Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Украина инҡилап көҫәй
Украинала сәйәси көсөргәнештең артыуы, Грузия менән Молдавияның Европа союзы ассоциацияһы менән килешеү төҙөргә ынтылыуы иғтибар үҙәгендә булды.

Янукович хәлде ҡатмарлаштырҙы

29 ноябрҙә Вильнюс ҡалаһында Европа союзының “Көнсығыш партнерҙар” проектында ҡатнашыусы ил етәкселәре саммиты тамамланды. Унда Украина ЕС ассоциацияһы килешеүенә ҡул ҡуйырға тейеш ине, әммә 21 ноябрҙә Виктор Янукович кинәт кенә был уйынан дүнде һәм Рәсәй менән мөнәсәбәттәрҙе яҡшыртырға кәрәклеген белдерҙе. Президенттың ЕС-тан баш тартып, Рәсәйгә табан йөҙ бороуы оппозицияға урам сыуалыштары ойоштороу өсөн сәбәп кенә булды. Киев, Харьков, Львов ҡалаларында, меңәрләгән кеше урамға сығып, ризаһыҙлыҡ акцияһы ойошторҙо.
30 ноябрҙә Киев ҡалаһында митингка сыҡҡан халыҡты милицияның “Беркут” махсус отряды көс ҡулланып ҡыуып таратырға маташты. Һөҙөмтәлә ике яҡтан да байтаҡ кеше төрлө тән йәрәхәттәре алып дауаханаға эләкте. Ошо ваҡиғанан һуң тыныс демонстрациялар көс ҡулланыу менән алышынды. Инде тынысланып бөттөк тигәндә, халыҡ йәнә майҙанға сығып, төрлө тәртипһеҙлектәр ҡыла башланы. Киевҡа Львов ҡалаһынан 10 мең тирәһе “революционер” ярҙамға килеп етеп, барлығы 400 мең самаһы кеше урам сыуалыштарында ҡатнашты. Улар президенттың һәм хөкүмәттең отставкаһын талап итә.
Эйе, Украина бөгөн яңы революция алдында тора. Януковичтың хәле ҡыл өҫтөндә тиһәң дә була, сөнки уны үҙ партиялаштары “һатты”. Юғары Радалағы Төбәк партияһының өс депутаты был фракциянан сығыуы хаҡында белдерҙе, тағы ла егермеләп депутат президент командаһын ташлап китмәксе. Был инде Янукович өсөн арҡаға хәнйәр ҡаҙауға бәрәбәр, сөнки ағзалар кәмегән осраҡта Юғары Радала Төбәк партияһы күпселеккә өмөт итә алмай. Оппозиция партиялары берләшеп, Николай Азаровҡа һәм Виктор Януковичҡа ышанмаусанлыҡ белдереүе ихтимал. Йәғни оппозиция өсөн ғәмәлдәге етәкселәрҙе законлы рәүештә властан алып ташларға мөмкинлек тыуа.
Бына шулай, Януковичтың ЕС ассоциацияһы менән килешеү төҙөүҙән баш тартыуы уның үҙе өсөн бик ҡиммәткә төшмәксе. Вильнюстағы саммитҡа килгәндә, унда Януковичты төрлө яҡлап ҡыҫымға алып ҡаранылар. Литва президенты Даля Грибаускайте ханым — сәйәси ҡурҡаҡлыҡта, Германия канцлеры Ангела Меркель Рәсәй ҡыҫымына ҡаршы тора алмауҙа ғәйепләне уны. Йәнәһе, Украинаның ЕС ассоциацияһы менән килешеүҙән баш тартыуында Рәсәйҙең йоғонтоһо ныҡ көслө булған. Рәсми Брюссель Украина менән килешеү төҙөй алмаһа ла, көнсығышҡа табан киңәйергә мөмкинлеге бар әле.

Молдавияны ниндәй яҙмыш көтә?

Саммит барышында Грузия һәм Молдавия менән килешеү төҙөү мөмкинлеге ҡаралды. Грузия Михаил Саакашвили осоронда уҡ ЕС менән килешеү төҙөргә уҡтала ине, яңы президенттары ла ошо юҫыҡта эште дауам итә һәм киләсәктә килешеү төҙөүгә өлгәшер, моғайын. Ә бына Молдавия менән хәл ҡатмарлыраҡ. Ни өсөн тигәндә, 2014 йылға илдә парламент һайлау тәғәйенләнгән. Оппозициялағы Коммунистар партияһының власҡа әйләнеп ҡайтыу ихтималлығы бар. Улар, еңеп сыға ҡалһа, илде Таможня союзына индереү өсөн көрәшәсәк. Ә ЕС менән килешеү төҙөүҙе Украина кеүек инҡар итеүҙәре бар.
Шуныһы ла иғтибарҙы йәлеп итә: Молдавияны айырым ил булараҡ донъя картаһынан һыҙып ташларға маташыусылар ҙа юҡ түгел. Мәҫәлән, Румыния президенты Траян Бэсеску: “Беҙ НАТО-ға ла, ЕС-ҡа ла ағза булып индек, хәҙер төп бурыс — румындарҙы берләштереү. Бының өсөн Молдавияны Румынияға ҡушырға кәрәк”, — тип сығыш яһаны. Румыния етәкселеге ошо йүнәлештә өгөт-нәсихәт алып бара, күрәһең.
1 декабрҙә Молдавияның баш ҡалаһы Кишиневта Румынияға ҡушылыу өсөн теләктәшлек акцияһы ойошторолдо. Илдең Либераль партияһы тарафынан үткәрелгән был сарала ике илде берләштереп, Бессарабияны тергеҙеүгә йүнәлтелгән лозунгтар урын алғайны. Траян Бэсеску, үҙенең президентлыҡ мөҙҙәте тамамланғандан һуң Молдавия гражданлығы алып, ике илде берләштереү эшен Кишиневта дауам итергә йыйына. Румыния иһә бөгөн НАТО менән ныҡлы хеҙмәттәшлек итә. Илдең көньяғында НАТО тарафынан ЕвроПРО системаһы урынлаштырыла башланы. 28 октябрҙә Девеселу эргәһендә АҠШ-тың ракета базаһы төҙөлөшөнә башланғыс һалынды. АҠШ етәкселеге ошондай уҡ базаларҙы 2018 йылға тиклем Польша биләмәһендә лә төҙөп бөтөрөүҙе маҡсат итеп ҡуя. Күренеүенсә, НАТО әкренләп булһа ла Рәсәйгә яҡынлай. Ә Молдавияға килгәндә, был ил Европаға табан ныҡлы йөҙ борған һәм уның ҡайтанан Рәсәй менән дуҫлашып китере икеле.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Китте... Икмәк, ит етештереүҙе хәстәрләп китте

Китте... Икмәк, ит етештереүҙе хәстәрләп китте 29.03.2019 // Сәйәсәт

Бөгөн Көйөргәҙе район Советы депутаттары хакимиәт башлығы Әхәт Ҡотләхмәтовтың отставкаһын ҡабул...

Тотош уҡырға 689

Медведевтан ярҙам көтәбеҙ

Медведевтан ярҙам көтәбеҙ 29.03.2019 // Сәйәсәт

Башҡортостан парламенты депутаттары социаль туҡланыу, айырыуса мәктәптәрҙә, балалар баҡсаларында...

Тотош уҡырға 650

Дәүләт-хоҡуҡ идаралығын кем етәкләй?

Дәүләт-хоҡуҡ идаралығын кем етәкләй? 28.03.2019 // Сәйәсәт

Башҡортостан Республикаһы Башлығының Дәүләт-хоҡуҡ идаралығы начальнигы итеп Азат Ғәлин...

Тотош уҡырға 640

Идаралыҡта – яңы етәксе

Идаралыҡта – яңы етәксе 28.03.2019 // Сәйәсәт

Искәндәр Әхмәтвәлиев Башҡортостан Башлығының Муниципаль берәмектәр менән эш итеү идаралығы...

Тотош уҡырға 691

Яңы вәкил тәғәйенләнде

Яңы вәкил тәғәйенләнде 28.03.2019 // Сәйәсәт

Башҡортостан Республикаһы Башлығының Дәүләт Йыйылышы – Ҡоролтайҙағы тулы хоҡуҡлы вәкиле итеп...

Тотош уҡырға 622

Хәйҙәр Вәлиев китте

Хәйҙәр Вәлиев китте 28.03.2019 // Сәйәсәт

Бөгөн Башҡортостандың Үҙәк һайлау комиссияһы рәйесе Хәйҙәр Вәлиев ваҡытынан алда вазифаһын бушатты....

Тотош уҡырға 669

Килешеү төҙөлдө

Килешеү төҙөлдө 28.03.2019 // Сәйәсәт

Бешкәктә Башҡортостан Республикаһы Хөкүмәте менән Ҡырғыҙ Республикаһы Хөкүмәте араһында...

Тотош уҡырға 628

Хәбиров, Байғусҡаров, Беляев... тағы кемдәр?

Хәбиров, Байғусҡаров, Беляев... тағы кемдәр? 27.03.2019 // Сәйәсәт

Бөгөн Башҡортостанда “Берҙәм Рәсәй” партияһынан республика Башлығы вазифаһына кандидатуралар тәҡдим...

Тотош уҡырға 680

Йөҙ меңенсе кем?

Йөҙ меңенсе кем? 27.03.2019 // Сәйәсәт

Учалы ҡалаһы “Таусы” хоккей клубының спорт директоры Айрат Нурғәлиевкә “Берҙәм Рәсәй”ҙең...

Тотош уҡырға 720

Киров районы 100 йыллыҡты билдәләне

Киров районы 100 йыллыҡты билдәләне 25.03.2019 // Сәйәсәт

Республикабыҙҙың 100 йыллыҡ юбилейы айҡанлы Башҡортостанда байрам саралары дауам итә....

Тотош уҡырға 706

“Берҙәм Рәсәй”ҙәр кандидат тәҡдим итә

“Берҙәм Рәсәй”ҙәр кандидат тәҡдим итә 25.03.2019 // Сәйәсәт

27 мартта “Берҙәм Рәсәй” партияһы Башҡортостан Республикаһы Башлығы вазифаһына кандидатура тәҡдим...

Тотош уҡырға 600

Республикабыҙ 278 Советтар Союзы Геройын үҫтергән

Республикабыҙ 278 Советтар Союзы Геройын үҫтергән 23.03.2019 // Сәйәсәт

Байрам уңайынан тантаналы йыйылыштағы сығышында Башҡортостан етәксеһе Радий Хәбиров бер быуатлыҡ...

Тотош уҡырға 657