Радий Хәбиров Башҡортостанда китап нәшер итеү эшенә ярҙам тураһында белдерҙе

Башҡортостанда китап сығарыу эшенә ярҙам күрһәтелә, тип белдерҙе Радий Хәбиров.

Башҡортостанда китап нәшер итеү инфраструктураһын яңыртыу тураһында ҡарар бер нисә йыл элек ҡабул ителде. Республикала башҡорт яҙыусыларының ниндәй әҫәрҙәр ижад итеүенә, ниндәй китаптарға һорауҙың ҙур булыуына иғтибар көсәйҙе, тип билдәләне Радий Хәбиров.

«Былар барыһы ла яҡшы һөҙөмтәләр бирә. Уҙған йылда ғына Башҡортостандың «Китап» нәшриәте ярты миллион дананан ашыу китап — дәреслектәр, башҡорт классиктары һәм хәҙерге яҙыусыларҙың әҫәрҙәре, мәктәпкәсә йәштәге балалар һәм уҡыусылар өсөн өсөн китаптар сығарҙы. Әҙәбиәт башҡорт, рус, татар, инглиз һәм башҡа телдәрҙә нәшер ителә.

Онлайн-сауҙа һөҙөмтәһендә Башҡортостан нәшриәтенең китаптарын республиканан ситтә лә һатып алырға мөмкин. 2024 йыл йомғаҡтары буйынса 81 төбәк халҡы 5 меңдән ашыу заказ биргән. Беҙҙең китаптар Беларусь, Ҡаҙағстан, Үзбәкстан, Ҡырғыҙстан, Әрмәнстан һәм Грузияға китә. Мин быны мәҙәниәтебеҙҙең әһәмиәтле еңеүе тип иҫәпләйем.

Ә «Китап»ҡа артабан да ярҙам күрһәтербеҙ. Рәсәйҙең иң ҙур төбәк нәшриәте, башҡорт телен, башҡорт әҙәбиәтен һаҡлауҙа һәм үҫтереүҙә төп партнерыбыҙ, илдә һәм донъяла күп милләтле мәҙәниәтебеҙҙең амбассадоры», — тип яҙа Радий Хәбиров социаль селтәрҙәге сәхифәһендә.

https://www.bashinform.ru/news/culture/2025-05-12/radiy-habirov-zayavil-o-podderzhke-bashkirskogo-knigoizdatelstva-4231731