Вконтакте Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Башҡортостан гәзите » Йәмғиәт » Телен һөйгән илен һөйөр
Өфөлә төбәк-ара һәм республика олимпиадалары үтте.

Рәми Ғарипов исемендәге 1-се башҡорт республика гимназия-интернатында өс көн дауам иткән сара ысын мәғәнәһендә рух һәм туған тел байрамына әйләнде. Еңеүселәр башҡорт мәктәптәрендә белем алған, башҡорт телен дәүләт йәки туған тел булараҡ өйрәнгән уҡыусылар араһында айырым билдәләнде.

– Башҡа йылдар менән сағыш­тырғанда, быйыл олимпиадала ҡатнашыусылар күберәк булды, быны ҡыуаныслы күренеш тип билдәләп үтер инем. Барлығы 300-ҙән ашыу уҡыусы тел байлығы буйынса белемен һынаны, – тине республиканың мәға­риф министры урынбаҫары Әлфиә Ғәлиева.
Башҡорт теле менән бер рәттән Башҡортостан мәктәптәрендә уҡытылған татар, сыуаш, мари, удмурт телдәре буйынса ла төбәк-ара һәм республика олимпиадалары үтте. Уларҙа 200-ҙән ашыу уҡыусы ҡатнашты.

Бөтә донъя башҡорттары ҡоролтайы Башҡарма комитеты Силәбе, Ырымбур, Ҡурған өлкәлә­ренән килеп, туған башҡорт те­ленә тоғролоғон раҫлап, яҡшы һөҙөмтә күрһәткән уҡыусыларға маҡтау грамоталары һәм иҫтә­лекле бүләктәр тапшырҙы. Ижади ярышта Ҡурған өлкәһенең Са­факүл районынан, Ырымбур өлкәһе­нең Новосергиевск, Түлгән, Александровск, Силәбе өлкәһенең Арғаяш районынан 12 уҡыусы призерҙар иҫәбенә инде.

– Телһөйәр ҙә булығыҙ, сәләмәт тормош та алып барығыҙ. Бөгөн милләтебеҙгә тап шундай йәштәр кәрәк, – тип белдерҙе башҡарма комитет рәйесе Данир Ғәйнуллин тәбрикләү телмәрендә.

Бөрйән районының Байназар мәктәбенән Гүзәлиә Төлкөбаева, Миәкә районы үҙәгендәге 2-се урта мәктәптән Азалия Камалетдинова, ошо уҡ райондың Илсеғол мәктәбенән Ғәлиә Шәйәхмәтова, Баймаҡ районының Ҡолсора мәктәбенән Нәфисә Мостафина – үҙ төркөмдәрендә еңеү яулаған уҡыусылар. Олимпиаданы тантаналы ябыу сараһында Нәфисә, тиңдәштәре исеменән сығыш яһап, телмәр байлығы, фекер төплөлөгө менән күптәрҙе һоҡландырҙы.

– Мин быйыл XI класты тамамлайым. Олимпиада еңеүсеһе бу­лараҡ, башҡорт филологияһы факультетына имтиханһыҙ инеү хоҡуғын яуланым. Был – минең өсөн оло бәхет, сөнки мотлаҡ шул йүнәлеш буйынса китәсәгемде, киләсәктә башҡорт теле һәм әҙәбиәте уҡытыусыһы буласа­ғымды күптән хәл иткән инем, – ти телһөйәр Баймаҡ ҡыҙы.

Бөрйән районының Байназар урта мәктәбенән XI класс уҡыу­сыһы Гүзәлиә Төлкөбаеваның еңеүенә уҡытыусыһы Рәсимә Баязитова ла шат.
– Гүзәлиә башҡорт теле буйынса олимпиадала йыл һайын ҡатнашты. Быға тиклем район кимәлендә еңеүҙәр яуланы, ә быйыл республикала I урын алып ҡыуандырҙы. Киләсәген ул икенсе өлкәлә күрә, әммә туған теленә һөйөүе, уны яҡшы белеүе Гүзәлиәгә тормошта ярҙам ғына итер, тип уйлайым, – ти Рәсимә Рауил ҡыҙы.

Эйе, телен һөйгән илен дә һө­йөр. Тап бына ошо рухлы ба­лаларға бәйле бит халҡыбыҙҙың һәм илебеҙҙең киләсәге.


Автор: Гөлдәр ЯҠШЫҒОЛОВА


Беҙҙе Яндекс Дзен лентаһында уҡығыҙ

В Одноклассниках   Вконтакте





Стәрлетамаҡтан Зәкиә Йосопова 100 йәшлек юбилейын билдәләне

Стәрлетамаҡтан Зәкиә Йосопова 100 йәшлек юбилейын билдәләне 20.11.2026 // Йәмғиәт

Уның өс балаһы, 9 ейән-ейәнсәре һәм 12 бүлә-бүләсәре бар. Стәрлетамаҡтан Зәкиә Шәйғәрҙән ҡыҙы ......

Тотош уҡырға 3

Башҡортостандың Дәүләт автоинспекцияһы көсәйтелгән эш режимына күсә

Башҡортостандың Дәүләт автоинспекцияһы көсәйтелгән эш режимына күсә 20.11.2026 // Йәмғиәт

Был рейдтар – штраф һалыу ғына түгел, ә юлдарҙы хәүефле ҡағиҙә боҙоусыларҙан таҙартыу буйынса ......

Тотош уҡырға 4

Башҡортостанда призывниктар хәрби хеҙмәтте пилотһыҙ системалар ғәскәрҙәрендә контракт менән алмаштыра ала

Башҡортостанда призывниктар хәрби хеҙмәтте пилотһыҙ системалар ғәскәрҙәрендә контракт менән алмаштыра ала 20.11.2026 // Йәмғиәт

Башҡортостандан призывниктар саҡырыу буйынса хеҙмәт урынына пилотһыҙ системалар ғәскәрҙәрендә ......

Тотош уҡырға 2

Өфө студенттарына яһалма интеллект ярҙамында видео һәм музыка эшләү серҙәрен астылар

Өфө студенттарына яһалма интеллект ярҙамында видео һәм музыка эшләү серҙәрен астылар 19.11.2026 // Йәмғиәт

Өфө студенттарына яһалма интеллект ярҙамында видео һәм музыка эшләү серҙәрен астылар...

Тотош уҡырға 2

Өфө моделдәре Көньяҡ Кореяла Face of Asia – 2026 конкурсында ҡатнаша

Өфө моделдәре Көньяҡ Кореяла Face of Asia – 2026 конкурсында ҡатнаша 19.11.2026 // Йәмғиәт

10-25 ноябрҙә Көньяҡ Кореяла Face of Asia – 2026 халыҡ-ара моделдәр конкурсы үткәрелә. Проектта ......

Тотош уҡырға 3

Башҡортостан районында автомобиль күпере ябылды
Республикала киң мәғлүмәт сараларының баш мөхәррирҙәре вазифаһына конкурс иғлан ителде

Республикала киң мәғлүмәт сараларының баш мөхәррирҙәре вазифаһына конкурс иғлан ителде 19.11.2026 // Йәмғиәт

Республикала киң мәғлүмәт сараларының баш мөхәррирҙәре вазифаһына конкурс иғлан ителде...

Тотош уҡырға 5

«Халыҡҡа яҡын етәксе»: Хәйбулла районы халҡы Өфөнөң яңы мэрына рәхмәтле

«Халыҡҡа яҡын етәксе»: Хәйбулла районы халҡы Өфөнөң яңы мэрына рәхмәтле 18.11.2026 // Йәмғиәт

«Халыҡҡа яҡын етәксе»: Хәйбулла районы халҡы Өфөнөң яңы мэрына рәхмәтле...

Тотош уҡырға 4

Өфөлә төп яңы йыл майҙансыҡтары 15 декабргә асыла

Өфөлә төп яңы йыл майҙансыҡтары 15 декабргә асыла 18.11.2026 // Йәмғиәт

Ҡала шулай уҡ республика етәкселегенең бойороҡтарын көтә....

Тотош уҡырға 2

Республикала ҡар яуыуға бәйле ике трасса ябылды

Республикала ҡар яуыуға бәйле ике трасса ябылды 18.11.2026 // Йәмғиәт

Республикала ҡар яуыуға бәйле ике трасса ябылды...

Тотош уҡырға 3

Өфө мэрының яҡташтары уның Бөрйән районында ниндәй етәксе булыуы хаҡында һөйләне

Өфө мэрының яҡташтары уның Бөрйән районында ниндәй етәксе булыуы хаҡында һөйләне 18.11.2026 // Йәмғиәт

Өфө мэрының яҡташтары уның Бөрйән районында ниндәй етәксе булыуы хаҡында һөйләне...

Тотош уҡырға 9

Республикала иң яҡшы Ҡыш бабай һынына конкурс иғлан ителде

Республикала иң яҡшы Ҡыш бабай һынына конкурс иғлан ителде 18.11.2026 // Йәмғиәт

Конкурсҡа йомғаҡ иҫке Яңы йылда – 13 ғинуарҙа яһала....

Тотош уҡырға 4


Комментарий өҫтәргә