2014 ЙЫЛ, 18 июнь № 71/3-5
Өфө



Һайлау тураһындағы Башҡортостан Республикаһы кодексының 20-се статьяһындағы 9-сы өлөшкә, 47-се статьяһындағы 15, 18-се өлөштәргә, 95.3-сө статьяһындағы 7 – 9-сы өлөштәргә ярашлы, Рәсәй Федерацияһы Үҙәк һайлау комиссияһының 2013 йылдың 18 апрелендәге “Муниципаль берәмек башлыҡтары һәм вәкиллекле органдар депутаттары тураһындағы мәғлүмәттәрҙе индереү, Рәсәй Федерацияһы субъектының юғары вазифалы кешеһе (Рәсәй Федерацияһы субъектындағы дәүләт власының юғары башҡарма органы етәксеһе) вазифаһына кандидатты күрһәтеү өсөн ҡултамғалары йыйылырға тейешле кешеләр һанын (абсолют сағылышта), шулай уҡ Рәсәй Федерацияһы субъектының кандидаттың күрһәтелеүе хупланырға тейешле муниципаль райондары һәм ҡала округтары, федераль әһәмиәттәге ҡаланың муниципаль берәмектәре һанын билдәләү менән бәйле бурыстарҙы тормошҡа ашырыу өсөн Рәсәй Федерацияһының “Һайлау” автоматлаштырылған дәүләт системаһын ҡулланыу регламенты тураһында”ғы 171/1235-6-сы ҡарарын эштә ҡулланма итеп алып, Рәсәй Федерацияһы Юстиция министрлығының Башҡортостан Республикаһы буйынса идаралығы, Башҡортостан Республикаһының муниципаль райондары һәм ҡала округтары башлыҡтары тарафынан Башҡортостан Республикаһының Үҙәк һайлау комиссияһына тәҡдим ителгән Башҡортостан Республикаһындағы муниципаль берәмектәрҙең вәкиллекле органдары депутаттары һаны тураһындағы мәғлүмәттәр нигеҙендә Башҡортостан Республикаһының Үҙәк һайлау комиссияһы ҡарар итә:
1. Башҡортостан Республикаһы Президенты вазифаһына кандидатты күрһәтеүҙе хуплап Башҡортостан Республикаһындағы муниципаль берәмектәрҙең вәкиллекле органдарынан 457 депутаттың ҡултамғаһы йыйылырға тейеш, тип билдәләргә.
2. Ошо ҡарарҙың 1-се пунктында күрһәтелгән депутаттарҙың ҡултамғалары иҫәбендә Башҡортостан Республикаһындағы муниципаль райондарҙың һәм ҡала округтарының вәкиллекле органдарындағы 57 депутаттың ҡултамғаһы булырға тейеш.
3. Башҡортостан Республикаһының Үҙәк һайлау комиссияһына тәҡдим ителгән ҡултамғалар һаны артыҡ була ала, тип билдәләргә:
— ошо ҡарарҙың 1-се пунктында күрһәтелгән ҡултамғалар һанынан, әммә ул Башҡортостан Республикаһындағы муниципаль берәмектәрҙең вәкиллекле органдарындағы 22 депутат ҡултамғаһынан артмаҫҡа тейеш;
— ошо ҡарарҙың 2-се пунктында күрһәтелгән ҡултамғалар һанынан, әммә ул Башҡортостан Республикаһындағы муниципаль райондарҙың һәм ҡала округтарының вәкиллекле органдарындағы ике депутат ҡултамғаһынан артмаҫҡа тейеш.
4. Башҡортостан Республикаһы Президенты вазифаһына кандидат Башҡортостан Республикаһының кәмендә 48 муниципаль районындағы һәм ҡала округындағы вәкиллекле органдар депутаттары тарафынан хупланырға тейеш, тип билдәләргә.
5. Ошо ҡарарҙы, 2014 йылдың 20 июненән дә һуңға ҡалмайынса, “Республика Башкортостан”, “Башҡортостан”, “Кызыл таң” гәзиттәрендә баҫтырып сығарырға һәм Башҡортостан Республикаһы Үҙәк һайлау комиссияһының сайтында урынлаштырырға.
6. Ошо ҡарарҙың үтәлешенә контролде Башҡортостан Республикаһының Үҙәк һайлау комиссияһы секретары М.Б. Долматоваға йөкмәтергә.