Ун етенсе шиғри яҙ алдынан төбәк-ара “Илһам шишмәләре-2019” шиғриәт фестивале йәнә сәскә ата. Был – ҡәҙерле һәм моңло урыҫ, башҡорт, татар һәм сыуаш телдәрендә яҙған төрлө йәштәге шағирҙар байрамы. Байрам – танылған шағирҙарҙың һәм ҡәләм тирбәлдереүселәрҙең тантанаһы. Йәнле һүҙ фестивале Башҡортостандың һәм Рәсәйҙең төрлө төбәктәренән шағирҙарҙы берләштерә.

Республикабыҙҙың туғандаш халыҡ­тар шиғриәте – мәҙәни һәм дуҫлыҡ бәйләнеше, милли ижад үҫеше, милли йолаларҙы һаҡлау, дуҫлыҡты нығытыу өсөн ерлек. Шиғриәт фестивале – ул йәш таланттар, рухи-әхлаҡи йүнәлеш өсөн осош һыҙаты. Уға Башҡортос­тандың күренекле мәҙәниәт эшмәкәрҙәре – яҙыусы Мостай Кәрим, шағир Фәтих Кәрим һ.б. нигеҙ һалған.

XVII төбәк-ара “Илһам шишмәләре-2019” шиғриәт фестивален ойоштороу­сылар – Бәләбәй районы хакимиәте, Башҡортостандың Мәҙәниәт министр­лығы, Яҙыусылар союзы. Конкурс ике этапта уҙғарыла, беренсеһе – 1 фев­ралдән 1 мартҡа тиклем. Ғаризалар һәм ижади эштәр ҡабул ителә.

Икенсе этапта түбәндәге номинациялар буйынса лауреаттар (Гран-при, бер беренсе, ике икенсе һәм өс өсөнсө урындар) һәм дипломанттар билдәләнә: “Шағир һәм заман” (урыҫ, башҡорт, татар һәм сыуаш телдәрендә яҙған авторҙар өсөн айырым дүрт номинация); “Тыуған яҡтың гүзәллеген мәңге күреп туймамын!” (республиканың 100 йыллығына арналған); “Заман һаҡлай алтын фекерҙәрҙе” (Мостай Кәримдең тыуыуына 100 йыл тулыу хөрмәтенә); “Бар донъя – театр, беҙ барыбыҙ – унда ирекһеҙҙән актерҙар...” (Рәсәйҙә Театр йылына арналған); “Фестиваль асышы”; “Заман башҡа – заң башҡа” (йәштәр шиғриәте); “Мөхәббәт – ул шундай изге хис...”; “Был көндәрҙең даны һүрелмәҫ” (Бөйөк Ватан һуғышында халыҡ ҡаһарманлығын данлаған авторҙар өсөн); “Яратырға, ышанырға һәм йәшәргә” (сәләмәтлек мөмкинлектәре сикләнгән авторҙар һәм Бөйөк Ватан һуғышы ветерандары өсөн); ”Балалар өсөн яҙам”; “Ҡанат ҡуйҙы миңә фестиваль”; ”Тоғролоҡ һәм бурыс ялҡыны бөйөк юлыбыҙҙы яҡтыртһын!” (Фәтих Кәримдең 110 йыллығына арналған).

Икенсе этап һөҙөмтәләре буйынса баһалама ағзаларының иғлан ителгән барлыҡ номинациялар буйынса урындар бирмәүе ихтимал. Икенсе этапты уҙған ҡатнашыусыларҙы ойоштороу комитеты фестивалдең өсөнсө этабында ҡатнашырға саҡыра.

Фестивалдең ойоштороу комитеты ҡатнашыуға ғаризаларҙы һәм ижади эштәрҙе урындағы баһалама ағзала­рының (гәзит редакцияларының, әҙәби берләшмәләренең) тәҡдим итеү хаты менән ҡабул итә, унда шағир тураһында мәғлүмәт булырға тейеш: тематика, ижад үҙенсәлеге, рекомендациялар һ.б. Авторҙар мотлаҡ исем-фамилияһын, атаһының исемен, йәш, һөнәр, паспорт мәғлүмәттәрен, социаль һәм страховка пенсия таныҡлығы һандарын күрһәтергә, фоторәсем ебәрергә бурыслы.

Заявкаларҙы ойоштороу комитеты түбәндәге адрес буйынса ҡабул итә: 452000, Бәләбәй ҡалаһы, Кесе Туғай урамы, 53а, “Бәләбәй хәбәрҙәре” гәзите редакцияһы. Электрон почта: 7belizv@gmail.com. Телефондар: (34786) 3-23-02, 3-17-02, 3-42-67, 4-23-58, 4-09-25.