Альбина Нуриманова башҡорт хореография колледжы етәксеһе итеп тәғәйенләнде » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Мәҙәниәт » Альбина Нуриманова башҡорт хореография колледжы етәксеһе итеп тәғәйенләнде

Альбина Нуриманова башҡорт хореография колледжы етәксеһе итеп тәғәйенләнде 27.03.2025 // Мәҙәниәт

Альбина Нуриманова башҡорт хореография колледжы етәксеһе итеп тәғәйенләнде

Рудольф Нуриев исемендәге башҡорт хореография колледжы етәксеһе итеп Башҡортостандың халыҡ артисы Альбина Нуриманова тәғәйенләнде. Уның менән коллективты 25 мартта мәҙәниәт министрының беренсе урынбаҫары Наталья Лапшина таныштырҙы.

Альбина Радик ҡыҙы Нуриманова Өфөлә тыуған. Р.Нуриев исемендәге БХК-ның халыҡ бүлеген һәм ВЭГУ академияһын «Ижади коллектив етәксеһе» белгеслеге буйынса тамамлаған. Башҡортостан Республикаһы Президентының мәҙәниәт һәм сәнғәт эшмәкәрҙәренә исемле грантына эйә була, Башҡортостандың халыҡ артисы, хеҙмәт ветераны. 25 йыл Фәйзи Ғәскәров исемендәге дәүләт халыҡ бейеүҙәре ансамбле артисы булып эшләй.

2007 йылда Ғәскәров исемендәге дәүләт академия халыҡ бейеүҙәре ансамбле ҡарамағындағы Балалар студияһының художество етәксеһе итеп тәғәйенләнә. «Бүре һәм ете кәзә бәрәсе» хореографик спектакле авторы, унда студияның 200-ҙән ашыу тәрбиәләнеүсеһе һәм ансамблдең өлкән артистары ҡатнашты. Уның етәкселегендә балалар студияһы Мәскәүҙә, Санкт-Петербургта, Астанала, Сочиҙа һәм башҡа ҡалаларҙа үткән халыҡ-ара һәм Рәсәй конкурстарында һәм фестивалдәрендә еңеү яулай.

https://www.bashinform.ru/news/culture/2025-03-27/bashkirskiy-horeograficheskiy-kolledzh-vozglavila-albina-nurimanova-4174204

Автор: Ләйлә Аралбаева / Источник

Баҫып сығарырға