Республика йортонда Башҡортостан Башлығы вазифаһын ваҡытлыса башҡарыусы Радий Хәбиров террорсылыҡҡа ҡаршы комиссия ултырышын үткәрҙе. Ул мәғариф ойошмаларының хәүефһеҙлеген тәьмин итеүгә арналды. Башҡортостандағы белем биреү объекттарын һаҡлау ултырышта тикшерелгән төп мәсьәләләрҙең береһенә әүерелде.

Төбәк етәксеһе әйтеүенсә, мәғариф объекттарын тикшереү барышында асыҡланған етешһеҙлектәрҙең барыһы ла ваҡытында төҙәтелергә тейеш. Ул ошондай ойошмаларҙың ҡайһы берҙәрендә видеокүҙәтеү камераларының булмауына иғтибарҙы йүнәлтте.

– Әле белем биреү учреждениеларының өстән бер өлөшөндә, йәғни меңдән ашыуында, видеокүҙәтеү системаһы юҡ. Һуңғы биш йылда уҡыу өсөн хәүефһеҙ шарттар тыуҙырыуға бөтә кимәлдәге бюджеттарҙан 1,5 миллиард һумға яҡын аҡса бүленгән. Быйыл тағы ла 116 миллион һум йүнәлтеү күҙаллана. Әммә әлегә был да етмәй, – тине төбәк башлығы вазифаһын башҡарыусы.

Радий Хәбиров мәғариф учреждениелары етәкселәренә өҫтәмә хәүефһеҙлек сараһын күрергә, ойошмаларға инеү тәртибе талаптарын көсәйтергә, персоналға тәнҡит күҙлегенән баһа бирергә ҡушты. Республика Мәғариф министрлығына белем усаҡтарының хәүефһеҙлеген, һаҡлыҡ саралары менән тәьмин ителеүен тикшереү бурысы йөкмәтелде. 15 ғинуарҙа улар һөҙөмтәләр тураһында отчет тотасаҡ.

Ышаныс белдерелде

Илшат Тажетдинов
Башҡортостан Башлығы вазифаһын ваҡытлыса башҡарыусы Радий Хәбировтың Указы менән Илшат Тажетдинов Башҡорт­остан Республикаһы Хөкүмәте Премьер-министры урынбаҫары — Башҡортостан Хөкүмәте Аппараты етәксеһе вазифаһын башҡарыусы итеп тәғәйенләнде.
Республика Башлығы вазифаһын ваҡытлыса башҡарыусының икенсе Указы менән Илшат Тажетдинов үҙ теләге буйынса Башҡортостан Республикаһы Хөкүмәте Премьер-министры урынбаҫары — Башҡортостан Хөкүмәте Аппараты етәксеһе вазифаһынан бушатылды.
Тажетдинов Илшат Азамат улы 1969 йылдың 20 майында Баймаҡ районының Икенсе Этҡол ауылында тыуған. Башҡорт дәүләт университетын, Башҡортостан дәүләт хеҙмәте һәм идара итеү академияһын тамамлаған, иҡтисад фәндәре кандидаты, Рәсәй Федерацияһының атҡаҙанған иҡтисадсыһы, Башҡортостан Республикаһының атҡаҙанған иҡтисадсыһы. Салауат Юлаев ордены менән бүләкләнгән.


Илшат Фәзрахманов
Башҡортостан Республикаһы Башлығы вазифаһын ваҡытлыса башҡарыусы Радий Хәбировтың Указы менән Илшат Фәзрахманов Башҡортостан Республикаһы Хөкүмәте Премьер-министры урынбаҫары — Башҡорт­остандың ауыл хужалығы министры вазифаһын башҡарыусы итеп тәғәйенләнде.
Республика Башлығы вазифаһын ваҡыт­лыса башҡарыусының икенсе Указы менән Илшат Фәзрахманов үҙ теләге буйынса Башҡортостан Республикаһы Хөкүмәте Премьер-министры урынбаҫары — республика ауыл хужалығы министры вазифаһынан бушатылды.
Фәзрахманов Илшат Илдус улы 1977 йылдың 8 авгусында Әлшәй районының Торонтайыш ауылында тыуған. Башҡортостан дәүләт аграр университетын тамамлаған, иҡтисад фәндәре кандидаты.

Фәрхәд Самедов
Башҡортостан Республикаһы Башлығы вазифаһын ваҡытлыса башҡарыусы Радий Хәбировтың Указы менән Фәрхәд Самедов Башҡортостан Республикаһының Рәсәй Федерацияһы Президенты ҡарамағындағы тулы хоҡуҡлы вәкиле — Башҡортостан Хөкүмәте Премьер-министры урынбаҫары вазифаһын башҡарыусы итеп тәғәйенләнде.
Республика Башлығы вазифаһын ваҡытлыса башҡарыусының икенсе Указы менән Фәрхәд Самедов үҙ теләге буйынса Башҡортостан Республикаһының Рәсәй Федерацияһы Президенты ҡарамағындағы тулы хоҡуҡлы вәкиле — Башҡортостан Хөкүмәте Премьер-министры урынбаҫары вазифаһынан бушатылды.
Самедов Фәрхәд Астан улы 1959 йылдың 23 апрелендә Грузин ССР-ының Гардабани ҡалаһында тыуған. В.В. Куйбышев исемендәге Мәскәү инженерлыҡ-төҙөлөш институтын тамамлаған, техник фәндәр кандидаты. Рәсәй Федерацияһының почетлы химигы.

Олег Полстовалов
Башҡортостан Республикаһы Башлығы вазифаһын ваҡытлыса башҡарыусы Радий Хәбировтың Указы менән Олег Полстовалов Башҡортостан Республикаһының ер һәм мөлкәт мөнәсәбәттәре министры вазифаһын башҡарыусы итеп тәғәйенләнде.

Республика Башлығы вазифаһын ваҡытлыса башҡарыусының икенсе Указы менән Евгений Гурьев үҙ теләге буйынса Башҡортостан Республикаһы Хөкүмәте Премьер-министры урынбаҫары — Башҡортостан ер һәм мөлкәт мөнәсәбәттәре министры вазифаһынан бушатылды.
Полстовалов Олег Владимирович 1974 йылдың 8 сентябрендә Өфөлә тыуған. Башҡорт дәүләт университетын тамамлаған, юридик фәндәр докторы.

Хеҙмәт эшмәкәрлеген 1996 йылда БДУ-ның криминалистика һәм суд экспертизалары кафедраһында стажер булып башлай. Төрлө йылдарҙа университетта ассистент, өлкән уҡытыусы, кафедра доценты, Хоҡуҡ институтында директор урынбаҫары, ошо институт директоры була. 2012—2014 йылдарҙа Башҡортостан дәүләт хеҙмәте һәм идара итеү академияһы профессоры, кафедра мөдире. 2017—2018 йылдарҙа Мәскәү өлкәһенең Красногорск ҡала округы хакимиәтендә хоҡуҡ идаралығы начальнигы булып эшләй.

Юрий Мельников
Башҡортостан Республикаһы Башлығы вазифаһын ваҡытлыса башҡарыусы Радий Хәбировтың Указы менән республика ғаилә, хеҙмәт һәм халыҡты социаль яҡлау министры вазифаһын башҡарыу республика ғаилә, хеҙмәт һәм халыҡты социаль яҡлау министрының беренсе урынбаҫары Юрий Мельниковҡа йөкмәтелде.

Республика Башлығы вазифаһын ваҡытлыса башҡарыусының икенсе Указы менән Ленара Иванова, икенсе эшкә күсеү сәбәпле, республика ғаилә, хеҙмәт һәм халыҡты социаль яҡлау министры вазифаһынан бушатылды.