Өфөлә Ay Yola төркөмө «Homay» йырына клипты күрһәтте

Өфөнөң Ay Yola төркөмө «Homay» йырына төшөрөлгән рәсми клибын күрһәтте. Был ваҡиға уларҙың ижадын һөйөүселәр өсөн ысын байрамға әүерелде. Клиптың эксклюзив премьераһы Өфөлә «Тинькофф-холл» алдындағы майҙанда үтте. Уны ҡарарға бик күп халыҡ йыйылды.

Клиптың премьераһынан һуң артистар бинаның ҡыйығында өс яңы йырын башҡарҙы. Бынан һуң тамашасылар уларҙан йәнә «Homay» йырын башҡарыуҙы һораны, һәм музыканттар үтенесете кире ҡаға алманы.

Хәтерегеҙгә төшөрәбеҙ, Ay Yola халыҡ-ара танылыу яуланы: уларҙың йырҙары 30 илдең Топ-10 чарттарына инде, ә Shazam сервисында улар Леди Гага һәм Бруно Марс кеүек донъяла билдәле йондоҙҙарҙы уҙып китте.

Яңыраҡ Башинформ Ay Yola төркөмө музыканттарының дәүләт наградалары алыуын хәбәр иткәйне. Был тарихи тантана булды: республикала тәүге тапҡыр диджей «Башҡортостандың атҡаҙанған артисы» исемен алды! Руслан Шәйхетдинов (DJ Ruslan Sever), коллективтың музыкаль продюсеры. Бынан тыш, беренсе тапҡыр атай менән ҡыҙы бер көндә наградаларға лайыҡ булды: Русландың ҡыҙы, төркөмдөң солисы Адель Шәйхетдиноваға ла атҡаҙанған артист исеме бирелде. «Арғымаҡ» төркөмө буйынса билдәле солист Ринат Рамаҙанов «Башҡортостандың халыҡ артисы» тигән маҡтаулы исем менән бүләкләнде.

 https://www.bashinform.ru/news/culture/2025-05-06/v-ufe-gruppa-ay-yola-vypustila-klip-na-pesnyu-homay-4225842