Яҡташ яугир алғы һыҙыҡта яраланған улын ҡотҡарған

«Ватанды һаҡлаусылар» фондының республика филиалында төшөрөлгән комикста йөрәккә үтеп инерлек ваҡиға тураһында һөйләнеләр.

«Шеф» позывнойлы сержант 2022 йылдың сентябрендә фронтҡа алына. Бер йылдан һуң уның атаһы – «Инйәр» хәрбиҙәр сафына баҫа.  

2024 йылдың июлендә «Шеф» Угледар янында хәрби бурысын үтәгәндә минаға эләгеп шартлай. Яуҙаштары менән дрон-камикадзелар һөжүменә дусар була. «Шеф» бер тәүлектән ашыу ашамай-эсмәй, дошман уты аҫтында ҡала. 

«Инйәр» команда пунктында рация аша һөйләшеүҙәрҙе ишетә. Мөмкинлек булғас та эвакуация төркөмө менән яралыларҙы эҙләргә сыға. «Инйәр» улын эҙләп таба һәм һәм ут ямғыры аҫтында биш саҡрым күтәреп бара.

«Гиря» позывнойлы хеҙмәттәше ошо хаҡта «Атай» тигән шиғырын яҙа. Һуңыраҡ уның һүҙҙәрен көйгә һалып, «Документаль формат» әҙәби йыйынтығына индерәләр.

«Мин МХО-ға өлөшләтә мобилизация буйынса алындым. Ата-әсәйем миңә дөрөҫ тәрбиә бирҙе. Тыуған ил саҡырһа, барырға кәрәк. Олатайымды үҙемдең урыныма ҡуйып ҡараным, ул да тап шулай эшләр ине. Бер йылдан һуң атайым менән бер подразделениела хеҙмәт итә башланыҡ. Бөгөн дә ул яуҙа», — тип һөйләне «Шеф».

https://www.bashinform.ru/news/svo/2025-08-18/boets-svo-iz-bashkirii-spas-ranenogo-syna-na-peredovoy-4352264