Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Көньяҡ ҡапҡа – Ҡужанаҡта
Башҡортостандың үҙәге ҡайҙа икәнен беләһегеҙме? Эйе, баш ҡала тимәнем, ә үҙәк тип һораным. Картаның уртаһын самалап, шул ергә юғарынан ҡәләмде ырғытһаң, яҡынса Ғафури районына барып төшөр. Ысынында, Ерек ауылы – республикабыҙҙың үҙәге. Хәҙер инде урта өлөштө тапҡас, уның ситтәрен дә барларға тейешбеҙ. Мәҫәлән, көньяҡ нөктә? Көньяҡ тарафтарҙа ҡайһы район булыуын белһәң, әҙме-күпме төҫмөрләргә мөмкин. Бындай һорауҙы тиккә бирмәнем. Күптән түгел Ейәнсура районының Ҡужанаҡ ауылында ҙур тантана үтте – унда республикабыҙҙың көньяҡ географик нөктәһе барлыҡҡа килде. Әйткәндәй, Учалы районының Устинов тимер юл станцияһы тирәһендә – көнсығыш, Яңауыл районының Байсар ауылы эргәһендә – төньяҡ, Баҡалы районының Ивановка ауылы янында көнбайыш нөктә урынлаштырылды.

Бындай киң ҡоласлы проекттарға йән өрөүгә Рус географик ойошмаһы, үҙ сиратында, уның төбәк етәксеһе күренекле яҙыусы һәм атаҡлы турист Камил Йыһаншиндың фиҙакәр хеҙмәтен танымау мөмкин түгел.
– Иҫтәлекле стела өсөн урын шул тиклем уңышлы һайланған, – тип һөйләй Камил Фәрухша улы. – Бынан йыраҡ түгел Башҡортостандан Ырымбур өлкәһен шартлы рәүештә айырған сик билдәләнгән. Етмәһә, билдә оло юл буйында ята, ә автомагистраль Ҡыуандыҡ ҡалаһының (Ырымбур өлкәһе) ҙур тимер юл станцияһы илтә – 15 саҡрым ғына ҡала уға.
Беҙҙең яҡтарҙа Ҡужанаҡ тураһында һүҙ сыҡһа, уны белгәндәр ауылды үҙҙәренсә төрлөсә “семтеп-семтеп” ала. Имеш, район үҙәге Иҫәнғолға барыу өсөн ярты көн кәрәк, ул әллә ҡайҙа – йәһәннәмдә урынлашҡан һәм башҡа мәрәкәләүҙәр. Уның ҡарауы, бында тормош гөрләй. Туғыҙ йыллыҡ мәктәп ҡыҙ һәм малайҙарға аң-белем тарата, фельдшер-акушерлыҡ пункты эшләй, урамдарға асфальт түшәлгән, мәсет асылған, ғибәҙәтхананан олоһо ла, кесеһе лә өҙөлмәй, ҡыҫҡаһы, изге уй-маҡсаттарын тормошҡа ашырыусыларға һәр йәһәттән дә уңайлыҡтар тыуҙырылған. Бына ошо матурлыҡты – халыҡтың етеш донъя көтөүен, алсаҡ кешеләрҙе, тәбиғәттең хозурлығын күреү өсөн генә лә бында килергә мөмкин.
– Шәхси эшҡыуарҙар һәм крәҫтиән (фермер) хужалыҡтары етәкселәре эшмәкәрлектәрен йәйелдергән, – тип һөйләй райондың Яңыбай ауыл хакимиәте башлығы Самат Ҡансурин. – Яҡташтарым “зәңгәр яғыулыҡ”тан күптән файҙалана, үҙәкләштерелгән һыу ҡуллана. “Һаумыһығыҙ, ауылдаштар!” байрамынан һуң Ҡужанаҡ айырыуса йәмләнде, тормош та йәнләнде. Бер ауылда мәсеттең дә, ғибәҙәтхананың да булыуы күпте һөйләй – милләт-ара татыулыҡ өлгөһө ролен үтәйбеҙ, дуҫлыҡ менән көслөбөҙ. Бөйөк Ватан һуғышы ветерандары иҫтәлегенә обелиск асылды.
Беҙгә ҡалһа, быны географик билдә тип кенә ҡарарға ярамай, ә республикабыҙҙың көньяҡ ҡапҡаһы тип әйтеү ҙә дөрөҫлөккә тура килә. Шул уҡ ваҡытта ике төбәк – Ырымбур өлкәһе менән Башҡортостан өсөн дуҫлыҡ ҡапҡаһы ролен дә үтәй. Камил Йыһаншин ошо урынды гөл баҡсаһына әйләндергән тырыштарға рәхмәтен белдерҙе. Әйткәндәй, ағас эше менән шөғөлләнгән Алик Тоҡомбәтов был тәңгәлдә ҙур тырышлыҡ һалған.
Проектты тормошҡа ашырыусылар билдәнең төбәк өсөн бренд ролен үтәүенә һис тә шикләнмәй. Бынан тыш, уларҙы туристар ҙа хуплар, моғайын да, ҡайһы тирәлә йөрөп ятыуыңды белеү өсөн ныҡ отошло буласаҡ. Иң мөһиме, бындай билдәләр мәктәп балаларына Башҡортостандың географияһын тәрән өйрәнеүгә йүнәлеш бирәсәк.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Көйөргәҙелә – яңы башлыҡ

Көйөргәҙелә – яңы башлыҡ 31.03.2019 // Яңылыҡтар

Көйөргәҙе районында хакимиәт башлығы алмашынды. Элекке етәксе Әхәт Ҡотләхмәтовтың отставкаға...

Тотош уҡырға 3 151

Ауылға ят бөжәктәр һөжүм иткән

Ауылға ят бөжәктәр һөжүм иткән 31.03.2019 // Яңылыҡтар

Башҡортостандың Силәбе өлкәһе менән сиктәш Балаҡатай районындағы Шаҡарлы ауылын билдәһеҙ бөжәктәр...

Тотош уҡырға 2 930

Көлөп ҡаршыламай апрель...

Көлөп ҡаршыламай апрель... 31.03.2019 // Яңылыҡтар

Синоптиктар хәбәр итеүенсә, апрелдең беренсе көнөндә республикала тотороҡһоҙ һауа торошо көтөлә....

Тотош уҡырға 2 392

Шашып ҡалайым, тиме?

Шашып ҡалайым, тиме? 30.03.2019 // Яңылыҡтар

Иртәгә, 31 мартта, республикабыҙҙа дауыллы ел буласаҡ, тип хәбәр иттеләр Рәсәй Ғәҙәттән тыш...

Тотош уҡырға 2 078

Ике мәктәп уҡыусыһы юғалған. Күрмәнегеҙме?

Ике мәктәп уҡыусыһы юғалған. Күрмәнегеҙме? 29.03.2019 // Яңылыҡтар

Башҡортостанда өс көн араһында ике мәктәп уҡыусыһы юғалған. 15 йәшлек Дарья Чернова 23 мартта Өфөлә...

Тотош уҡырға 1 436

Беҙ Инстаграмда ла бар

Беҙ Инстаграмда ла бар 29.03.2019 // Яңылыҡтар

“Бәйләнештә” селтәренән тыш, бөгөн “Инстаграм” сайты ла олоһо ла, кесеһе лә тарафынан киң ҡулланыла....

Тотош уҡырға 1 284

Дуҫлығыбыҙҙың яңы биттәрен асып...

Дуҫлығыбыҙҙың яңы биттәрен асып... 28.03.2019 // Яңылыҡтар

Башҡортостан Башлығы вазифаһын ваҡытлыса башҡарыусы Радий Хәбиров Бешкәктә Ҡырғыҙстандың иҡтисад...

Тотош уҡырға 1 265

“Науруз” байрамына рәхим итегеҙ!

“Науруз” байрамына рәхим итегеҙ! 26.03.2019 // Яңылыҡтар

31 мартта Өфөлә “Науруз” республика байрамы була. Был көндә баш ҡалабыҙҙа былау бешереү буйынса...

Тотош уҡырға 1 412

Төркиәгә барһаң, сит ил паспорты кәрәкмәйәсәк

Төркиәгә барһаң, сит ил паспорты кәрәкмәйәсәк 26.03.2019 // Яңылыҡтар

Төркиәнең эске эштәр министры Мевлют Чавушоглу Рәсәй граждандарына илгә үҙҙәренең эске паспорты...

Тотош уҡырға 1 140

Бергә быуат тулҡынында бәүелдек

Бергә быуат тулҡынында бәүелдек 26.03.2019 // Яңылыҡтар

Республика халыҡтары уртаҡ байрамын билдәләне....

Тотош уҡырға 1 369

Сәйәси золом ҡорбандарын иҫкә алдылар

Сәйәси золом ҡорбандарын иҫкә алдылар 25.03.2019 // Яңылыҡтар

Бөгөн Өфөгә Рәсәй Президенты ҡарамағындағы Кеше хоҡуҡтары буйынса совет рәйесе, Рәсәй Президенты...

Тотош уҡырға 1 159

Нимә ул газон?

Нимә ул газон? 25.03.2019 // Яңылыҡтар

Республика парламенты депутаттары газондарҙа, сәскәлектәрҙә, балалар һәм спорт майҙансыҡтарында...

Тотош уҡырға 1 128