Майҙа ултыртып, июндә йәш картуф ашарға теләйһегеҙме? Ошо өс сортты ултыртығыҙ!

Май айында ултыртып, июнь айында уҡ йәш картуф ауыҙ итергә теләгәндәр бар. Улар өсөн бик иртә торған картуф сорттары менән уртаҡлашмаҡсыбыҙ. “Сорокодневка” тип аталған сорттар төркөмө бар, улар тиҙ үҫә һәм эҫелеккә сыҙамлылығы менән ҡыуандыра.

Төп моменттар:

Өлгөрөү ваҡыты: беренсе ҡаҙыу 30-35 көндән һуң мөмкин, тулы өлгөрөү 55-60 көндән башлана.

Классификацияһы: Был сорттар “бик иртә”тип атала. Улар эҫегә һәм ҡоролоҡҡа сыҙамлы, юғары уңыш бирә.

Популяр сорттары:

Коломба (Kolomba) голланд сорты, эҫегә сыҙамлылығы һәм юғары уңшы менән айырылып тора. Тупраҡтың бөтә төрҙәре өсөн дә яраҡлы. 35-45 көндән ҡаҙыла, 60 көндән күпләп йыйып алына.

Метеор ҡоролоҡҡа сыҙамлылығы һәм талапсанлығы арҡаһында белгестәр тарафынан айырыуса яратылған Рәсәй сорты. 45 көндән әҙер була, ә күпләп йыйыу 55 көндән башлана.

Импала голланд сорты, тотороҡло уңыш һәм бәрәңгенең матурлығы менән дан тота. Эҫегә, ауырыуҙарға сыҙамлы. Дым етмәү шарттарында ла юғары һөҙөмтәләр күрһәтә.

Был сорттарҙы ултыртып ҡарағанығыҙ бармы? Булһа тәжрибә менән уртаҡлашығыҙ әле.

Һүрәттә импала сорты картуфы.

Беҙҙең МАХ каналына https://max.ru/gazetabashkortostan  ҡушылығыҙ!