Ғаиләһе тураһында уйҙар яҡташ офицерға МХО-ла рух ныҡлығын һаҡларға ярҙам иткән

«Бөрө» позывнойлы МХО яугире фронтта йәшәгән һәр көн яңы саҡырыу һәм һынау тип иҫәпләй. Әммә тыуған йорто, хәләл ефете һәм улы тураһында уйҙары яугирҙе һаҡлап йөрөтә.

Башҡортостандан хәрби хеҙмәткәр хаҡында Яңауыл районы хакимиәте башлығы Салауат Ғилмиев үҙенең телеграм-каналында яҙып сыҡты.

«Бөрө» позывнойлы капитан махсус операцияның тәүге көндәренән үк Донбаста хеҙмәт итә. Ғилмиев һүҙҙәренсә, офицер ауырлыҡтарҙы һәм хәүеф-хәтәрҙе намыҫ менән еңеп, хеҙмәте өсөн Батырлыҡ ордены, «Батырлыҡ өсөн» миҙалы һәм башҡа наградалар менән бүләкләнгән.

Яҡташыбыҙҙы өйөндә хәләл ефете һәм өс йәшлек улы көтә. Ҡатыны уны һәр ваҡыт хуплап, ярҙам итеп, дәртләндереп тора.

Улы хаҡында уйлағанда, капитандың иҫән-һау әйләнеп ҡайтырға тигән теләге тағы ла көсәйә. Кем өсөн көрәшергә һәм ныҡ торорға кәрәклеген ул яҡшы аңлай.

«Уның бурысы — Ватанды һәм үҙенең яҡындарын һаҡлау, ошо уй уға көс-ҡеүәт бирә», — тип яҙҙы Салауат Ғилмиев социаль селтәрҙәге сәхифәһендә.

Оборона министрлығы менән килешеү төҙөгән яҡташтарыбыҙға бер юлы 2 миллион һумдан күберәк аҡса түләнә, айына 210 мең һумдан ашыуыраҡ хеҙмәт хаҡы, шулай уҡ ғаилә өсөн 40-тан ашыу льгота ҡаралған. Тулыраҡ мәғлүмәт башбат.рф сайтында.

https://www.bashinform.ru/news/svo/2025-06-24/mysli-o-semie-pomogli-ofitseru-iz-bashkirii-vystoyat-na-svo-4288677