Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Фатирлы булыуҙың ышаныслы юлы
“Жилстройсбережение” программаһында теләгән һәр кем ҡатнаша ала.

Фатир ҡиммәт, ипотеканың проценттары ҙур... Ә торлаҡ кәрәк. Айырыуса йәш ғаиләләргә. Әлбиттә, мөмкинлеге булғандар ипотека ала. Әммә бының өсөн ҡайҙандыр тәүге иғәнәне лә табыр кәрәк бит әле. Ошондай шарттарҙа “нисек фатирлы булырға?” тип баш ватҡандар өсөн бик яҡшы яңылыҡ бар. Хәҙер Башҡортостан кешеләре өсөн торлаҡ алыу еңеләйәсәк. Был йәһәттән ошоға тиклем эшләп килгән, әммә сикләнгән категорияға ғына унда ҡатнашыу мөмкинлеге булған “Жилстройсбережение” программаһы ярҙамға килә.

Әлеге программа республикала 2014 йылдан алып эшләй. Тик быға тиклем унда ҡатнашыу хоҡуғы торлаҡ шарттарын яҡшыртыуға мохтаж тип танылған күп балалы һәм 35 йәше тулмаған йәш ғаиләләрҙә генә бар ине. Ә быйыл 1 марттан төбәк етәксеһе Радий Хәбиров барлыҡ сикләүҙәрҙе лә алды, һәм хәҙер был программала теләгән һәр кем ҡатнаша ала.

Уның мәғәнәһен бер аҙ аңлатып үтәйек. Банкта махсус иҫәп асыла. Әйткәндәй, программала ике банк ҡатнаша: Һаҡлыҡ банкы һәм “Уралсиб”. Шулай итеп, иҫәп асаһығыҙ ҙа ай һайын унда 3 меңдән 10 мең һум­ға тиклем аҡса һалып бараһығыҙ. Республика һеҙҙең иғәнәнең сумма­һынан 30 процент тиклем күләмдә премия күсерә, ләкин өс мең һумдан артыҡ түгел. Аҡсаны 3-6 йыл йыйырға кәрәк. Өс йыл үткәс, йә уны алаһығыҙ, йә артабан йыйыуҙы дауам итәһегеҙ. Беренсе иғәнә өсөн аҡса йыйылып бөткәс, һеҙ торлаҡ йәки льготалы ипотека алырға хоҡуҡлы. Программала республикала даими йәшәгән, 18 йәштән өлкән булған бөтә кешеләр ҙә ҡатнаша ала.

Тәүге иғәнәлек аҡсағыҙ йыйылғас, программа сиктәрендә льготалы ставка менән ипотека алырға хоҡуғығыҙ бар. Уның ставкаһы – йылына 6-7 процент самаһы. Ставканың аныҡ күләме кредиттың ваҡытына һәм күләменә бәйле. Шул уҡ ваҡытта килешеүҙә теркәлгән процент ставкаһы кредитты ҡаплау осоронда үҙгәрмәйәсәк тигән гарантия бирелә. Программа шарттарына ярашлы, займдың максималь кимәле – 1,5 миллион һум, һәм ул туғыҙ йылға бирелә. Әгәр йыйылған аҡсағыҙ һәм льготалы ипотека һеҙ теләгән фатир өсөн етмәһә, банктарҙан баҙар ставкаһы буйынса икенсе кредит алып өҫтәү хоҡуғығыҙ бар.

Был аҡсаға фатир йәки бүлмә (шул иҫәптән икенсел) һатып алырға, өй һалырға йәки шәхси йорт өсөн ер участкаһы алырға мөмкин. Бында төп шарт – торлаҡ Башҡортостан би­ләмәһендә булырға тейеш. Әйткән­дәй, был аҡса менән хатта алдан алынған ипотеканы ла ҡапларға була.
Әгәр һеҙ бөтә сумманы йыйҙығыҙ йәки, мәҫәлән, иҫке фатирығыҙҙы һат­тығыҙ һәм башҡаса дәүләт ярҙа­мына мохтаж түгелһегеҙ икән, банкка хәбәр итеп, нимә теләйһегеҙ, шуны һатып ала алаһығыҙ. Программала ирле-ҡатынлылар ике ҡатнашыусы булараҡ теркәлә һәм бер фатир һатып ала. Ләкин һәр кем ай һайын 3-10 мең һум аҡса индерергә тейеш.

Әле республикала был программаны финанслауҙы 2,5 тапҡырға арт­ты­рырға йыйыналар. Унда ҡатна­шыусылар һаны 10-11 мең кешегә етәсәк, тип күҙаллана. Республика Хөкүмәте аппараты етәксеһе Илшат Тажетдинов белдереүенсә, быйыл республика бюджетынан программаны тормошҡа ашырыу өсөн 235 мил­лион һум аҡса бүленәсәк. Са­ғыш­тырыу өсөн: былтыр финанслау күләме 106 миллион һум тәшкил иткән.
Тәүге льготалы ипотека кредиттарын биреү 2017 йылда башлан­ғайны. Ошо ваҡыт эсендә 1300-ҙән ашыу ғаилә торлаҡ шарттарын яҡшыртыуға өлгәшкән. Бөгөн программала 4122 кеше ҡатнаша. Әлеге мәлдә республика Хөкүмәте кредит ойошмалары менән һөйләшеүҙәр алып бара һәм ставканы йылына 5-5,5 процентҡа тиклем төшөрөү мөмкинлеге ҡарала.

Башҡортостандың был торлаҡ баҙарын­дағы ыңғай тәжрибәһе илдең Төҙөлөш ми­нистрлығы тарафынан билдәләнде һәм уны Рәсәйҙең башҡа төбәктәрендә лә инде­рергә кәңәш ителде. “Жилстройсбережение” программаһы халыҡтың финанс аңлылығын күтәреү өсөн дә яҡшы мөмкинлек. Ғаилә оҙайлы ваҡытҡа дөрөҫ һәм аңлы итеп үҙенең финанс планын төҙөй ала.

Программала ҡатнашырға теләйһе­геҙме? Һорауҙарығыҙ ҡалдымы? Респуб­ликаның ипотека-туплау механизмдарын һәм программаларын үҫтереү дирек­цияһына +7 (347) 285-00-97 номеры буйынса шылтыратығыҙ.


Автор: Ә. ӘЙҮПОВА


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Әрмәнстанда яҡташыбыҙҙы ағыулы йылан саҡҡан

Әрмәнстанда яҡташыбыҙҙы ағыулы йылан саҡҡан 27.06.2025 // Йәмғиәт

Әрмәнстанда яҡташыбыҙ экскурсиянан һуң ауыр хәлдә реанимацияға оҙатылған. Турист әйтеүенсә, уны...

Тотош уҡырға 14

Бөгөндән Өфөлә түләүле парковкалар эшләй башланы

Бөгөндән Өфөлә түләүле парковкалар эшләй башланы 27.06.2025 // Йәмғиәт

Бөгөндән Өфөлә түләүле парковкалар эшләй башланы...

Тотош уҡырға 10

Ғәҙәттән тыш хәлдәр министрлығы һыу баҫыу ихтималлығы хаҡында иҫкәртте

Ғәҙәттән тыш хәлдәр министрлығы һыу баҫыу ихтималлығы хаҡында иҫкәртте 27.06.2025 // Йәмғиәт

Тау һәм бәләкәй йылғаларҙа һыу кимәленең күтәрелеүе көтөлә....

Тотош уҡырға 13

Өфөнөң Пугачев урамында хәрәкәт сикләнә

Өфөнөң Пугачев урамында хәрәкәт сикләнә 27.06.2025 // Йәмғиәт

Өфөнөң Пугачев урамында хәрәкәт сикләнә...

Тотош уҡырға 15

Марфа инәйгә – 100 йәш

Марфа инәйгә – 100 йәш 26.06.2025 // Йәмғиәт

Салауат ҡалаһынан Марфа Рябова 100 йәшен тултырҙы. Ҡала мэры Марат Заһиҙуллин социаль селтәрҙәге...

Тотош уҡырға 14

Башҡортостанда матур датала 245 никах теркәлгән

Башҡортостанда матур датала 245 никах теркәлгән 26.06.2025 // Йәмғиәт

Башҡортостанда матур датала 245 никах теркәлгән...

Тотош уҡырға 26

Бөгөн республика урмандарында уртаса класлы янғын хәүефе фаразлана

Бөгөн республика урмандарында уртаса класлы янғын хәүефе фаразлана 26.06.2025 // Йәмғиәт

Бөгөн дәүләт урман фонды биләмәһендә икенсе-өсөнсө класлы янғын хәүефе фаразлана. 26 июнгә ут...

Тотош уҡырға 23

Республикала ямғырлы һауа торошо фаразлана
Республикала сығарылыш кисәләре көнө билдәле булды

Республикала сығарылыш кисәләре көнө билдәле булды 25.06.2025 // Йәмғиәт

Республикала сығарылыш кисәләре көнө билдәле булды...

Тотош уҡырға 22

Өфөлә Рәшит Шәкүр һәм табип Мәстүрә Саҡаева урамдары барлыҡҡа килде

Өфөлә Рәшит Шәкүр һәм табип Мәстүрә Саҡаева урамдары барлыҡҡа килде 25.06.2025 // Йәмғиәт

Өфөлә Рәшит Шәкүр һәм табип Мәстүрә Саҡаева урамдары барлыҡҡа килде...

Тотош уҡырға 23

Табип-фониатр Наил Ғабдуллин Өфөнөң почетлы граждандары исемлеген тулыландырҙы

Табип-фониатр Наил Ғабдуллин Өфөнөң почетлы граждандары исемлеген тулыландырҙы 25.06.2025 // Йәмғиәт

Табип-фониатр Наил Ғабдуллин Өфөнөң почетлы граждандары исемлеген тулыландырҙы...

Тотош уҡырға 28

Башҡортостанда Бүздәк − Саҡмағош-Дүртөйлө юлының 14 саҡрымы яңыртылды

Башҡортостанда Бүздәк − Саҡмағош-Дүртөйлө юлының 14 саҡрымы яңыртылды 25.06.2025 // Йәмғиәт

Быйыл 19 саҡрым оҙонлоҡтағы һигеҙ участканы ремонтлау планлаштырыла....

Тотош уҡырға 21