Башҡортостан инвестиция мөхите милли рейтингында 3-сө урынды һаҡлап ҡалды

20 июндә Петербург халыҡ-ара иҡтисад форумы барышында Рәсәй төбәктәрендәге инвестиция мөхите торошоноң милли рейтингы һөҙөмтәләренең презентацияһы үтте. Уны йыл һайын эшҡыуарҙарҙан һорау алыу нигеҙендә Стратегик башланғыстар агентлығы ойоштора.

2024 йыл йомғаҡтары буйынса Башҡортостан Мәскәү өлкәһе менән бергә өсөнсө урынды яуланы, шул рәүешле былтырғы позицияһын һаҡлап ҡалды. Рейтингтың беренсе баҫҡысын Мәскәү биләй, ә икенсе урынды Түбәнге Новгород өлкәһе менән Татарстан бүлешә.

Хәтерегеҙгә төшөрәбеҙ, республика рейтингта 2014 йылда 40-сы урындан старт алды, бер йылдан Башҡортостан 20 төбәк иҫәбенә инде, 2019 йыл йомғаҡтары буйынса туғыҙынсы урынға күтәрелде. 2020 һәм 2021 йылдар йомғаҡтары буйынса республика бишенсе баҫҡысты биләһә, 2022 йыл өсөн рейтингта Башҡортостан беренсе тапҡыр дүртенсе урынға сыҡты (Тула һәм Сахалин өлкәләре менән бүлеште). 2023 йыл йомғаҡтары буйынса Башҡортостан Мәскәү һәм Төмән өлкәләре менән бергә өсөнсө урынды яуланы.

Өҫтөнлөклө инвестиция проекттары исемлегендә 386 инвестиция проекты бар.

https://www.bashinform.ru/news/economy/2025-06-20/bashkiriya-sohranila-za-soboy-3-mesto-v-natsionalnom-reytinge-investklimata-4284203