(11 – 17 май)
ҠУҘЫ (21.03 — 19.04).
Был аҙнала барлыҡ кәртә­ләр­ҙе емереп, үҙегеҙ теләгәнсә үҫешкә өлгәшә алаһығыҙ. Эштә лә, шәхси тормошта ла ҡы­йын­лыҡтар булыуы ихтимал. Ләкин баҙап ҡалмағыҙ, уларҙы еңеп сығыу өсөн һеҙҙә көс-ҡеүәт етерлек. Һөҙөмтәлә байтаҡ ыңғай үҙгәрешкә юлығырһығыҙ. Аҡса мәсьәләһен хәл итеүҙе кисектереп тороу хәйерле. Сәлә­мәт­легегеҙгә иғтибар талап ителә.

БУҒА (20.04 — 20.05).
Матди мәсьәләләр кон­трол­дән сығыр, моғайын. Шуға күрә аҡ­са­ға бәйле проблемаларҙы етди уй­лап хәл итеү шарт. Эске һи­ҙем­ләүгә ҡолаҡ һалырға, йөрәк ҡушыуы буйынса эш итергә ты­рышығыҙ. Башбаш­таҡлыҡ күрһә­теүҙән йәки сит кешеләрҙең кә­ңәшенә ҡолаҡ һалыуҙан һаҡ­ланһағыҙ, аҙна ярайһы уҡ уңышлы булмаҡсы.
ИГЕҘӘКТӘР (21.05 — 21.06).
Аҙнаның башы ҡаршылыҡлы хис-тойғоларға, ваҡиғаларға бай булмаҡсы. Матди йәһәттән бер аҙ ҡыйынлыҡтар ҙа, яҡын­да­ры­ғыҙ менән аңлашыл­мау­санлыҡ­тар ҙа тыуыр кеүек. Аҙна аҙа­ғында айырыу­са һаҡ бу­лығыҙ. Ғәҙәти йә­шәйе­шегеҙгә, ҡы­лыҡтарығыҙға, ғөмүмән, тор­мошҡа ҡарашығыҙға үҙгәреш индереү талап ителер, бәлки.

ҠЫҪАЛА (22.06 — 22.07).
Тирә-яҡтағы шау-шыуҙан ҡа­сып, тәбиғәт ҡосағына юлланыу теләге тыуыр, моғайын. Быны аҙ­наның тәү­ге яртыһында тор­мошҡа ашы­рырға мөмкин. Бу­рысҡа аҡса биреп тороуҙы йәки, киреһенсә, алған бурысты ҡай­тарыуҙы һорауҙары ихтимал. Мөм­кинлек булһа, ярҙамдан баш тартмағыҙ. Биргәнегеҙ үҙе­геҙ­гә артығы менән әйләнеп ҡайтыр.
АРЫҪЛАН (23.07 — 22.08).
Дүшәмбе һәм шишәмбелә үҙе­геҙ­ҙе артыҡ кешеләй, ваҡи­ға­ларҙан ситләшкәндәй хис итер­һе­геҙ. Бор­солмағыҙ, әле һеҙҙең өсөн был бик тә ҡулай. Аҙна уртаһында хеҙмәт­тәш­тәрегеҙ ме­нән низағла­шыу арҡа­һында кәйефегеҙ ҡыры­лыр, мо­ғайын. Шуға күрә үҙегеҙҙе ҡулда то­торға, күберәк ял итергә ты­рышығыҙ. Тиҙҙән барыһы ла яйға һалыныр.

ҠЫҘ (23.08 — 22.09).
Ғаилә, романтик мөнәсә­бәт­тәр өсөн ҡулай мәл. Аҙна ба­шын­да һәр йәһәттән ҡә­нә­ғәтлек кисереп, үҙегеҙҙе барлыҡ кү­ңел­һеҙ­лек­тәрҙән арынғандай тойор­һоғоҙ. Тормошоғоҙҙағы, эш­е­­геҙ­ҙәге ҡат­марлы мәсьә­ләләр үҙ яйы менән хәл ителер. Ҡайһы бер хәтирәләр генә бер аҙ кә­йефегеҙҙе төшөрөр, мо­ға­йын. Ял көндәрендә туған­дарығыҙ менән аралашығыҙ, бергәләп ял итегеҙ.

ҮЛСӘҮ (23.09 — 22.10).
Аҙна башында күңелһеҙ ва­ҡи­ға­нан кәйефегеҙ ҡырылыр. Ләкин борсолмағыҙ, хәүеф­ләнергә урын юҡ. Матди хәлегеҙ яҡшырыр, өҫ­тәүенә, бының өсөн әллә ни күп көс түгергә лә тура килмәҫ – ба­рыһы ла үҙенән-үҙе килеп сығыр. Яҡын­да­ры­ғыҙҙың кәңәшенә ҡолаҡ һалы­ғыҙ, файҙаһы тейер.

САЯН (23.10 — 21.11).
Осор әллә ни уңышлы бул­маһа ла, күп нәмә үҙегеҙҙең ҡул­да. Шуға күрә күңелһеҙ хәл­дәрҙе алдан күҙаллап, уларҙан ҡотолоу сараһын күрегеҙ. Эше­геҙҙең те­йе­шенсә баһа­лан­мауына кәйе­фегеҙ төшөр, мо­ға­йын. Шулай ҙа әүҙем­легегеҙҙе кәметмәгеҙ, алға барыуҙы дауам итегеҙ. Тиҙҙән барыһы ла яйланыр.

УҠСЫ (22.11 — 21.12).
Ҡатмарлы, мәшәҡәтле мәл көтә. Эшегеҙҙән ҡәнәғәтлек ки­сер­мәҫһе­геҙ, шул уҡ ваҡытта уны ташлап та ҡуя алмаҫһығыҙ. Аҙна уртаһындағы романтик осра­шыуҙан, изге күңел­ле ке­шеләр ме­нән аралашыуҙан кү­ңе­легеҙ күтә­релер. Ял көндәрен яҡын­дарығыҙ менән бергә үткә­рер­гә, тәбиғәт ҡосағына сығырға тыры­шығыҙ.

ЫЛАҠ (22.12 — 19.01).
Кәңәш, күрһәтмә бирергә әүәҫ­ләнеп киттегеҙ түгелме? Яҡын­дарығыҙ быға мохтажлыҡ ки­сер­һә ярай ҙа. Фекерегеҙҙе көсләп тағырға тырышмағыҙ. Аҙ­на күп йәһәттән уңышлы бул­маҡ­сы. Айы­рыуса уның икенсе яр­ты­һын­да килем алыу мөмкинлеге ар­тыр. Ләкин был мәлдә әүәлге эштәрҙе яңынан башларға кәңәш ителмәй.

ҺЫУҒОЯР (20.01 — 18.02).
Әүҙем эш осоро. Көс-дәртегеҙ ташып торор. Тик уны дөрөҫ фай­ҙа­ланыу йәһәтенән генә ҡы­йын­лыҡ тыуыр, моғайын. Яҡын­­­­­да­ры­ғыҙ­ҙың аҡыллы кәңәшенә ҡолаҡ һал­һағыҙ, барыһы ла ал да гөл булыр. Эш-ғәмәлдәрегеҙҙе алдан күҙаллау хәйерле.

БАЛЫҠ (19.02 — 20.03).
Үҙ эсегеҙгә бикләнеп, яуап­лылыҡтан, бурыстарығыҙҙан баш тартыу теләге уяныр. Кисектерә килгән эштәрҙе башҡарырға ва­ҡыт етте. Шул арҡала күп нәмәгә өлгөрә алмай яфаланырһығыҙ, моғайын. Мәшәҡәттәрҙең ҡайһы берҙәрен яҡындарығыҙҙың иңенә һалырға мөмкин. Ләкин уларҙың эшенән ҡәнәғәт ҡалырһығыҙмы икән?