Башҡорт яҙыусыһының МХО геройҙары тураһында яңы китабы донъя күрҙе » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Үҙебеҙҙекеләрҙе ташламайбыҙ » Башҡорт яҙыусыһының МХО геройҙары тураһында яңы китабы донъя күрҙе

Башҡорт яҙыусыһының МХО геройҙары тураһында яңы китабы донъя күрҙе 05.03.2026 // Үҙебеҙҙекеләрҙе ташламайбыҙ

Башҡорт яҙыусыһының МХО геройҙары тураһында яңы китабы донъя күрҙе

Фото: матбуғат хеҙмәте / Башҡортостандың Матбуғат һәм киң мәғлүмәт саралары агентлығы

Башҡортостандың халыҡ шағиры, «Аҡбуҙат» журналының баш мөхәррире Лариса Абдуллинаның МХО геройҙары тураһында китабы баҫылып сыҡты. «Позывной «Башҡорт» тигән яңы китап «АСТ» һәм «Ленинград» нәшриәттәрендә донъя күрҙе.

Башҡортостан Матбуғат һәм киң мәғлүмәт саралары агентлығының матбуғат хеҙмәте хәбәр итеүенсә, китап реаль хәл-ваҡиғаларға һәм махсус хәрби операцияла ҡатнашыусылар, тыныс халыҡ һәм балаларҙың күргәндәренә нигеҙләнгән.

«Позывной «Башҡорт» – йөрәк һәм ваҡыт ҡушыуы буйынса яҙылған китап. Уның нигеҙендә – замандаштарыбыҙҙың реаль яҙмыштары, тере тауыштары һәм намыҫлы тарихтары. Улар өсөн Ватанға һөйөү һәм бурысҡа тоғролоҡ – яңғырауыҡлы һүҙҙәр түгел, ә йәшәү рәүеше, — ти Лариса Абдуллина. — Мин әңгәмәселәремдең тыйнаҡ, ҡыйыу, эскерһеҙ интонацияһын һаҡларға ынтылдым. Был китап хәтер, йорт, балалар, туған мәҙәниәттең көсө хаҡында. Улар теләһә ниндәй һынауҙарҙы еңергә ярҙам итә. Тәү сиратта бөгөн тыныслыҡты һәм киләсәкте һаҡлаусыларға рәхмәт китабы».

Китаптың башланғыс тиражы — 1500 дана.

https://www.bashinform.ru/news/svo/2026-03-05/vyshla-v-svet-novaya-kniga-bashkirskoy-pisatelnitsy-o-geroyah-svo-4602948

Автор: Ләйлә Аралбаева / Источник

Баҫып сығарырға