1 ноябрҙә республиканың 23 муниципаль районында урындағы Советтарҙың ойоштороу ултырыштары үтте.

Архангел районында Совет рәйесе итеп үҙәк район дауаханаһының баш табибы булған Әбүбәкерова Суфия Фидаил ҡыҙы һайланды. Баймаҡ районында “Баймакский вестник” гәзите мөхәррире булып эшләгән Сәйғәфәрова Динара Юрис ҡыҙы Совет рәйесе итеп һайланды. Баҡалы районында Совет рәйесе итеп “Баҡалыводстрой” йәмғиәтенә етәкселек иткән Булдаков Виталий Геннадьевич һайланды, хакимиәт башлығы вәкәләттәре тамамланыуға бәйле. әлегә тиклем хакимиәткә етәкселек иткән Андреев Александр Георгиевич башлыҡ вазифаһын башҡарыусы итеп тәғәйенләнде. Балтас районында Совет рәйесе итеп “Луч” яуаплылығы сикләнгән йәмғиәтенә етәкселек иткән Арыҫланов Фирдинант Нәзиф улы һайланды, әлегә тиклем хакимиәткә етәкселек иткән Ғәлләмов Рәфил Әмин улы, башлыҡ вәкәләттәре ваҡыты үтеүгә бәйле, муниципаль район хакимиәте башлығы вазифаһын башҡарыусы итеп тәғәйенләнде. Бәләбәй районында Совет рәйесе итеп “Керамика” йәмғиәтенең генераль директоры булған Ғөбәев Сәлим Сәрүәр улы һайланды, әлегә тиклем хакимиәткә етәкселек иткән Мурмилов Юрий Александрович, башлыҡ вәкәләттәре ваҡыты үтеүгә бәйле, район хакимиәте башлығы вазифаһын башҡарыусы итеп тәғәйенләнде. Борай районында Совет рәйесе итеп “Башкиравтодор” йәмғиәте филиалы — Борай юл ремонт-төҙөлөш идаралығы начальнигы булған Вәлшин Рәмил Закир улы һайланды, хакимиәткә етәкселек иткән Нурисламов Борис Шәрәфғәле улы, хакимиәт башлығы вәкәләттәре тамамланыуға бәйле, Борай районы хакимиәте башлығы вазифаһын башҡарыусы итеп тәғәйенләнде. Бөрйән районында элемтә идаралығына етәкселек иткән Кинйәбаев Тәлғәт Талха улы, Ғафури районында ветеринария станцияһына етәкселек иткән Зәйнетдинов Фаил Һиҙиәт улы, Йылайыр районында — 80-се Юлдыбай профессиональ лицейы директоры булған Нәҙерғолов Ғәлей Яхъя улы, Иглин районында “Иглин” идарасы компанияһына етәкселек иткән Мырҙабәков Харис Таймас улы Совет рәйесе итеп һайланды. Илеш районында Совет рәйесе итеп “Иштау” йәмғиәте директоры булған Уҙаманов Хәмит Ғәбит улы һайланды, район хакимиәте башлығы вәкәләттәре тамамланыуға бәйле, әлегә тиклем хакимиәткә етәкселек иткән Мостафин Илдар Иршат улы Илеш районы хакимиәте башлығы вазифаһын башҡарыусы итеп тәғәйенләнде. Ҡырмыҫҡалы районында Рәсәй Пенсия фондының Ҡырмыҫҡалы районындағы идаралығы начальнигы булып эшләгән Ҡотлоева Зөлфиә Хәмит ҡыҙы, Ҡыйғы районында 115-се профессиональ училище директоры булған Ҡотдосов Раян Һиҙиәт улы Совет рәйесе итеп һайланды. Краснокама районында Кама элеваторына етәкселек иткән Ситдиҡов Хәмит Миңлейәр улы Совет рәйесе итеп һайланды, хакимиәт башлығы вәкәләттәре тамамланыуға бәйле әлегә тиклем район хакимиәте башлығы булған Ғилмуллин Рәзиф Мөхәмәтнур улы башлыҡ вазифаһын башҡарыусы итеп тәғәйенләнде. Мәсетле районында Совет рәйесе итеп “Йондоҙ” йәмғиәтенә етәкселек иткән Латипов Юрис Хәйҙәр улы һайланды. Мишкә районында Совет рәйесе итеп 150-се профессиональ училище директоры булған Байбулатов Валерий Тимерғәле улы һайланды, район хакимиәте башлығы вәкәләттәре ваҡыты үтеүгә бәйле әлегә тиклем хакимиәткә етәкселек иткән Андреев Виталий Михайлович муниципаль район хакимиәте башлығы вазифаһын башҡарыусы итеп тәғәйенләнде. Нуриман районында Совет рәйесе итеп үҙәк район дауаханаһының баш табибы булып эшләгән Әхтәмов Илшат Ғилуан улы һайланды, башлыҡ вәкәләттәре тамамланыуға бәйле әлегә тиклем Нуриман районы хакимиәте башлығы булған Носратуллин Азамат Ризуан улы хакимиәт башлығы вазифаһын башҡарыусы итеп тәғәйенләнде. Туймазы районында Совет рәйесе итеп әлегә тиклем 3-сө төҙөлөш фирмаһының генераль директоры булған Миңлебаев Илфир Ғоссам улы һайланды, район хакимиәте башлығы вәкәләттәре тамамланыуға бәйле әлегә тиклем хакимиәткә етәкселек иткән Хәйруллин Рәшит Хөснулла улы башлыҡ вазифаһын башҡарыусы итеп тәғәйенләнде. Өфө районында Совет рәйесе итеп “Шемәк” йәмғиәтенең генераль директоры булып эшләгән Рәхмәтуллин Фәрит Абзалетдин улы һайланды. Федоровка районында Совет рәйесе итеп “Монтажсервис” йәмғиәтенә етәкселек иткән Фадеев Алексей Петрович һайланды, хакимиәт башлығы вәкәләттәре ваҡыты үтеүгә бәйле, әлегә тиклем район хакимиәтенә етәкселек иткән Ишмөхәмәтов Радик Ғилметдин улы муниципаль район хакимиәте башлығы вазифаһын башҡарыусы итеп тәғәйенләнде. Хәйбулла районында “Хәйбулла” йәмғиәтенә етәкселек иткән Суходолов Вячеслав Иванович Совет рәйесе итеп һайланды. Шишмә районында Совет рәйесе итеп “Башкиравтодор” йәмғиәте филиалы — Шишмә юл ремонт-төҙөлөш идаралығына етәкселек иткән Бикмәев Хәлил Хәлит улы һайланды, башлыҡ вәкәләттәре ваҡыты тамамланыуға бәйле, әлегә тиклем хакимиәт башлығы булған Уразмәтов Флүр Зиннур улы Шишмә районы хакимиәте башлығы вазифаһын башҡарыусы итеп тәғәйенләнде. Яңауыл районында Совет рәйесе итеп Яңауыл урмансылығына етәкселек иткән Беспалов Юрий Владимирович һайланды, хакимиәткә етәкселек иткән Вәзиғәтов Илшат Әғзәм улы, башлыҡ вәкәләттәре тамамланыуға бәйле, муниципаль район хакимиәте башлығы вазифаһын башҡарыусы итеп тәғәйенләнде.