— 2006 йылдан бирле эш­ләй­беҙ. Барлыҡ баҫмаларҙы ла тара­та­быҙ. Бынан тыш, һуңғы йыл­дарҙа Рәсәй Пенсия фон­ды­ның Стәрлетамаҡ ҡалаһындағы идаралығының хаттарын, һыуға түләү квитанцияларын килте­рәбеҙ, — ти ойошманың генераль директоры Галина Хомякова, эшмәкәрлектәре менән таныштырып.
Стәрлетамаҡта 250 мең са­маһы кеше йәшәй. Әлбиттә, һәр кем гәзит-журнал алдыра тигән һүҙ түгел был. Шулай ҙа ошо тиклем халыҡты хеҙмәтлән­де­реүсе ойошмала эшләүселәр йөҙгә лә етмәй. Мәҫәлән, гәзит-журнал, хат таратыусылар — 65 кеше, ә матбуғатҡа яҙылыу бүлегендә ни бары биш ҡыҙ мәшғүл. Шул уҡ ваҡытта халыҡ менән дә, ойошмалар менән дә уңышлы хеҙмәттәшлек алып баралар. Бынан тыш, гәзит-журнал алдырыусыларҙы бүләкһеҙ ҙә ҡалдырмайҙар. Кү­мәртәләп яҙылған ойошмаларға ташламалар яһала.
Хаҡтарға килгәндә, “Башҡорт­остан” гәзитенең аҙнаһына дүрт тапҡыр, йәғни шишәмбе, шаршамбы, йома, шәмбе сыҡҡанына (50600 индексына), мәҫәлән, 1080 һумға яҙылырға була. 99802 индекслыһы (шишәмбе, шаршамбы, шәмбе) 720 һум тора. Йома һанын иһә (индексы – 31805) стәрлетамаҡтар был ойошма аша ни бары 396 һумға алдыра.
…Һуңғы ваҡытта, матбуғатты таратыу тирәләй бәхәстәр ҡу­йырғандан-ҡуйыра барған мәл­дә, эт – эткә, эт ҡойроҡҡа һыл­танғанда, “Стәрлетамаҡ-матбу­ғат” кеүек ойошмалар, бәлки, гәзит алдырыусы­ларҙың берҙән-бер ҡот­ҡа­рыу­сы­һылыр ҙа. Килешәһеңме, мөхтәрәм уҡыусым?