Радий Хәбиров МХО-ла юғалған яугирҙәрҙе эҙләү өсөн төркөм ойошторорға ҡушты » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Үҙебеҙҙекеләрҙе ташламайбыҙ » Радий Хәбиров МХО-ла юғалған яугирҙәрҙе эҙләү өсөн төркөм ойошторорға ҡушты

Радий Хәбиров МХО-ла юғалған яугирҙәрҙе эҙләү өсөн төркөм ойошторорға ҡушты 30.01.2026 // Үҙебеҙҙекеләрҙе ташламайбыҙ

Фото: «Башинформ» мәғлүмәт агентлығы / архив

Башҡортостан Башлығы республика Дәүләт Йыйылышы – Ҡоролтайға Мөрәжәғәтнамәһендә хәбәрһеҙ юғалған яугирҙәрҙе эҙләү темаһына ла ҡағылды.

«Дәүләт Думаһы депутаты Ирина Александровна Панькинаға һәм Рәсәй Федерацияһының Кеше хоҡуҡтары буйынса вәкиле Татьяна Николаевна Москальковаға ир-егеттәребеҙҙе тыуған яғына ҡайтарыуҙа ярҙам иткәне өсөн рәхмәт белдерәм.

Беҙҙең дөйөм эштә Эльвира Александровна Мацкевич етәкселегендәге Ватан яугирҙәре ғаиләләре комитеты мөһим роль уйнай. Улар ҙа хәбәрһеҙ юғалған яугирҙәрҙе эҙләү буйынса ҡатмарлы эш алып бара.

Ирина Александровна Панькина етәкселегендә даими эшләгән эшсе төркөм булдырырға кәрәк тип иҫәпләйем. Руслан Таһир улы Хәбибовтан федераль органдар – Хәрби комиссариат һәм комендатура, Хәрби прокурор, Өфө гарнизонының Хәрби тәфтиш бүлеге һәм башҡа структуралар менән берлектә был эште ойоштороуҙы һорайым.

Республикала Кеше хоҡуҡтары буйынса вәкил Михаил Иванович Закомалдиндан туғандары хәбәрһеҙ юғалған хәрбиҙәрҙе эҙләү мәсьәләләре буйынса мөрәжәғәт итә алһын өсөн бәйләнеш офисы булдырыуҙы һорайым», – тине Радий Хәбиров.

https://www.bashinform.ru/news/svo/2026-01-30/glava-bashkirii-dal-porucheniya-po-organizatsii-poiska-propavshih-na-svo-boytsov-4557039

Автор: Ләйлә Аралбаева, Азат Ғиззәтуллин / Источник

Баҫып сығарырға