Башҡортостанда «Аҡ йылға» типографияһы закондар сығарыу йыйылышы депутаттарын һайлауҙа тауыш биреү бюллетендәрен баҫа башланы. Берҙәм республика округы өсөн 3 059 787 һәм бер мандатлы округтар өсөн дә шунса бланк әҙерләнә, тип асыҡлыҡ индерҙеләр республиканың Үҙәк һайлау комиссияһында.

Йәрәбәгә ярашлы, берҙәм округ буйынса тауыш биреү өсөн бланкта партияларҙың исемдәре һәм эмблемалары түбәндәгесә:

1. «Берҙәм Рәсәй» Бөтә Рәсәй сәйәси партияһының Башҡортостан төбәк бүлексәһе.

2. Ғәҙел Рәсәй сәйәси партияһының Башҡортостан Республикаһындағы төбәк бүлексәһе.

3. «Рәсәй патриоттары» сәйәси партияһының Башҡортостан төбәк бүлексәһе.

4. «Рәсәйҙең «Йәшелдәр» экологик партияһы» сәйәси партияһының Башҡортостан төбәк бүлексәһе.

5. ЛДПР сәйәси партияһының Башҡортостан төбәк бүлексәһе.

6. «Рәсәй Федерацияһының Коммунистар партияһы» сәйәси партияһының Башҡортостан бүлексәһе.

Территориаль комиссияларҙың ғаризаһы буйынса бюллетендәр рус, рус-башҡорт һәм рус-татар телдәрендә баҫыла.

Берҙәм республика округы буйынса бюллетендә түбәндәге мәғлүмәт урынлаштырыла:

— кандидаттар исемлеген теркәгән һайлау берекмәһенең исеме;

— ошо һайлау берекмәһе күрһәткән кандидаттар исемлегенең дөйөм республика өлөшөнә индерелгән кандидаттарҙың фамилияһы, исеме, атаһының исеме;

— кандидаттар исемлегенең төбәк төркөмө номеры һәм исеме;

— ошо төбәк төркөмөнә индерелгән кандидаттарҙың фамилияһы, исеме, атаһының исеме.

Теркәлгән кандидаттың алынмаған хөкөм ителгәнлеге булһа, һайлау бюллетененә ошо хаҡта мәғлүмәттәр индерелә.