Башҡорт дәүләт университетының Стәрлетамаҡ филиалы республикабыҙ, илебеҙ өсөн тәрән белемле, заманса уҡытыу алымдарын һәм технологияларҙы оҫта ҡулланған белгестәр әҙерләүгә ҙур өлөш индерә.

Уның 2011 йылда бар­лыҡҡа килгән педагогика һәм психология факультетына педагогия фәндәре кандидаты, доцент, Педагогия һәм социаль фәндәр академияһының ағза-корреспонденты Лилиә Бакир ҡыҙы Абдуллина етәкселек итә.
Факультеттың үҙенсәлеге шун­да: ул 2003 йылда асылған “Педаго­гика һәм психология” спе­циаль­носын да үҙ ҡанаты аҫтына алған. Әле ике йүнәлеш тә камил үҫешә, улар буйынса хеҙмәт ба­ҙа­рында талап ителгән һөнәр­мәндәр уҡытыла. Белем һәм тәр­биә биреүҙе федераль дәүләт стандарттарына тап килтереп ойошторорлоҡ белгестәр әҙер­ләү­ҙә Лилиә Абдуллина етәксе­лек иткән кол­лективтың хеҙмәте баһалап бөткөһөҙ. Бында эшлә­гән ғалим-уҡытыусыларҙың юға­ры уҡыу йорто студенттары өсөн яҙылған хеҙмәттәре, дәреслек­тәре, методик әсбаптары, практик ҡулланмалары заман талаптарына яуап бирә.
Лилиә Бакир ҡыҙы декан вази­фаһын билә­гән осорҙа уҡыу-уҡы­тыу өлкәһендә байтаҡ ыңғай һө­ҙөмтәгә өлгәшелгән. Факультетта ике йүнәлеш буйынса магис­тратура уңышлы эшләп ­килә. Быйыл бындағы тарихҡа иҫтә­лекле ваҡиға яҙылды: “Башланғыс белем биреү” һәм “Педагогика һәм психология” йүнә­лештәре буйынса магис­трант­тарҙың тәүге сығарылышы булды.
2014/15 уҡыу йылында Лилиә Бакир ҡыҙы­ның тырышлығы ме­нән факультет ҡарама­ғын­да колледж асылды. Унда “Башланғыс белем биреү” специальносы буйынса уҡырға IX һәм XI класты тамамлаған йәштәрҙе ҡа­бул итә­ләр. Буласаҡ белгестәр ике төркөмдә белем ала. Лекция, семинар һәм практик дәрестәрҙе бай тәжрибәле юғары уҡыу йорто уҡытыусылары алып бара. Студенттар тейешле дәреслектәр, уҡытыу-методик әсбап­тары ме­нән тәьмин ителгән. Улар барлыҡ уңайлыҡтары булған дөйөм ятаҡ­та йәшәй.
Уҡытыусылар менән бер рәт­тән факультет студенттары йыл һайын республика, төбәк, Рәсәй кимәлендәге ғилми-ғәмәли кон­фе­ренцияларҙа, олимпиада­лар­ҙа ҡатнаша, приз­лы урындар яу­лай. Быйыл ғына, мәҫәлән, улар фәнни эҙләнеүҙәргә туғыҙ грант отҡан.
Апрелдә, ғәҙәттәгесә, факультетта баш­лан­ғыс класс уҡыусы­лары өсөн “Фәнгә тәүге аҙым” исемле ғилми-ғәмәли конференция уҙғарыла. Һөҙөмтәлә быйыл был сараның республика кимә­лен­дәгеһенә 200-гә яҡын эш ебәрелде, унда 100-ҙән ашыу бала ҡатнашты.
Факультет студенттары төрлө мәҙәни сараларҙа әүҙем ҡатна­ша. Улар “Студент яҙы” фестивале номинацияларында йыл һайын еңеү яулай, ә быйыл төп бүләккә лайыҡ булдылар. Хәстәр­лекле етәксе факультеттың мат­ди хәлен нығытыуға ла күп көс һала.
Лилиә Абдуллина Стәрлета­маҡ дәүләт педагогия институтында 1991 йылда эш башлай. 2004 йылда М.А. Шолохов исе­мендәге Мәскәү дәүләт педагогия университетында кандидатлыҡ диссертацияһын уңышлы яҡлап, педагогия фәндәре кандидаты ғилми дәрәжә­һенә эйә була. Ул юғары уҡыу йортоноң төрлө баҫҡыстарын үтә: ассистент, өл­кән уҡытыусы, доцент, кафедра мөдире, декан урынбаҫары, де­кан. Әле Лилиә Бакир ҡыҙы етәк­селек иткән башланғыс белем биреү теорияһы һәм методикаһы кафедраһы уңышлы эшләп килә.
Яуаплы бурыстар башҡары­уына ҡара­маҫтан, Лилиә Бакир ҡыҙы фән өлкәһендә лә әүҙемлек күрһәтә. Уның педагогика фәне­нең көнүҙәк мәсьәләләренә ба­ғыш­ланған ғилми хеҙмәттәре бихисап, уҡытыусыларға һәм уҡыу­сыларға тәғәйенләнгән уҡыу-методик ҡулланмалары республика мәктәптәрендә һәм юғары уҡыу йорттарында киң файҙа­ланыла. Лилиә Бакир ҡыҙының тәҡдиме менән педагогика һәм психология факультетында өҫтә­мә специальность биреү курста­ры асылған.
Оҫта етәксе йәмәғәт эштә­рен­дә лә әүҙем ҡатнаша. Уның исеме ҡалала, республикала киң бил­дәле. Мәғариф өлкәһендә арыу-талыу белмәй илһамлы хеҙмәт иткән Лилиә Бакир ҡыҙы күптәргә өлгө булып тора. Ул етәкселек иткән педагогика һәм психология факультеты өлгәшелгән уңыш­тар­ҙа туҡта­лып ҡалмай, килә­сәккә табан ышаныслы атлай.