Башҡортостан яугире «Батырлыҡ өсөн» миҙалы менән бүләкләнде

Баҡалы районы егете Руслан 2024 йылдың июнендә махсус хәрби операцияла ҡатнашыу өсөн оборона министрлығы менән контрактҡа ҡул ҡуйған, сентябрҙә яраланған, ноябрҙә иһә уны юғары дәүләт наградаһына — «Батырлыҡ өсөн» миҙалына тәҡдим иткәндәр.

Баҡалы районы хакимиәте башлығы Олег Ефимов социаль селтәрҙәге сәхифәһендә ҡыйыу яҡташы тураһында яҙа.

Руслан алғы һыҙыҡта еңел транспортёрҙа – баггиҙа йөрөй, яралыларҙы ташый, аҙыҡ-түлек, медикаменттар, хәрби комплекттар килтерә.

Алыштарҙың береһендә Руслан яраланған. Заданиены уңышлы үтәгәндән һуң позицияға ҡайтып килгән яугирҙәрҙең автомобиленә ВСУ дроны төшкән.

«Команданың аныҡ эше паникаға бирелмәҫкә, ваҡытында йәшенергә һәм ғүмерҙәрен һаҡлап ҡалырға ярҙам итте. Яҡташыбыҙ ошо ҡаһарманлығы өсөн наградаға тәҡдим ителде, 2024 йылдың ноябрендә батальон командиры уға «Батырлыҡ өсөн» миҙалын тапшырҙы», — тип яҙа Олег Ефимов. — Яҡташтарыбыҙ бына шундай. Ябай ғына егеттәр ҡатмарлы эш башҡара –граждандарыбыҙҙы һәм Ватаныбыҙҙы һаҡлай. Уларҙың иҫән-һау һәм Еңеү менән әйләнеп ҡайтыуҙарын түҙемһеҙләнеп көтәбеҙ!»

Башҡортостанда йәшәүселәр ил хәрби ведомствоһының 117, Ситуация үҙәгенең 122 йәки (347) 218-19-19 номерҙары буйынса, шулай уҡ «Минең документтарым» күп функциялы үҙәк офистарында ҡыҙыҡһындырған һорауҙарын бирә ала. Һайлап алыу пунктының номеры (347) 248-29-31.

https://www.bashinform.ru/news/svo/2025-01-28/uchastnik-svo-iz-bashkirii-nagrazhdyon-medalyu-za-otvagu-4098800