Башҡортостан танкистары фронтовиктарҙы Еңеү көнө менән ҡотланы » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Үҙебеҙҙекеләрҙе ташламайбыҙ » Башҡортостан танкистары фронтовиктарҙы Еңеү көнө менән ҡотланы

Башҡортостан танкистары фронтовиктарҙы Еңеү көнө менән ҡотланы 07.05.2025 // Үҙебеҙҙекеләрҙе ташламайбыҙ

Башҡортостан танкистары фронтовиктарҙы Еңеү көнө менән ҡотланы

«Башҡортостан» мотоуҡсылар полкы хәрбиҙәре Бөйөк Ватан һуғышы ветерандарын Бөйөк Еңеүҙең 80 йыллығы менән ҡотланы.

Сергей Зорин исемендәге танк батальоны яугирҙәре махсус хәрби операция биләмәһенән фронтовиктарға һәм тыл эшсәндәренә сәләмләү һүҙҙәре менән мөрәжәғәт итте.

«Ҡәҙерле ветерандарыбыҙ! «Башҡортостан» 31-се полкының Сергей Зорин исемендәге танк батальоны исеменән һеҙҙе ошо бөйөк, мөһим байрам менән ҡотлайбыҙ. Һеҙгә мөхәббәт, ныҡлы һаулыҡ һәм бәхет теләйбеҙ. Үҙегеҙҙе һаҡлағыҙ. Ҡаһарманлығығыҙ алдында түбәнселек менән баш эйәбеҙ. Еңеү беҙҙең яҡта булыр», — тип танкистарҙың һүҙҙәрен килтерә «Башҡортостан Ватан яугирҙәре ғаиләләре комитеты» телеграм-каналы.

Бынан алдараҡ «Башинформ» Башҡортостан танкистарының алғы һыҙыҡтағы хеҙмәте хаҡында яҙғайны.

Хәтерегеҙгә төшөрәбеҙ, Оборона министрлығы менән контракт төҙөгән өсөн бер юлы ике миллион һум аҡса бирелә, шулай уҡ ай һайын 210 мең һумдан башланған эш хаҡы түләнә. Бынан тыш, республикала 40-тан ашыу ярҙам сараһы ғәмәлдә. 2024 йылда уларҙы ғәмәлгә ашырыу өсөн республика бюджетынан 13,5 миллиард һум аҡса йүнәлтелгән. Тулыраҡ башбат.рф сайтында.

https://www.bashinform.ru/news/svo/2025-05-07/tankisty-iz-bashkirii-pozdravili-frontovikov-s-dnyom-pobedy-4226160

Автор: Эдуард Ҡусҡарбәков / Источник

Баҫып сығарырға