Өфөлә «Мисс Башҡортостан» матурлыҡ конкурсы еңеүселәре иғлан ителде

Өфөлә XI «Мисс Башҡортостан-2025» төбәк матурлыҡ конкурсының финалы уҙҙы. Конкурс «Мисс Рәсәй» милли гүзәллек конкурсының төбәк партнеры булып тора.

Өфөлә XI «Мисс Башҡортостан-2025» төбәк матурлыҡ конкурсының финалы уҙҙы. Конкурс «Мисс Рәсәй» милли гүзәллек конкурсының төбәк партнеры булып тора.

«Мисс Өфө-2025» исемен Өфөнән Ангелина Риферт алды. Уға 18 йәш, ул төҙөлөш колледжында уҡып йөрөй. 1-се вице-мисс –  Әбйәлил районынан 18 йәшлек Розалиә Низамова, Өфө дәүләт нефть техник университеты студенты. 2-се вице-мисс – Әбйәлил районынан 21 йәшлек Әлиә Йәнбирҙина, Өфө фән һәм технологиялар университеты студенты.

«Башинформ»ға ойоштороусылар хәбәр итеүенсә, финал этабына 10 ҡыҙ үтте. Улар фотоға һәм видеоға төштө, мәҙәни программала, кулинария, сигеү, дефиле, позаға баҫыу, стиль буйынса оҫталыҡ дәрестәрендә ҡатнашты. Финал шоуында ҡыҙҙар өсөн визитка, бейеү, «Ағиҙел» башҡорт художество предприятиеһында тегелгән милли кейемдәрҙе күрһәтеү, «Башҡортостан» темаһына интеллектуаль тур һәм киске күлдәктәрҙә дефиле кеүек этаптар ойошторолдо.   

Ҡатнашыусылар төрлө номинацияларҙа билдәләнде һәм ҡиммәтле приздар менән бүләкләнде. Конкурсты Бөтә донъя башҡорттары ҡоролтайы булышлығында LUNA моделдәр агентлығы үткәрҙе.

https://www.bashinform.ru/news/culture/2025-06-02/v-ufe-nazvali-pobeditelnits-konkursa-krasoty-miss-respublika-bashkortostan-4260929