Ҡасандыр телевидение аша бер фермер ҡатын тураһында тапшырыу ҡарағайным. Ул йәшелсәләрҙе, емештәрҙе төрлө ҡоротҡостарҙан һаҡлау өсөн ябай теш пастаһы ҡуллана икән. Иң яҡшыһы - үҙебеҙҙә етештерелгән "Бөтнөклө" ("Мятная") пастаһы, тине ул. Ошо кәңәште тотоп... 

Баҡсасыларҙың чатында Татьяна исемле ханым бик үҙенсәлекле кәңәш-тәҡдиме менән уртаҡлашты.

"Ҡасандыр телевидение аша бер фермер ҡатын тураһында тапшырыу ҡарағайным. Ул йәшелсәләрҙе, емештәрҙе төрлө ҡоротҡостарҙан һаҡлау өсөн ябай теш пастаһы ҡуллана икән. Иң яҡшыһы - үҙебеҙҙә етештерелгән "Бөтнөклө" ("Мятная") пастаһы, тине ул. Уның хаҡы ҡиммәт түгел. Ошо кәңәште тотоп, мин дә оҙаҡ йылдар дауамында баҡсала әлеге ҡатнашманы уңышлы файҙаланам. Ул айырыуса кәбеҫтәне, картуфты, еләкте, ҡурай еләген яҡшы һаҡлай", - тип яҙҙы Татьяна.

Шулай уҡ ул, әгәр бөтнөклө теш пастаһы булмаһа, башҡа төрҙәре лә бара, ти. Мәҫәлән, ул үҙе ябай, осһоҙ ғына "Семейная" пастаһын ҡулланып ҡарағаны ла бар икән.

Шулай итеп, пасталы ҡатнашма әҙерләү өсөн беҙгә бер һауыт теш пастаһы һәм бер литр йылы һыу кәрәк. Һәйбәт итеп болғатып, паста таралып бөтһә, ҡатнашмаға тағы дүрт литр һыу өҫтәгеҙ. Ошо ҡатнашманы кәбеҫтә, еләк, картуф, ҡурай еләгенә һиптерегеҙ. Япраҡтары ағарып торасаҡ, әммә был кибеттәге ағыуҙарға ҡарағанда күпкә зыянһыҙ!

Әлбиттә, бер әтнәкәһе бар: ямғыр яуып үтһә, ҡатнашманың һөҙөмтәһе булмай, шуға күрә даими рәүештә ҡабатлап һиптереп торорға кәрәк. Уның ҡарауы зыянһыҙ, экологик йәһәттән таҙа йәшелсә-емеш үҫтереп аласаҡһығыҙ.

Фото: Татьяна ханымдыҡы.

Беҙҙең МАХ каналына https://max.ru/gazetabashkortostan ҡушылығыҙ!