Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ерҙә уның бәхете
Ерҙә уның бәхетеУсман ауылынан фермер Илдар Ҡотлоюлов Башҡортостан ауыл хужалығы институтында (хәҙер Башҡортостан дәүләт аграр университеты) уҡып йөрөгәндә үк яҙмышын ауыл менән бәйләргә ҡарар итә. Районына ҡайтып, "Путь Ленина" исемендәге колхозға агроном булып эшкә урынлаша. Ун йылға яҡын ошо хужалыҡта эшләгәндән һуң, ҡатыны Фәриҙә, туғандары менән кәңәшләшеп, Усманда йәшәргә хәл итәләр.
Ауыл осонда йорт һалып сығалар. Илдар мәктәптә географиянан һәм музыканан уҡыта. Әммә ауыл мөхитен үҙ иткән, ерһеҙ-малһыҙ тормошон күҙ алдына килтермәгән егет, 1999 йылда крәҫтиән (фермер) хужалығы ойоштороп ебәрә. Атаһы ла, бер туған ҡустылары ла ер эшен яҡшы белгәс, Илдарҙың башланғысын хуплайҙар. Тәүҙә ҡатыны менән үҙенең пай ерен берләштереп, иген сәсәләр. Тәүге осоро техника юҡлығы, тәжрибәһеҙлек, әлбиттә, бәкәлгә һуға. Фермерға "Өршәк" колхозы ла ҙур ярҙам күрһәтә, техника бирә, эштең асылына төшөндөрәләр. Тәүге йылдарҙа фермер бойҙай, шәкәр сөгөлдөрө үҫтерә. Эше яйлап юлға һалынғас, ауылдаштарын эш менән тәьмин итә. Хеҙмәттәре өсөн аҡсаһын да түләй, шәкәрен дә бирә. Һуңынан хужалыҡты алып барыу өсөн трактор, комбайн, ер эшкәртеү ҡорамалдары һатып ала.
– Ул осорҙо иҫкә төшөрһәң, күңелгә нисектер ҡыйын булып китә. Әммә ныҡыш, түҙемле булыуыбыҙ ғына эште артабан уңышлы алып барырға булышлыҡ иткәндер, моғайын, – ти Илдар Миңләсҡәт улы. – Бөгөн донъям түңәрәк, яратҡан эшем дә бар. Балаларҙың ярҙамын тойоп йәшәйбеҙ.
Кесе эшҡыуарлыҡ менән шөғөлләнеүселәргә аҡсалата ярҙам күрһәтеү махсус программалары тормошҡа ашырыла башлағас, бөтмөр егет банкка мөрәжәғәт итә һәм кредит алыуға өлгәшә. Яғыулыҡ-майлау материалдарына, һөткә, орлоҡ һатып алыуға республика Хөкүмәтенән субсидия алғандар. "Ил етәкселеге беҙҙең кеүектәргә, шөкөр, ярҙам ҡулы һуҙа, бөлгөнлөккә төшөргә юл ҡуймай", – ти фермер. Күләмле аҡсаны Илдар эшмәкәрлеген артабан үҫтереүгә тотона. Әле хужалығында ике йөк машинаһы, ике "Беларусь" һәм сылбырлы тракторы, комбайны, шәкәр сөгөлдөрө сәсеү һәм йыйып алыу комплексы бар. Бөгөн 310 гектар ерҙә бойҙай, шәкәр сөгөлдөрө, көнбағыш үҫтереп, мул ғына уңыш йыйып ала. Йыйылған уңышты юғалтыуһыҙ һаҡлау өсөн келәт, техника асыҡ һауала тормаһын тип, ангар төҙөп ултырта хәстәрлекле хужа.
2008 йылдағы тырышлығы бушҡа китмәй, уға "Рәсәй Федерацияһының почетлы фермеры" тигән маҡтаулы исем бирелә.
Үҫемлекселектән тыш, Илдар Ҡотлоюлов малсылыҡҡа ла иғтибар бүлә. Хужалығында бөгөн 50-гә яҡын һыйыр малы аҫрай, шуның 25-е – һауын һыйыры. Быйыл айырым ферма төҙөргә уйлайҙар, сөнки мал һаны ишәйә, тоҡомдо ла яңыртып торалар. Умарта ла тоталар. Етештергән продукцияны Талбазы ауылына, Өфө, Стәрлетамаҡ ҡалаларына алып барып һаталар. Улар бал йәрминкәһендә лә ихлас ҡатнаша.
Бөгөн Илдар Ҡотлоюлов кейәүе Ильяс, улы Илнур менән хужалыҡ йөгөн бергә тарта. Тағы ла алты ауылдашы уның ҡулы аҫтында эшләй. Ҡатыны Фәриҙә тәмле аш-һыуы менән ҡыуандырһа, өлкән ҡыҙы Алһыу ике балаға әсә. Стәрлетамаҡ ҡалаһында Ленин исемендәге лицейҙа уҡыусы ҡыҙы Таңсулпан да ял көндәрендә ата-әсәһенә ярҙамлаша.
Самат ҒӘЛИН
Ауырғазы районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Республикала баҡыр сығарыу тураһында ҡарар геология-разведка эштәренән һуң ҡабул ителә

Республикала баҡыр сығарыу тураһында ҡарар геология-разведка эштәренән һуң ҡабул ителә 20.05.2025 // Иҡтисад

Республикала баҡыр сығарыу тураһында ҡарар геология-разведка эштәренән һуң ҡабул ителә...

Тотош уҡырға 13

Башҡортостанда «Мирная» һанлы подстанцияһы сафҡа индерелде

Башҡортостанда «Мирная» һанлы подстанцияһы сафҡа индерелде 20.05.2025 // Иҡтисад

Башҡортостанда «Мирная» һанлы подстанцияһы сафҡа индерелде...

Тотош уҡырға 11

Башҡортостанда йомшаҡ сырҙар етештереү цехы асылды

Башҡортостанда йомшаҡ сырҙар етештереү цехы асылды 14.05.2025 // Иҡтисад

Башҡортостанда йомшаҡ сырҙар етештереү цехы асылды...

Тотош уҡырға 39

Башҡортостанда июндә нисек ял итәләр һәм хеҙмәт хаҡы түләйҙәр

Башҡортостанда июндә нисек ял итәләр һәм хеҙмәт хаҡы түләйҙәр 13.05.2025 // Иҡтисад

Башҡортостанда июндә нисек ял итәләр һәм хеҙмәт хаҡы түләйҙәр...

Тотош уҡырға 36

Республика аграрийҙары 4 миллиард һумға ауыл хужалығы техникаһы һатып алған

Республика аграрийҙары 4 миллиард һумға ауыл хужалығы техникаһы һатып алған 05.05.2025 // Иҡтисад

Республика аграрийҙары 4 миллиард һумға ауыл хужалығы техникаһы һатып алған...

Тотош уҡырға 51

Башҡортостан менән Үзбәкстан уртаҡ технопарк булдырыу тураһында һөйләшеп килеште

Башҡортостан менән Үзбәкстан уртаҡ технопарк булдырыу тураһында һөйләшеп килеште 30.04.2025 // Иҡтисад

Башҡортостан менән Үзбәкстан уртаҡ технопарк булдырыу тураһында һөйләшеп килеште...

Тотош уҡырға 69

Башҡортостанда яҙғы сәсеү буйынса лидерҙар асыҡланды

Башҡортостанда яҙғы сәсеү буйынса лидерҙар асыҡланды 24.04.2025 // Иҡтисад

Башҡортостанда яҙғы сәсеү буйынса лидерҙар асыҡланды...

Тотош уҡырға 79

Башҡортостанда яҙғы сәсеү буйынса лидерҙар билдәләнде

Башҡортостанда яҙғы сәсеү буйынса лидерҙар билдәләнде 24.04.2025 // Иҡтисад

Башҡортостанда яҙғы сәсеү буйынса лидерҙар билдәләнде...

Тотош уҡырға 91

Башҡортостандың 22 районында сәсеү эштәре башланды

Башҡортостандың 22 районында сәсеү эштәре башланды 22.04.2025 // Иҡтисад

Башҡортостандың 22 районында сәсеү эштәре башланды...

Тотош уҡырға 80

Мартта республикала йәшәүселәр алған ипотека кредиттары күләме 15% артҡан

Мартта республикала йәшәүселәр алған ипотека кредиттары күләме 15% артҡан 18.04.2025 // Иҡтисад

Мартта республикала йәшәүселәр алған ипотека кредиттары күләме 15% артҡан...

Тотош уҡырға 87

Башҡортостанда субсидияларҙы иҫәпләү өсөн торлаҡтың квадрат метрының хаҡы артты

Башҡортостанда субсидияларҙы иҫәпләү өсөн торлаҡтың квадрат метрының хаҡы артты 16.04.2025 // Иҡтисад

Башҡортостанда субсидияларҙы иҫәпләү өсөн торлаҡтың квадрат метрының хаҡы артты...

Тотош уҡырға 170

Республикала Дүртөйлө – Груздевка юлында ремонт эштәре дауам итә

Республикала Дүртөйлө – Груздевка юлында ремонт эштәре дауам итә 14.04.2025 // Иҡтисад

Республикала Дүртөйлө – Груздевка юлында ремонт эштәре дауам итә...

Тотош уҡырға 86