Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Кредитһыҙ ҙа йәшәп була

Себеш тә табыш килтерә, ҡарай белһәң...

Илдар Сәйетгәрәевтең крәҫтиән (фермер) хужалығы — районда аяғында ныҡлы баҫып торған, үҫеш юлындағы хужалыҡтарҙың береһе. Элекке “Маяҡ” ауыл хужалығы кооперативы маяҡ булыуҙан туҡтап тарҡалғандан һуң, Илдар Ғәли улы 2008 йылда ошонда фермер хужалығы асырға ниәтләй.

– Эште тауыҡ үҫтереүҙән башларға булдым. Үҙемдең зоотехник белемем юҡ, ҙурыраҡ эштәргә тотонорға бер аҙ ҡурҡыта. Тәүге йылда һигеҙ мең себеш алып, яҡшы итеп үҫтереп һатҡас, икеләнеүҙәр ҙә, ауырлыҡтар ҙа онотолдо. Хәҙер инде 36 мең тауыҡ үҫтереп һатыуға өлгәштек, – ти Илдар Ғәли улы тәүге хеҙмәт аҙымдары тураһында.

Сәйетгәрәевтәргә себештәрҙе йыл аҙағында Свердловск өлкәһенән килтерәләр. Дүрт ай буйы йылы бинала аҫрайҙар. Тәүге айҙа әҙер ҡатнашма бирәләр, артабан аҙыҡты үҙҙәре әҙерләй. Дүрт айлыҡ себештәрҙе инде халыҡҡа һатырға, күмәртәләп оҙатырға була, ти фермер. Йәйен дә эш етерлек, бинаны ремонтлайһы, таҙартаһы, ҡышҡылыҡҡа әҙерләйһе бар. Бер себештән 40-50 һум табыш килә, был – ҡошсолоҡта яҡшы күрһәткес.
2012 йылда һис уйламағанда “Ғаилә малсылыҡ фермаһы” программаһына ингәс, Рәсәй ҡаҙнаһынан һигеҙ миллион һум аҡса алырға насип иткәс, фермер үҙенең алты миллионын да ҡушып, ауыл хужалығы техникаһы алыуға ирешә. Дәртләнеп китеп, Туланан һәр береһе 100 мең һум торған йөҙ баш тана алып ҡайта. “Комолая” тоҡомло һыйырҙарҙың күҙгә ташланған төп үҙенсәлеге – мөгөҙһөҙ булыуында. Әм­мә был “етешһеҙлекте” улар тәбиғәт шарттарына сыҙамлыҡ­тары, стресҡа, сир-сорға бирешмәүҙәре менән аҡлай. Өҫтә­үенә сифатлы, тәмле ите өсөн фермерҙар ошо тоҡомдо аҫ­рар­ға тырыша, сөнки яҡшы продукцияны һәр саҡ юғары хаҡҡа һатыу мөмкинлеген улар йәшермәй. Йәш мал тиҙ үҫә, ауырлығын йылдам арттыра.

– Быйыл иген, бесән сәсергә 160 гектар ер алдыҡ, – тип һөйөнөсө менән уртаҡлашты Илдар Ғәли улы. – Тәүҙәрәк малдарҙың төрлө сәбәптән һәләк булыуын күреп ҡайғыра инем. Хәҙер кәңәшләшер кешеләрем бар – Шишмәләге фермерҙар менән аралашып, тәжрибә уртаҡлашып йәшәйбеҙ. Юҡ, беҙ бер-береһенә юл бирмәҫкә тырышҡан көнсөл конкуренттар түгел. Ярҙамлашып, терәк булып эшләү яғындабыҙ.

Яңы Солтанбәктәге “Сәйетгәрәев” крәҫтиән (фермер) хужалығы бөгөн – үҙ иҫәбенә, кредитһыҙ ҙа эшләй алған көслө предприятие. Яңыраҡ Нуриман районына 50 баш тана һатып, бюджеттарын тулыландырғандар.

– Мин етәксе генә түгел, хужалыҡтың әүҙем эшсеһе лә, – ти Илдар Ғәли улы. – Малсы Рәжәп Ғәйнетдинов, тракторсы Илдус Нурлығаяновтар менән бергә крәҫтиән хеҙмәтенә бер төптән егелгәнбеҙ. Йөктө тигеҙ тартҡанда ғына эш бара.

Шул уҡ ваҡытта эшҡыуар Сәйетгәрәевтәрҙең ғаиләләре менән “Саҡмағошнефть” идаралығында эшләргә өлгөрөүен дә әйтергә кәрәк. Теләк кенә булһын. Ҡатыны Эльвира – инже­нер, ҡыҙы Рината – геолог, ә ғаилә башлығы – электр монтеры.

Дүртөйлө ир-егеттәре ҡайҙа ғына эшләһә лә, хур булмаҫ, беҙ быға сәфәр барышында ныҡлы ышандыҡ инде.


Автор: Динә АРЫҪЛАНОВА әҙерләне
Фото: Айрат Нурмөхәмәтов фотоһы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 1 279

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 1 509

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 1 415

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 1 176

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 1 022

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 1 404

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 1 740

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 1 759

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 2 393

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 1 587