Башҡортостан Президенты Рөстәм Хәмитов үҙенең бойороғо менән Олег Матыцинды Башҡортостан Республикаһының Рәсәй Федерацияһы Президенты ҡарамағындағы Тулы хоҡуҡлы вәкил урынбаҫары итеп тәғәйенләне.

Матыцин Олег Юрьевич 1970 йылда Мәскәү өлкәһенең Ступино ҡалаһында тыуған. К.Э. Циолковский исемендәге Рәсәй дәүләт технология университетын, Рәсәй Президенты ҡарамағындағы Рәсәй дәүләт хеҙмәте академияһын тамамлаған. Хеҙмәт эшмәкәрлеген 1988 йылда “Мосэнерго”ның 17-се ТЭЦ-ында башлай, 2011 йылдан әлегә тиклем Башҡортостандың Рәсәй Президенты ҡарамағындағы Тулы хоҡуҡлы вәкиллегендә халыҡ-ара һәм иҡтисади бәйләнештәрҙе көйләү бүлеге начальнигы булып эшләне.

* * *
Башҡортостан Президенты Указы менән республиканың Рәсәй Президенты ҡарамағындағы Тулы хоҡуҡлы вәкиле урынбаҫары Олег Матыцин Башҡортостандың Рәсәй Президенты ҡарамағындағы Тулы хоҡуҡлы вәкиле вазифаһын башҡарыусы — республика Хөкүмәте Премьер-министры урынбаҫары итеп тәғәйенләнде.

* * *
Башҡортостан Президенты бойороғо менән Рөстәм Вилданов Башҡортостандың Рәсәй Президенты ҡарамағындағы Тулы хоҡуҡлы вәкиленең беренсе урынбаҫары итеп тәғәйенләнде.