Республикала МХО-ла ҡатнашыусыларҙы реабилитациялау үҙәге өсөн аҡса табылды

Башҡортостан гәзите » Үҙебеҙҙекеләрҙе ташламайбыҙ » Республикала МХО-ла ҡатнашыусыларҙы реабилитациялау үҙәге өсөн аҡса табылды

Республикала МХО-ла ҡатнашыусыларҙы реабилитациялау үҙәге өсөн аҡса табылды 02.04.2025 // Үҙебеҙҙекеләрҙе ташламайбыҙ

Республикала МХО-ла ҡатнашыусыларҙы реабилитациялау үҙәге өсөн аҡса табылды

Башҡортостан Башлығы Радий Хәбиров Өфөнөң «Йәшел сауҡалыҡ» шифаханаһын МХО-ла ҡатнашыусылар өсөн реабилитация үҙәге итеп үҙгәртергә финанслау сығанағы табыуҙары тураһында белдерҙе. Уның һүҙҙәренсә, эштәр 50 миллион һумға баһалана.

Республика етәксеһе бөгөн үк реабилитация үҙәген әҙерләү тураһында бойороҡтарға ҡул ҡуйырға ҡушты.

«Аҡса таптым, ремонт эштәренә тотоноғоҙ. Киләһе дүшәмбегә тиклем тулы юл картаһын көтәм. Уны өс-дүрт айҙан асырға кәрәктер тип уйлайым. Тимәк, яугирҙәрҙең ҡайтыуына беҙҙә әҙер, заман талаптарына ярашлы үҙәк булырға тейеш. Был йәһәттән ныҡ ҡына кәңәшләшеү мөһим, әгәр ҡайҙалыр шундай үҙәктәр булһа. Сөнки һуғыш яраларының үҙ спецификаһы бар, шулай уҡ ҡорамалдар талап ителә. Иң мөһимен мин хәл иттем. Ҡатмарлы шарттарҙа бының өсөн аҡса таптым», – тип билдәләне Радий Хәбиров.

Башинформ хәбәр иткәнсә, реабилитация үҙәген асыу шифахана эшенә бер нисек тә йоғонто яһамай. Әлеге ваҡытта унда ял итеүселәрҙе ҡабул итеү өсөн дөйөм майҙандарҙың 25% ғына ҡулланыла. Ҡалған 75% яугирҙәрҙе реабилитациялау һәм тергеҙеү өсөн тәғәйенләнә.

https://www.bashinform.ru/news/svo/2025-04-02/v-bashkirii-nashli-dengi-dlya-reabilitatsionnogo-tsentra-uchastnikov-svo-4180829

Автор: Ләйсән Закирова
Источник: https://bash.bashinform.ru/news/svo/2025-04-02/respublikala-mho-la-atnashyusylar-y-reabilitatsiyalau-ge-s-n-a-sa-tabyldy-4181012

Баҫып сығарырға