Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Мин һөнәремдән уңдым”
Финалда 17 предметтан 66 уҡытыусы ҡатнашты.

Ошо көндәрҙә “Башҡортостандың баш ҡалаһы йыл уҡытыусыһы-2019” һәм “Башҡортостандың баш ҡалаһы башҡорт теле һәм әҙәбиәте йыл уҡытыусыһы-2019” һөнәри оҫталыҡ конкурсына йомғаҡ яһалды.

Сараның маҡсаты – алдынғы педагогик тәжрибәне таратыу, уҡытыусы һөнәренең абруйын күтәреү, һөнәри үҫеш өсөн шарттар тыуҙырыу.

Фойе байрамса биҙәлгән, дәртле көй яңғырай. Ғәҙәттә, һәр конкурсантты бәйгелә ҡатнашырға әйҙәгән һәм, әлбиттә, уның еңе­үенә булышлыҡ иткән фекерҙәш­тәре бу­ла. Конкурсҡа йомғаҡ яһар алдынан рух күтәренкелеге биргән­дәргә һәм иңдәренә ҡанат ҡуйғандарға ла иҫтәлекле бүләктәр тапшырылды.

Тамаша залында алма төшөрлөк тә урын юҡ. Тәүҙә тамашасылар мәктәп тормошо тураһында видеояҙма ҡараны.
Өфө ҡалаһы хакимиәте баш­лығы урынбаҫары Алина Сөләй­мәнованың һүҙҙәренә ҡарағанда, балаларҙың киләсәге тураһында һис кенә лә борсолорға кәрәкмәй, сөнки уҡытыусылар көн һайын аң-белем таратыуға көстәрен дә, ваҡыттарын да йәлләмәй.

– Ғүмер ағышында бер ҡасан да космонавт менән дә, президент менән дә күреш­мәҫкә мөмкин, уның ҡарауы, уҡытыусыны һәр кем осрата, – тине Алина Наил ҡыҙы. – Әлеге конкурсҡа килгәндә иһә, берен­сенән, йәштәрҙең күп булыуы шатлан­дырҙы, икенсенән, ир-ат мөғәллимдәрҙең ҡатна­шыуы айырыуса маҡтауға лайыҡ.

Быйыл конкурс өс турға бүленгән. Тәүҙә конкурсанттар интернетҡа ҡуйылған портфолио аша баһаланды. Икенсе турҙа һәр кемгә эссе яҙыу, методик семинар үткәреү һәм дәрес биреү бурысы йөкмәтелде. Аҙаҡҡыһында иһә – оҫталыҡ дәресендә, класс сәғәтендә, белем проектында һәм түңәрәк өҫтәлдә көс һынашты педагогтар.

Жюриға республика юғары уҡыу йорттарының уҡытыусы-ғалимдары, быға тиклемге бәйге еңеүселәре лә ингән.
Шул да мәғлүм булһын, 21 йыл һуҙымында барған “Башҡортос­тандың баш ҡалаһы йыл уҡы­тыусыһы” конкурсында ике мең ярымдан ашыу конкурсант ҡат­наш­ҡан, 400-ҙән ашыу уҡытыусы лауреат исемен алған. Өфө мөғәллимдәренең 18 тапҡыр “Йыл уҡытыусыһы” республика конкур­сының еңеүсеһе булыуы шатлыҡлы.

Быйыл иһә, ғөмүмән, 700 уҡы­тыусы ярышта ҡатнашырға теләк белдергән, финалға 17 предметтан 66 уҡытыусы еткән, араларында 27 йәш педагог та бар ине.

Шулай итеп, “Башҡортостандың баш ҡалаһы йыл уҡытыусыһы-2019” конкурсында абсолют еңеүсе исемен 47-се гимназияның иҡтисад уҡытыусыһы Ирина Хисмәтуллина яуланы, ә “Башҡортостандың баш ҡалаһы башҡорт теле һәм әҙәбиәте йыл уҡытыусыһы-2019” бәйгеһендә 7-се урта мәктәптән Гөлшат Ғәбитова алдынғылыҡты бирмәне. Гөлшат Заһир ҡыҙы билдәлә­үенсә, был ябай ғына бәйге түгел, ә рух байрамы, оло йыйын, тәжрибә уртаҡлашыу өсөн ҙур майҙансыҡ. Мин һөнәремдән уңдым, тип ул фекерен аҡһаҡа­лыбыҙ Мостай Кәримдең һүҙҙәре менән тамамланы. Шулай уҡ башҡорт теле һәм әҙәбиәте уҡытыусылары араһында ойошто­ролған “Педагогик өмөт” номина­цияһында 103-сө мәктәптән Зөлфиә Иҫәнбаеваға етеүсе табылманы.

Бөтә донъя башҡорттары ҡоролтайы Башҡарма комитеты рәйесе Данир Ғәйнуллин бер төркөм уҡытыусыларға Почет грамотаһы тапшырҙы. Данир Әхмәҙи улы белдереүенсә, һәр беребеҙ өсөн атай-әсәйебеҙ был донъяла иң ҡәҙерле кеше, уларҙан ҡала уҡытыусыларҙы ла хөрмәт итәбеҙ, уларға тиңләшергә тырышабыҙ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Белем һәм тәрбиә

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 991

Шунда уҡ икенсе курсҡа ҡабул ителһәләр...

Шунда уҡ икенсе курсҡа ҡабул ителһәләр... 27.03.2019 // Белем һәм тәрбиә

Республика етәксеһе Радий Хәбиров медицина училищеһын тамамлағандарҙы шунда уҡ ошо йүнәлештәге...

Тотош уҡырға 235

Монголиянан ҡунаҡ килде

Монголиянан ҡунаҡ килде 27.03.2019 // Белем һәм тәрбиә

БДУ-ның Сибай институты студенттары Монголияның Фән һәм технология дәүләт университеты профессоры...

Тотош уҡырға 659

Биш көнлөк уҡыу башлана

Биш көнлөк уҡыу башлана 27.03.2019 // Белем һәм тәрбиә

1 апрелдән Өфөнөң башланғыс класс уҡыусылары биш көнлөк уҡыуға күсә....

Тотош уҡырға 252

Данлы юлға тап төшөрмәй

Данлы юлға тап төшөрмәй 27.03.2019 // Белем һәм тәрбиә

Сибай гимназия-интернаты — төбәктә генә түгел, республикала ла киң билдәле уҡыу йорттарының береһе....

Тотош уҡырға 451

Балағыҙҙы кем итеп күрәһегеҙ?

Балағыҙҙы кем итеп күрәһегеҙ? 26.03.2019 // Белем һәм тәрбиә

“Ромир” холдингы ата-әсәләр араһында ҡыҙыҡлы һорау алыу ойошторған. Рәсәйҙәр балалары өсөн ниндәй...

Тотош уҡырға 216

Йәй етте ләме ни?

Йәй етте ләме ни? 26.03.2019 // Белем һәм тәрбиә

Ҡырмыҫҡалы районы хакимиәте йыл да балаларҙың йәйге ялын файҙалы үткәреү, сәләмәтлектәрен нығытыу...

Тотош уҡырға 253

"Үлмәҫбай" ҙа яңғыраны

"Үлмәҫбай" ҙа яңғыраны 25.03.2019 // Белем һәм тәрбиә

“Башҡортостан халыҡтары телдәре һәм мәҙәниәте – республиканың милли ҡаҙанышы” форумында балалар ҙа...

Тотош уҡырға 274

Барыһы ла үҙебеҙгә бәйле

Барыһы ла үҙебеҙгә бәйле 25.03.2019 // Белем һәм тәрбиә

Туған телдең, мәҙәниәттең яҙмышы һәр заманда ла кешенең, халыҡтың үҙенә бәйле. Был рухи...

Тотош уҡырға 201

Милли ҡаҙаныштарыбыҙ һағында

Милли ҡаҙаныштарыбыҙ һағында 25.03.2019 // Белем һәм тәрбиә

Өфөлә Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса...

Тотош уҡырға 185

Етәкселәр уҡыусыларға рәхмәт белдерҙе

Етәкселәр уҡыусыларға рәхмәт белдерҙе 23.03.2019 // Белем һәм тәрбиә

Бөгөн Өфөлә химия буйынса Бөтә Рәсәй олимпиадаһының һуңғы, өсөнсө, этабы тамамланды. Дөйөм алғанда,...

Тотош уҡырға 189

"Әкиәт"тән – мажаралы әкиәттәр

"Әкиәт"тән – мажаралы әкиәттәр 23.03.2019 // Белем һәм тәрбиә

Сибайҙың “Әкиәт” балалар баҡсаһы хеҙмәткәрҙәре үҙ тәрбиәләнеүселәре, ата-әсәләр менән берлектә...

Тотош уҡырға 392