Радий Хәбиров Рәсәй Геройы Владислав Бочаровтың батырлығы тураһында иҫкә төшөрҙө

Белореттан гвардия капитаны Владислав Бочаров – герой, ул ғүмерен бушҡа бирмәне. Бөгөн хөкүмәттең оператив кәңәшмәһендә Башҡортостан Башлығы ошо турала белдерҙе.

«Владиславҡа 27 йәш ине, ҡыҙғанысҡа ҡаршы, ул һәләк булды. МХО-ла ул тәүге көндәрҙән тиерлек ҡатнашты. Уның наградалар ҡағыҙын уҡып сыҡтым. Батыр кеше. Мәктәпте отличие менән тамамлаған. Рязань юғары десант училищеһына уҡырға ингән. Ошондай егеттәрҙең арабыҙҙан китеүе бик йәл. Күп эштәр башҡара алыр ине», – тине Радий Хәбиров.

Ул шулай уҡ МХО-ла һәләк булған яугирҙәр сержант Фәрит Ғәбделбаянов, ефрейтор Руслан Юлдашев, рядовойҙар Сергей Медведев һәм Шамил Тимербаевтың ғаиләләренә Батырлыҡ ордендары тапшырыуҙары тураһында әйтте.

Хәтерегеҙгә төшөрәбеҙ, 27 ғинуарҙа Өфөлә Радий Хәбиров һәм Балтик флоты командующийы, адмирал Сергей Липилин Владислав Бочаровтың ата-әсәһенә Рәсәй Геройы йондоҙон тапшырҙы. Рәсәй Президентының 2025 йылдың 24 декабрендәге указы менән гвардия капитаны Бочаров Владислав Алексеевичҡа үлгәндән һуң Рәсәй Федерацияһы Геройы исеме бирелде. 

https://www.bashinform.ru/news/svo/2026-02-02/radiy-habirov-napomnil-o-podvige-geroya-rossii-vladislava-bocharova-4560500