе, Лолла-Росса, Лолла-Бион, Айсберг, Радиччио... Кәбеҫтәнең дә йәнең теләгән төрө бар. Хәҙер иһә хужалыҡ етәкселәре башҡа йәшелсә төрҙәренә лә ныҡлап тотонған.
— Беҙҙең климат йәшелсәселеккә бик ҡулай. Иртә яҙҙан ҡара көҙгәсә нимәләр генә етештермәҫкә мөмкин. Хәҙер бит ҡайһы бер эшҡыуарҙар хатта ҡарбуз үҫтереүҙе лә бизнес итеп алды. Беҙ, әлбиттә, быға барып етмәнек әлегә. Хәйер, бәлки, киләсәктә уныһына ла тотонорбоҙ. Ә бөгөнгө эшмәкәрлегебеҙгә килгәндә, “эше барҙың — ашы бар” принцибына таянабыҙ. Етмештән ашыу кешене эш менән тәьмин итеүебеҙ генә лә күп нәмә хаҡында һөйләй. Уңыш йыйыу осоронда эшселәр һаны тағы ла артып китә, — ти “Башҡортостандың йәшел ожмахы” яуаплылығы сикләнгән йәмғиәте директоры Сергей Новиков.
Ысынлап та, егәрлегә эш етерлек бында — иртә яҙҙан орлоҡтарҙы теплицаларға ултыртырға, унан һуң үҫентеләрҙе асыҡ тупраҡҡа күсерергә, һыу һибергә, сүп үләндәрен утарға... Тауыҡ сүпләһә лә мәшәҡәт кәмерлек түгел. Хатта ҡышын да эш бөтмәй. Техниканы ремонтлайһы, яландарға ашлама сығараһы бар.
— Техникаға ҡытлыҡ юҡ. Барлыҡ ҡорамалдары менән һигеҙ тракторыбыҙ бар. Һыу һибеү өсөн дә махсус ҡоролмалар яһап ҡуйғанбыҙ. Бында төрлө райондарҙан халыҡ килеп эшләй. Улар өсөн йәшәү урындары хәстәрләгәнбеҙ. Күрше ауылдарҙан йөрөгәндәрҙе иһә автобус менән барып алып, илтеп ҡуябыҙ. Көнөнә ике тапҡыр туҡландырыу ҡаралған. Хеҙмәт хаҡына килгәндә, ваҡытлыса эшләгәндәр менән көн һайын иҫәпләшәбеҙ, ә рәсми теркәлгәндәр айына ике тапҡыр ала, — тип эш шарттары менән таныштырҙы йәмғиәт етәксеһе.
Билдәле, йәшелсәселек өлкәһендә күп нәмә ҡул көсөнә бәйле. Шуға директор ҙа уңыш-ҡаҙаныштарҙың нигеҙен тәү сиратта хеҙмәткәрҙәренең тырышлығына бәйле булыуын һыҙыҡ өҫтөнә алды, йәшелсәселәр Гөлнур Гәрәева, Әлфиҙә Фәттәхова, Люциә Кашапова, Илмира Шәфиғуллина, Олег Бужаев, Айнур Носратуллинды һәм башҡаларҙы маҡтап китте.
— Быйыл уңыш йыйыуға урындағы халыҡты ла йәлеп итербеҙ тип торабыҙ. Беҙгә лә уңайлы, уларға ла миҙгелендә аҡса эшләп ҡалыу мөмкинлеге тыуасаҡ, — ти ул.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 204

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 394

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 503

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 217

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 198

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 505

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 696

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 740

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 485

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 518