МХО ветераны Илдар Вәлиев «Башҡортостан геройҙары» программаһының финалына сыҡты

МХО ветераны махсус әҙерлек үтеп, йәштәрҙе тәрбиәләү, ирекмәндәргә ярҙам итеү эше менән шөғөлләнергә ниәтләй.

Рәсәйҙең Социаль фонды бүлексәһе хеҙмәткәре Илдар Вәлиев, махсус хәрби операцияла хеҙмәт итеп ҡайтҡас, «Башҡортостан геройҙары» республика кадрҙар программаһының финалсыһы булды. Бишбүләк районынан МХО ветераны хаҡында «Светлый путь» гәзите яҙып сыҡты.

Илдар Вәлиев 2022 йылдың көҙөндә өлөшләтә мобилизация барышында фронтҡа алына. 2023 йылдың декабрендә ғаилә хәле буйынса демобилизациялана һәм элекке эш урынына ҡайта.

Республикала «Башҡортостан геройҙары» кадрҙар проектының башланыуы тураһында иғлан ителгәс, Илдар Вәлиев документтарын йыйып тапшыра һәм финалға сыға. Яҡташыбыҙ үҙенең ҡарарын фронтта яңы тәжрибә туплауы менән аңлата, уны граждандар тормошонда ла ҡуллана. Атап әйткәндә, ул йәштәрҙе тәрбиәләү менән шөғөлләнергә, ирекмәндәргә ярҙам итергә һәм һөнәри эшмәкәрлегендә яңы һөҙөмтәләргә өлгәшергә ниәтләй.

Хәтерегеҙгә төшөрәбеҙ, 70 ҡатнашыусы финалға үтте.

«Башҡортостан геройҙары» программаһы республикала быйыл февралдә старт алды. Башҡортостан Башлығы Радий Хәбиров билдәләүенсә, проект программаһының маҡсаты — махсус хәрби операцияла ҡатнашыусылар араһынан идарасыларҙың яңы быуынын әҙерләү. Проект Рәсәй президенты Владимир Путин ҡушыуы буйынса тормошҡа ашырыла һәм «Геройҙар ваҡыты» федераль проектының дауамы булып тора.

https://www.bashinform.ru/news/svo/2025-07-21/v-final-programmy-geroi-bashkortostana-vyshel-veteran-svo-ildar-valiev-4319952