Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Быймаларын кем баҫҡан...
Ауыл кешеһенә ҡарлы-буранлы, ҡышҡы һыуыҡ көндәрҙә йылы ла, уңайлы һәм дә йомшаҡ быймаһыҙ булмай, ҡышҡы аяҡ кейеменең иң шәбе ул, минеңсә.

– Быйылғы сатлама һыуыҡ ҡышта бер ҡасан да быйма кей­мәгән кешеләр ҙә беҙгә мөрә­жәғәт итергә мәжбүр булды. Балалар быймаһы ла бик үтемле, шулай уҡ быйма баштарына (ҡата) ихтыяж күп. Аяҡ кейемен көҙгө йөндән генә баҫабыҙ, сеймалды район халҡынан йыйып алабыҙ. Килтереп тә бирәләр, йөн хаҡына ҡушып быйма алыусылар ҙа бар, — ти “Көнкүреш хеҙмәте” яуаплылығы сикләнгән йәмғиәте директоры Рөстәм Фәнис улы Нурисламов.


Николо-Березовка ауылында урынлашҡан быйма баҫыу цехында әле эштең ҡыҙыу осоро, халыҡтан заказ күпләп килә. Хатта күрше райондарҙан да мө­рәжәғәт итәләр икән. Бина 1958 йылда сафҡа индерелгән, хеҙ­мәт­кәрҙәргә эшләү өсөн бөтә уңайлы шарттар ҙа булды­рыл­ған. 1958 йылғы йөн тетеү станогы бөгөн дә хеҙмәт итә, уны йәй ремонтлағандар. Тетелгән йөн артабан “Крокодил” тип аталған ҡоролмала махсус эш­кәртелә, йыйыу цехында була­саҡ быйманың үлсәме махсус ҡалыптар ярҙамында билдәләнә. Бер үк үлсәүҙең дә төрлө ҡалыптары бар: аяҡтың йыуан йәки нәҙек булыуы иҫәпкә алып яһалған. Ҡайнар һыуҙа йыуылып, йөн ултырғас, уны махсус ҡоролма ярҙамында эшкәртеп киптерәләр. Бынан тыш, башҡа махсус ҡоролмалар ҙа ҡуйылған. Әйткәндәй, миҙгелле эш булған­лыҡтан, быймаға ихтыяж октябрь – март айҙарына тиклем генә була. Бөгөн бында 17 кеше эш менән мәшғүл, йәштәр ҙә ҙур ихласлыҡ менән боронғо аяҡ кейеме етештереүҙә тырышлыҡ һала.

Әйткәндәй, быйма ғына баҫ­май­ҙар бында, халыҡҡа баш­ҡа хеҙмәт төрҙәре лә күрһәтелә. Һа­рыҡ йөнө ҡабул итәләр, йөндө таҙартып, тетеп тә бирә улар. “Көнкүреш хеҙмәте” яуаплылығы сикләнгән йәмғиәтенең быйма оҫталары быуындан быуынға тапшырылып килгән иң яҡшы йолаларҙы тергеҙеп, уны һаҡлап эшләй. Шуға ла тауарҙы сифаты, хаҡы һәм ныҡлы булғаны өсөн халыҡ яратып һатып ала.

Быйма баҫыу өсөн таҙа һарыҡ йөнө генә ҡулланыла, шуға күрә быймаларҙың фор­маһы яҡшы һаҡлана, ултырмай. Шунлыҡтан уларҙы экологик яҡтан таҙа продукция тип атарға мөмкин. Медицина белгестәре лә быйма­ларҙың ке­ше сәләмәтлегенә бик яҡшы йо­ғонто яһауын билдәләй. Һарыҡ йөнө дымды һурыу һәм парға әйләндереү, йылыны туплау һәләтенә эйә, шуға күрә ул һы­уыҡ үтеп сирләгәндә, ревматизм, радикулиттан һәм башҡа быуын-мускул сир­ҙәренән йонсо­ғанда организмға ыңғай тәьҫир итә.

Быйма баҫыу цехында һатып алыусылар өсөн уңайлы күргәҙ­мә залы ойошторолған. Унда үҙеңә кәрәкле төҫтәгеһен, төрлө үлсәмдәгеһен, бөхтә итеп баҫыл­ған, аппликация һәм төрлө һүрәттәр менән биҙәлгән аяҡ кейемен табырға мөмкин.

Бөгөн йәмғиәт бер айҙа 300 пар быйма етештереп, ҡулла­ныу­сыларҙы ҡулдан баҫылған аяҡ кейеме менән тәьмин итә. Нефтекама ҡалаһында үҙҙәре­нең сауҙа нөктәһе эшләй. Балтас, Ҡалтасы, Борай, Тәтешле, Краснокама райондары халҡы ла сифатлы продукцияға өҫтөн­лөк бирә икән. Ошо уҡ райондар халҡынан йөн һатып алалар.

Йәмғиәт төрлө конкурстарҙа ҡат­нашып, призлы урындар яу­ларға ла өлгөргән. “Башҡорт­остандың иң яҡшы тауары” республика конкурсында, мәҫәлән, дипломға лайыҡ булғандар. “Йыл эшҡыуары-2018” бәйге­һендә лә йәмғиәт данын йыраҡ­тарға таратҡан.

— Шөкөр, беҙ етештергән тауарҙарға ихтыяж ҙур, сифаты, ныҡлығы күптәрҙе ылыҡтыра, — ти Рөстәм Нурисламов. — Республика, район етәкселеге лә ярҙамынан өҙмәй, һәр яҡлап яҡлау булғас, эшкә дәрт ташып тора, күңел дә күтәренке.


Автор: Самат ҒӘЛИН
Фото: Айрат Нурмөхәмәтов фотоһы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 367

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 172

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 892

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840