Александр Голуб Рәсәй гвардияһының Башҡортостан буйынса идаралығы етәксеһе итеп тәғәйенләнде » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Сәйәсәт » Александр Голуб Рәсәй гвардияһының Башҡортостан буйынса идаралығы етәксеһе итеп тәғәйенләнде

Александр Голуб Рәсәй гвардияһының Башҡортостан буйынса идаралығы етәксеһе итеп тәғәйенләнде 20.02.2026 // Сәйәсәт

Республика Башлығы Радий Хәбиров 20 февралдә Рәсәй гвардияһы Башҡортостан буйынса идаралығының яңы начальнигы менән осрашты.

Фото: Башҡортостан Башлығының матбуғат хеҙмәте / Башҡортостан Башлығы сайты

Радий Хәбиров Александр Голубты яңы вазифаға тәғәйенләнеүе менән ҡотланы һәм эшендә уңыштар теләне.

«Рәсәй гвардияһының Башҡортостан буйынса идаралығы менән үҙ-ара мөнәсәбәттәр яйға һалынған. Артабан да уртаҡ мәсьәләләрҙе хәл итербеҙ. Беҙ ведомствоның махсус хәрби операция бурыстарын үтәгән яугирҙәрен экипировка менән тәьмин итеүҙә ярҙам күрһәттек. Был эште дауам итербеҙ», — тип билдәләне республика етәксеһе.

Александр Голуб күрһәтелгән ышаныс өсөн рәхмәт белдерҙе һәм республикала именлекте тәьмин итеү өсөн бар көсөн һаласағын һыҙыҡ өҫтөнә алды.

«Башҡортостанда Рәсәй гвардияһы республика етәкселеге, хоҡуҡ һаҡлау органдары һәм федераль башҡарма власть органдары менән үҙ-ара килешеп, һәр ваҡыт үҙенә йөкмәтелгән бурысты лайыҡлы үтәне һәм үтәй», — тине Александр Голуб.

Фото: Башҡортостан Башлығының матбуғат хеҙмәте / Башҡортостан Башлығы сайты

Белешмә. Александр Станиславович Голуб 1970 йылдың 5 ноябрендә Өфөлә тыуған. Өфө авиация институтын тамамлаған. 1992 йылдың сентябренән Башҡортостан Эске эштәр министрлығында төрлө вазифаларҙа эшләй. 2016 йылдың октябренән Рәсәй гвардияһында. 2023 йылдың декабренән Марий Эл Республикаһы буйынса Росгвардия идаралығы етәксеһе вазифаһын башҡара.

https://www.bashinform.ru/news/politics/2026-02-20/upravlenie-rosgvardii-po-bashkortostanu-vozglavil-aleksandr-golub-4586539

Автор: Ксения Калинина / Источник

Баҫып сығарырға