Яңы иҡтисади һәм сәйәси шарттарҙа химия тармағының үҫеше, инвестиция проекттары, ШОС һәм БРИКС ойошмаларына ингән дәүләттәрҙең мөмкинлеге йыйында һөйләшеүҙең төп йүнәлештәренең береһе булды.

“Башхим”дың генераль директоры Сергей Мерзляков сығышында мөһим теманы күтәр­ҙе. Уның әйте­үенсә, һалым өлкәһендәге сә­йә­сәткә бәйле, этиленды артабан эшкәрткән һәм ҡулланған компаниялар йыл башынан уны ҡыйбат хаҡҡа һатып ала. Һөҙөм­тә­лә был компаниялар этиленды үҙе етеш­тереп эш­кәрт­кән предприятиелар менән тигеҙ булма­ған шарттарҙа ҡалды.
Сергей Мерзляковтың сығышынан һуң зал йәнләнеп китте. Рәсәйҙең энергетика министры урынбаҫары Кирилл Молодцов этилен өсөн һалым ҡайтармаһы мәсьәләһе тикшерелеүен белдерҙе. Рәсәй Хөкүмәте Рә­йесе урынбаҫары Аркадий Дворкович: “Беҙ бының менән шөғөлләнәбеҙ. Ошо юҫыҡ­та ил иҡтисадына зыян килтермәй торған юл табылыр”, – тине.
Йыйындың эше һөҙөмтәле булды, тип бил­дәләнде. Республика Баш­лығы Рөстәм Хә­ми­тов йыл да үткә­рел­гән “Ҙур химия”ның рес­пуб­ли­калағы химия сәнәғәте предприя­тие­лары­ның эҙмә-эҙлек­ле үҫешенә ыңғай йоғонто яһауын, мә­ҫәлән, “Башнефть”, “СИ­БУР”, “Баш­ҡорт­остан со­да компаниялары”­ның эшмәкәр­легенең алға китеүен телгә ал­ды. Шулай уҡ төбәктә эре һәм кесе эшҡы­уар­лыҡты кластерҙарға туплау тормошҡа ашты.
Һуңынан “Башҡортостан Республика­һы­ның корпорация үҫеше” асыҡ акционерҙар йәмғиәте менән “Башнефть” йәмғиәте араһында килешеүгә ҡул ҡуйылды.
#ЗдоровьяВсем: Гинекология, УЗИ, Онкология, Косметология.