Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Гөлназ фермермы?
Гөлназ фермермы? Берәү ҙә бүтәнде ҡабатламай – йәмғиәтебеҙҙә һәр кемдең үҙенең урыны бар. Һәр береһе өлгө күрһәтеү, алға әйҙәү ролен үтәй. Мәҫәлән, маяҡ һаналған эшҡыуарҙарҙың да, фермерҙарҙың да төрлөһө осрай. Кемдер сослоғо менән алдырһа, икенселәр уңған булғаны өсөн уңыш ҡаҙана. Улай ғына ла түгел, шулар араһында үҙ эшен асҡан гүзәл заттарға иғтибарым ҙур, һоҡланыуым сикһеҙ. Ысынлап та, киләсәк менән йәшәүселәр бихисап. Тәтешле районының Ҡоҙаш ауылы фермеры Гөлназ ХӘЙРУЛЛИНА үҙенең ҙур булмаған хужалығы һәм эш үҙенсәлектәре тураһында һөйләй.
– Төрлө яҡтан һәм оҙаҡ уйланғандан һуң, һарыҡсылыҡ йүнәлешенә тотонорға ҡарар иттем. Хәйер, беҙҙең яҡ бының өсөн барлыҡ уңайлыҡҡа эйә. Туғай-болонлоҡтар, йылға, бәләкәй генә тауҙар – барыһы ла ыңғай килеп тора. Улай ғына ла түгел, ошо уйҙарымды ту­лыһынса асып һалған бизнес-планымды район хакимиәтенең мәғлүмәт-консультация үҙәгенә тапшырыуға күп тә уҙманы, “үттең” тип һөйөн­сөләнеләр. Ысынлап та, район хакимиәтенең ярҙамын тоябыҙ – 262 мең һум күләмендә аҡса бүленде. Форсаттан файҙаланып, ваҡытында булышлыҡ иткәне өсөн Хөкүмәтебеҙгә рәхмәт һүҙҙәрен еткерәм. Бына бит, теләк кенә булһын, һәр кемгә ярҙам итергә әҙерҙәр.
Әҙәм балаһын маҡсат алға әйҙәй – фермерлыҡҡа төрлө юлдар аша килдем, әммә алдыңа ниәт ҡуйғанда, уны тулыһынса тормошҡа ашырырға мөмкин. Шуны алдан билдәләр инем, үҫемлекселек булһынмы, малсылыҡ тиһеңме, шулай уҡ йәшелсәселек тармағын башлаһаң да, уларҙы йылдам алып барыуға республикабыҙҙа һәр йәһәттән дә уңайлы шарттар тыуҙырылған. Бына шуны күҙ уңында тотоп, ауыл хужалығы буйынса эшмәкәрлегебеҙҙе йәйелдерҙек. “Беҙ батырсылыҡ итмәгәндә, һеҙ эште йәһәт кенә башланығыҙ, әле барыһы ла шыма ғына бара. Уның сере нимәлә?” – тип минән дә, бүтән туғандарымдан да йыш һорайҙар. Иң беренсе тәүәккәллекте һәм егәрлелекте күңелегеҙгә һалығыҙ, тим һәммәһенә лә.
Барыһы ла тиҫтәгә яҡын һарыҡтан башланды. Фекерҙәштәрем һәр саҡ хуплап торғас, дәртләнеп тотондом. Өҫтәүенә, үҙебеҙҙең һарыҡтарҙы ла ҡушҡас, бигерәк күңелле булып китте. Итте һатыуға сығарабыҙ, яйлап һарыҡтарҙы арттырҙыҡ, уларҙы 100 башҡа еткерҙек, ләкин был беҙҙең өсөн сик түгел. Бөгөн бәләкәй хужалығымды “роман” тоҡомло һарыҡтар йәмләндерә, шаяртып әйткәндә, бар байлығым шул. Эйе, малды ишәйтеү – әле төп ниәтебеҙ. Бер һарыҡ өс-биште бәрәсләй, бигерәк үрсемлеләр.
Бынан тыш, 92 гектар майҙанға иген культуралары һәм күп йыллыҡ үлән сәстек. Үҫемлекселекте лә, малсылыҡты ла бер юлы алып барыу отошло, минеңсә. Бесәнде артығы менән әҙерләгәс, ҡышты тыныс үткәрҙек.
Ысынында, беренсенән, эшләһәң, эш ҡарышмай, икенсенән, етәкселек ижтиһад һалғандарҙы күрә һәм күтәрә. Ул аҡсаны нимәгә тотондоҡмо? Яуап бирәм, тиненә ҡәҙәр кәрәк-яраҡ алдыҡ. Был беҙгә ҡанат ҡуя, алдағы көндәргә маҡсаттар билдәләгәндә, этәргес көс бирә. Ғөмүмән, киләсәктә ваҡ малды үрсетеүгә баҫым яһарға уйлайбыҙ.
Ошо тиклем хужалыҡты алып барыу еңелме? Юҡтыр. Ҡайҙан эшсе көс табайым тип баш ватмайбыҙ. Шуға күрә бер нисә кешене эшкә алдыҡ – тырыштарға эш урыны булдырҙыҡ. Идарасы Финус Хәйруллинға һүҙ әйтәһе түгел, бынан тыш, өсәү ғаилә подрядын һайланы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 209

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 399

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 507

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 219

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 201

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 508

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 699

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 741

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 487

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 520