Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡолонбатҡан – күңел шифаһы
Ҡолонбатҡан – күңел шифаһыЙәшәргә көс биргән саф һыулы шишмәләребеҙҙе һаҡлау, уларҙы тәрбиәләү һәр кемдең изге бурысы икәнен яҡшы аңлай ҡаҙыршалар. Шуға күрә быйыл ауыл эргәһендәге шишмә, йылға буйҙарын төҙөкләндереү, ҡоҙоҡтарҙы таҙартыу буйынса байтаҡ эш башҡарылған.
Ҡаҙырша ауылына кергәс тә юлаусыларҙы Сәхип ҡоҙоғо ҡаршы ала. Был ҡоҙоҡ тураһында ауылдың аҡһаҡалы Нуретдин Игебаевтың һөйләгәндәренән:
– Элек ошо ерҙә Йәдкәр исемле кеше йәшәгән. Уның Сәхипъямал исемле ҡатыны булған. Бер көн ул ер аҫтынан урғылып сыҡҡан һыуҙы күреп ҡала һәм ҡайтып иренә әйтә. Ире ошо урында бура һуғып, ҡоҙоҡ ҡаға. Шунан бирле уны Сәхип ҡоҙоғо тип йөрөтәләр. Тимерлек эргәһендә булыуы арҡаһында Кузнец ҡоҙоғо исемле икенсе атамаһы ла бар.
Ҡаҙыршалар был ҡоҙоҡтоң ағас бураһын даими алмаштырып тора. Быйыл был изге ғәмәлде Ғәле Игебаев, Муса Билалов, Айбулат Тулыбаевтар башҡарып ҡуйған.
Ауыл халҡы әйтеүенсә, Ҡаҙырша ауылының эргә-тирәһендә элек егермегә яҡын шишмә булған. Бөгөн шуларҙың бер нисәүһе генә һаҡланып ҡалған. Шишмәләрҙең ҡороуына һуңғы йылдарҙағы ҡоролоҡ та сәбәп булды.
Шуларҙың иң саф һыулыһы – Ҡолонбатҡан шишмәһен бөгөн танырлыҡ та түгел. Тирә-яғы кәртәләнеп алынған, шишмә башы таҙартылған. Бындай матурлыҡтың барыһын да ғаиләһе менән бергә Рәмил Юламанов үҙ ҡулдары менән булдырған. Улар шишмә янына ағастан һырлап-биҙәп төрлө һындар эшләгән. Һындарҙың береһе думбырала уйнаһа, икенсеһе бейеп йөрөй. Яҡындағы ҡайында үҫкән ағас бәшмәге бәләкәй айыу балаһын хәтерләткәндәй тойолғас, Рәмил күп уйлап тормай, буяп, янына солоҡ ҡуя. Хатта кәртәләп алынған ҡоҙоҡҡа сүмес тә элеп ҡуйылған. Бында килгән һәр кем ошо һауыттан шишмә һыуын тәмләп, һыуһынын ҡандырып, тәненә һәм йәненә сихәт алып китә.
– Ҡолонбатҡан шишмәһенең тарихына килгәндә, ошо урында элек һаҙлыҡ булған, – тип һүҙ башланы Рәмил Юламанов. – Тап ошонда ҡолонло бейә һыу эсергә килгән. Ҡолоно тубыҡланып һыу эсәм тигәнсә, шунда батҡан. Шунан ат тояғы эҙенән һыу барлыҡҡа килгән. Ауылдың ер-һыу атамаларына бәйле легендаларҙы киләсәк быуын белеп үҫһен, уны һаҡлаһын һәм ҡәҙерләһен тигән маҡсаттан, ғаиләбеҙ менән был шишмәне тәртипкә килтерҙек. Аша сығып йөрөргә баҫма ла эшләп ҡуйҙыҡ. Бөгөн бында ял урыны барлыҡҡа килде, – тине Рәмил.
Ысынлап та, шишмә буйы йылайырҙарҙың ял һәм дауа биреүсе урындарының береһенә әйләнгән. Иң мөһиме – Ҡолонбатҡан һыуы ҡоромаһын, сылтырап аҡһын да аҡһын әле!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 174

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 892

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840