Башҡортостан Башлығы Бәләбәйҙә МХО-ла һәләк булған яугирҙәрҙең ғаиләләре менән осрашты » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Үҙебеҙҙекеләрҙе ташламайбыҙ » Башҡортостан Башлығы Бәләбәйҙә МХО-ла һәләк булған яугирҙәрҙең ғаиләләре менән осрашты

Башҡортостан Башлығы Бәләбәйҙә МХО-ла һәләк булған яугирҙәрҙең ғаиләләре менән осрашты 14.05.2025 // Үҙебеҙҙекеләрҙе ташламайбыҙ

Фото: Башҡортостан Башлығының матбуғат хеҙмәте

Башҡортостан Башлығы Бәләбәйҙә МХО-ла һәләк булған яугирҙәрҙең ғаиләләре менән осрашты

14 майҙа Бәләбәйҙә Башҡортостан Башлығы Радий Хәбиров һәләк булған махсус хәрби операцияла ҡатнашыусылар Иван Рычагов, Ринат Сәфәрғәлиев, Павел Селиверстов, Андрей Сулмаков, Сергей Телегин, Сергей Чернятьев һәм Александр Шульганың ғаиләләре менән осрашты.

Республика етәксеһе хәрби хеҙмәткәрҙәрҙең ата-әсәләре, хәләл ефеттәренең ҡайғыһын уртаҡлашты һәм уларға яугирҙәр хәрби бурыстарын үтәгәндә күрһәткән ҡаһарманлығы өсөн үлгәндән һуң лайыҡ булған генерал Шайморатов орденын тапшырҙы.

– Егеттәр Тыуған иле өсөн ғүмерен бирҙе. Уларҙың һәр береһе аҙаҡҡаса үҙ бурысын намыҫ менән үтәне. Улар – беҙҙең геройҙар, – тине Радий Хәбиров. – Һеҙ ысын ир-егеттәр, патриоттар, Ватанды һаҡлаусылар тәрбиәләгәнһегеҙ. Беҙҙең уртаҡ бурыс – уларҙы онотмау, ата-әсәләре, ғаиләләре һәм балалары тураһында хәстәрлек күреү.

Һәләк булған яуирҙәрҙең ғаиләләре теләһә ҡайһы ваҡытта үҙҙәренең үтенесе менән урындағы хакимиәткә мөрәжәғәт итергә мөмкин, унда уларға мотлаҡ ярҙам күрһәтерҙәр, тип билдәләне республика етәксеһе. Радий Хәбиров МХО-ла ҡатнашыусыларҙың ғаилә ағзаларына ярҙам саралары ғәмәлдә булыуын иҫкә төшөрҙө.

Башҡортостан Башлығы МХО-ла һәләк булған хәрбиҙәрҙең хәтерен мәңгеләштереү, шулай уҡ уларҙың ата-әсәләрен дауалау һәм һауыҡтырыу буйынса саралар күреүгә айырыуса иғтибар бүлде. Осрашыу аҙағында Радий Хәбиров ғаиләләрҙе үтеп киткән Еңеү көнө менән ҡотланы.

https://www.bashinform.ru/news/svo/2025-05-14/glava-bashkirii-vstretilsya-v-belebee-s-semyami-pogibshih-uchastnikov-svo-4234128