Радий Хәбиров «Башҡортостан геройҙары» программаһы финалсылары менән осрашты

Бөгөн, 22 июлдә, Шишмә районының Рәсәй Геройы Максим Серафимов исемендәге «Патриот» хәрби–патриотик паркы биләмәһендә Башҡортостан Башлығы Радий Хәбиров «Башҡортостан геройҙары» программаһы финалсылары менән осрашты.

«Башҡортостан геройҙары» республика кадрҙар проекты – ил Президенты тәҡдим иткән «Геройҙар ваҡыты» федераль программаһының аналогы.

Программаның төп маҡсаты – МХО ҡатнашыусыларға тыныс тормошҡа яраҡлашырға ярҙам итеү, республика ҡалалары һәм райондары иҡтисадын һәм социаль өлкәһен үҫтереүгә һәләтле белгестәр һәм идарасылар командаһын әҙерләү, тип билдәләне Радий Хәбиров.

«Ҡатнашыусыларҙы теркәү һаны буйынса беҙ илдә беренсе урынды алдыҡ. Был МХО ветерандарының беҙҙең проектҡа ышанысы, республика үҫешенә үҙ өлөшөн индерергә әҙерлеге хаҡында һөйләй. Проект сиктәрендә һеҙ ғәмәлдәге ҡануниәт, хәҙерге шарттарҙа дәүләт һәм муниципаль идара итеү практикаһы, милли проекттар, дәүләт, шул иҫәптән республика программалары тураһында белемегеҙҙе арттырырһығыҙ. Иҡтисад тармаҡтары, социаль өлкә, территорияларҙы үҫтереү үҙенсәлектәре хаҡында белерһегеҙ», – тип билдәләне Радий Хәбиров.

Республика етәксеһе программа финалсыларының һорауҙарына ла яуап бирҙе. 

https://www.bashinform.ru/news/svo/2025-07-22/radiy-habirov-vstretilsya-s-finalistami-programmy-geroi-bashkortostana-4322409