Башҡорт драма театрының МХО темаһына спектаклен республика райондары тамашасылары ҡарай ала » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Мәҙәниәт » Башҡорт драма театрының МХО темаһына спектаклен республика райондары тамашасылары ҡарай ала

Башҡорт драма театрының МХО темаһына спектаклен республика райондары тамашасылары ҡарай ала 14.04.2026 // Мәҙәниәт

15 апрелдән 30-на тиклем Мәжит Ғафури исемендәге Башҡорт драма театрында сәхнәләштерелгән «Кеше булып ҡалырға» спектакле республикабыҙҙың ҡала-райондарына юллана. Уның премьераһы Бөрйән, Учалы райондарында һәм Өфөлә үтте.

Фото: Руслан Юлтаев | Башҡорт драма театрының матбуғат хеҙмәте

Башҡортостандың мәҙәниәт министры вазифаһын башҡарыусы Фәнүр Шәйхисламов бурыс, һайлау һәм ысын патриотизм темаһына арналған спектаклде ҡарарға кәңәш бирҙе.

«Эш графигының тығыҙ булыуына бәйле, был спектаклде ҡарарға ваҡыт бүлә алманым. Сюжет нигеҙендә ысын герой — актер һәм МХО яугиренең тарихы, — тип билдәләне Фәнүр Шәйхисламов. — Театрҙың баш режиссеры Айрат Абушахмановҡа, спектаклдең режиссеры Хөрмәтулла Үтәшевҡа, актерҙарға һәм ижади төркөмгә ошондай мөһим тема хаҡында спектаклде сәхнәгә сығарыуҙары өсөн рәхмәт белдерәм. Барығыҙҙы ла уны ҡарау өсөн мөмкинлек табырға саҡырам. Был беҙҙең дөйөм хәтер һәм геройҙарҙың батырлығына хөрмәт билдәһе булып тора».

Башинформ хәбәр иткәнсә, Елена Коллегованың пьесаһы буйынса сәхнәләштерелгән спектакль реаль ваҡиғаларға нигеҙләнгән һәм Луганск актерҙарына – МХО-ла ҡатнашыусыларға арналған.

https://www.bashinform.ru/news/culture/2026-04-14/spektakl-bashdramteatra-na-temu-svo-uvidyat-zriteli-rayonov-bashkirii-4651123

Автор: Ләйлә Аралбаева / Источник

Баҫып сығарырға